ବିଗ୍ ବସ ହାଉସରୁ କାହିଁକି ବାହାରିଗଲେ ସପନା ? ଜାଣନ୍ତୁ ଏହା ପଛର କାରଣ
ହରିୟାଣା ପ୍ରସିଦ୍ଧ ଡ୍ୟାନ୍ସର ସପନା ଚୌଧୁରୀ ଟିଭିର ସବୁଠାରୁ ବଡ ବିବାଦୀୟ ସୋ’ ବିଗ୍ ବସ-୧୧ରୁ ବାହାରି ଯାଇଛନ୍ତି । ବିଗବସ ଗୃହରୁ ସପନା ଚୌଧୁରୀ ବାହାରିଯିବା ପ୍ରଶଂସକଙ୍କ ପାଇଁ କୌଣସି ଶୋକଠାରୁ ବି କମ ନୁହେଁ । ସପନାଙ୍କର ଏଲିମିନେଶନକୁ ନେଇ ଖୋଦ ସୋ’ର ହୋଷ୍ଟ ତଥା ସଲମାନ ଖାନଙ୍କ ମୁହଁରୁ ବି ବାହାରି ଗଲା କି, ଜଣେ ଯୋଗ୍ୟ ପ୍ରତିଯୋଗୀ ଘରୁ ବାହାରି ଗଲେ । ତେବେ ଏପରି କଣ କାରଣ ରହିଥିଲା କି ଲକ୍ଷ ଲକ୍ଷ ପ୍ରଂଶସକ ଥିବା ସତ୍ତେ୍ୱ ବି ସେ ବିଗବସ ଘରୁ ବାହାରିଗଲେ କିପରି । ଜାଣନ୍ତୁ କେଉଁ କାରଣରୁ ସପନା ଚୌଧୁରୀଙ୍କୁ ବିଗ୍ ବସ ଘରୁ ବାହାରିବାକୁ ପଡିଥିଲା ।
Kanak News is now on WhatsApp
Join and get latest news updates delivered to you via WhatsApp
ମିତ୍ର କମ, ଶତ୍ରୃ ଅଧିକ
ଯଦି ଭଲଭାବେ ଦେଖାଯାଏ ତେବେ ସୋ’ ଆରମ୍ଭ ହେବାର ମାତ୍ର କିଛି ସପ୍ତାହକୁ ବାଦ୍ ଦେଲେ ସପନାଙ୍କ ସଂପୂର୍ଣ୍ଣ ଯାତ୍ରା ବିଗବସ ହାଉସରେ ରୋମାଂଚକର ରହିଥିଲା । ବିଗବସରେ ସପନା ନିଜ ନୃତ୍ୟ ଏବଂ ଲଢେଇ ଝଗଡା ପାଇଁ ଚର୍ଚ୍ଚାରେ ରହିଥିଲେ । ତାଙ୍କର ଅର୍ଶୀ, ଆକାଶ, ଶିଳ୍ପା, ବିକାଶ, ପୁନୀଶ, ବନ୍ଦଗୀଙ୍କ ସହ ଝଗଡା ହୋଇଥିଲା । ଆଉ ଏହି ସୋ’ରେ ହିନା ଖାନ, ପ୍ରିୟାଙ୍କ ଏବଂ ଲବ୍ ତ୍ୟାଗୀ ତାଙ୍କର ମିତ୍ର ଥିଲେ ।
ରାଗୀ ଗୁଣ
ସପନା କିଛି ଦିନରୁ ଅତ୍ୟଧିକ ଲଢେଇ ଝଗଡା କରୁଥିଲେ । ସେ ସୋ’ ରେ ଶୋଇଥିବାର ଦେଖିବାକୁ ମିଳୁଥିଲେ ନଚେତ କାହା ଉପରେ ରାଗ ଦେଖାଉଥିବାର ନଜରକୁ ଆସିଥିଲେ । ତାଙ୍କର ଏହି ଗୁଣ କାରଣରୁ ତାଙ୍କୁ ଏଭଳି ଅସୁବିଧାର ସମ୍ମୁଖୀନ ହେବାକୁ ପଡିଥିଲା । ସେ କଥା କଥାରେ ରାଗି ପ୍ରତିଯୋଗୀଙ୍କୁ ଅନେକ କଟୁ କଥା କହିପକାଉଥିଲେ । ସପନାଙ୍କୁ ଅନେକ ସମୟରେ ଚିତ୍କାର କରୁଥିବାର ବି ଦେଖିବାକୁ ମିଳୁଥିଲା । ସୁନ୍ଦର ଚେହେରା ଏବଂ ସରଳ ହାସ୍ୟରେ ପ୍ରଶଂସକଙ୍କ ହୃଦୟ ଜିତି ପାରୁଥିବା ସପନାଙ୍କ ଲଢେଇ ଖୋର ଅନ୍ଦାଜକୁ ପ୍ରଂଶସକମାନେ ପସନ୍ଦ କଲେ ନାହିଁ ।
ହିନା ଖାନଙ୍କ ସହ ବନ୍ଧୁତା
ବିଗବସ ଗୃହରୁ ସପନାଙ୍କ ବାହାରିବା ପଛରେ ହିନା ଖାନଙ୍କ ମୁଖ୍ୟ ଭୂମିକା ରହିଥିଲା ବୋଲି ପ୍ରଶଂସକମାନେ ଭାବୁଛନ୍ତି । ନୋମିନେସନ ଟାସ୍କରେ ହିନା ସପନାଙ୍କୁ ଅସୁରକ୍ଷିତ କରି ଲବ୍ ତ୍ୟାଗୀଙ୍କୁ ସୁରକ୍ଷିତ କରିଥିଲେ । ଏହାଛଡା ପ୍ରଶଂସକଙ୍କୁ ହିନା ଏବଂ ସପନାଙ୍କ ଯୋଡି ବିଲକୁଲ ପସନ୍ଦ ଆସି ନଥିଲା । ହିନା ଯେବେଠାରୁ ସୋ’କୁ ଆସିଛନ୍ତି ସେବେଠାରେ ସେ ସମାଲୋଚନାର ଶିକାର ହୋଇଛନ୍ତି । ତେବେ ହିନାଙ୍କ ସହ ବନ୍ଧୁତା ତାଙ୍କୁ ମହଙ୍ଗା ପଡିଥିବା କହିଲେ କିଛି ଭୁଲ ହେବ ନାହିଁ ।
କମ୍ ଯୋଗଦାନ
ସୋ’ ରେ ତାଙ୍କର ଭୂମିକା ଖୁବ୍ କମ ନଜର ଆସିଥିଲା । ସପନା ସବୁ ସପ୍ତାହରେ ହେଉଥିବା ଟାସ୍କରେ କମ ଯୋଗଦାନ ଦେଉଥିଲେ । କିଛି ଦିନ ପୂର୍ବେ ହୋଇଥିବା ଲଗଜ୍ୟୁରୀ ବଜେଟ୍ ଟାସ୍କରେ ସେ ଜୋକ୍ସର ଭୂମିକା ଗ୍ରହଣ କରିଥିଲେ । ଯେଉଁଥିରେ ସେ ଅତ୍ୟନ୍ତ ଖରାପ ପ୍ରଦର୍ଶନ କରିଥିଲେ । ତାଙ୍କର ଏହି ଗୁଣ ଯୋଗୁଁ ଘର ସଦସ୍ୟ ଲଗ୍ଜରୀ ବଜେଟ ପାଇବାକୁ ଅସଫଳ ହୋଇଥିଲେ । ସପନାଙ୍କ ଉପରେ ସବୁବେଳେ ଘରେ ଶୋଇ ରହୁଥିବା ଆରୋପ ମଧ୍ୟ ଲାଗିଥିଲା । ସେ ଘର ସଦସ୍ୟଙ୍କ ସହିତ ଖୁବ୍ କମ୍ କଥାବାର୍ତ୍ତା ହେଉଥିଲେ ।
ସପନାଙ୍କ ବ୍ୟବହାର
ସପନାଙ୍କ ବ୍ୟବହାର ଅନେକ ଲୋକଙ୍କୁ ମଧ୍ୟ ପସନ୍ଦ ଆସି ନଥିଲା । ସେ ରାଗରେ ଅନେକ ବିବାଦୀୟ କଥା କହୁଥିଲେ । ଏବଂ ସେ ଯାହା ସହ ଝଗଡା କରୁଥିଲେ ତାଙ୍କୁ ସେ ଅନେକ କଡା କଥା କହୁଥିଲେ । ଏହିସବୁ ପ୍ରକୃତି କାରଣରୁ ତାଙ୍କର ପ୍ରଂଶସକମାନଙ୍କର ସଂଖ୍ୟା କମି ଯାଇଥିଲା ।