ଭାଇଜାନଙ୍କ ବିରାଟ ରେକର୍ଡ ! ଟ୍ୟୁବଲାଇଟ୍ ଫ୍ୟୁଜ୍ ହେବାପରେ ‘ଟାଇଗର ଜିନ୍ଦା ହୈ’ରେ ହିଟ୍ ହେଲେ ସଲମାନ
ଦବଙ୍ଗ ହିରୋ ସଲମାନ ଖାନଙ୍କ ସିନେମା ସବୁବେଳେ ସୁପରହିଟ ହୋଇ ଆସିଛି । ଯାହା ତାଙ୍କୁ ବଲିଉଡର ଜଣେ ପ୍ରଖ୍ୟାତ ଅଭିନେତା ଭାବରେ ପରିଚିତ କରିପାରିଛି । କିନ୍ତୁ ଏତେ ସବୁ ସୁପରହିଟ ଫିଲ୍ମ ମଧ୍ୟରେ ଫ୍ଲପ ଫିଲ୍ମ କୌଣସି ପ୍ରଭାବ ପକାଏ ନାହିଁ ସଲୁ ମିଆଁଙ୍କ ଉପରେ । ଏହା ପ୍ରମାଣ କରିଛି ତାଙ୍କ ଫିଲ୍ମ ‘ଟାଇଗର ଜିନ୍ଦା ହୈ’ । କାରଣ ଟ୍ୟୁବଲାଇଟ ଫ୍ୟୁଜ ହୋଇ ଯାଇଥିଲେ ମଧ୍ୟ ସଲମାନଙ୍କ ଫିଲ୍ମ କ୍ୟାରିଅର ଉପରେ କୌଣସି ପ୍ରଭାବ ପଡ଼ିନାହିଁ ।
Kanak News is now on WhatsApp
Join and get latest news updates delivered to you via WhatsApp
ଗଣ ମାଧ୍ୟମରେ ପ୍ରକାଶିତ ଖବର ଅନୁସାରେ, ସିନେମା ‘ଟାଇଗର ଜିନ୍ଦା ହୈ’ ବକ୍ସ ଅଫିସରେ ପ୍ରଥମ ଦିନରେ ୩୮ କୋଟି ରୋଜଗାର କରିଥିଲା । ଖାଲି ସେତିକି ନୁହେଁ ଭାରତର ପାଖାପାଖି ୮୦ ପ୍ରତିଶତ ବୁକିଂ ସହିତ ଓପନିଙ୍ଗ ହୋଇଥିଲା ଫିଲ୍ମ ‘ଟାଇଗର ଜିନ୍ଦା ହୈ’ । ଏହା ସହିତ ଅଷ୍ଟ୍ରେଲିଆର ୨୪ଟି ସ୍କ୍ରିନରେ ରିଲିଜ ହୋଇଛି ଫିଲ୍ମ ‘ଟାଇଗର ଜିନ୍ଦା ହୈ’ । ତେବେ ରିଳିଜର ୭ ଦିନରେ ୨୦୬ କୋଟି ଇନକମ କରି ରେକର୍ଡ଼ କରିଛି ଏହି ଫିଲ୍ମ । ସବୁଠାରୁ ଅଧିକ ଇନକମ କରିଥିବା ଫିଲ୍ମ ମଧ୍ୟରେ ଦ୍ୱିତୀୟ ସ୍ଥାନରେ ରହିଛି ଭାଇଜାନଙ୍କର ଏହି ସିନେମାଟି । ଯଦିଓ ଏହା ପୂର୍ବରୁ ଗୋଲମାଲ ଅଗେନ ଏହି ସ୍ଥାନରେ ରହିଥିଲା କିନ୍ତୁ ଏହା ସମସ୍ତ ଫିଲ୍ମର ଲାଇଫ ଲାଇନ ରେକର୍ଡ଼କୁ ପଛରେ ପକାଇଛି ।
ଦେଶ ବିଦେଶରେ ଏହି ଫିଲ୍ମ ପାଇଁ ଫ୍ୟାନ୍ସ ମାନଙ୍କୁ କ୍ରେଜି ଦେଖିବା ପରେ ଏଭଳି ଲାଗୁଛି ଯେମିତି ଦର୍ଶକ ଅନ୍ୟ କୌଣସି ଫିଲ୍ମ ନୁହେଁ ବରଂ ଏହି ଫିଲ୍ମକୁ ଅପେକ୍ଷା କରିଥିଲେ । ସେଥିପାଇଁ ରିଲିଜ ଦିନରୁ ଆରମ୍ଭ କରି ଆଜି ପର୍ଯ୍ୟନ୍ତ ରେକର୍ଡ଼ କରିଛି ଏହି ଫିଲ୍ମ । ଏହା ବ୍ୟତୀତ ଫିଲ୍ମଟି ୨୦୧୭ର ସବୁଠାରୁ ବଡ଼ ଓପନର ହୋଇ ସାରିଛି । କିନ୍ତୁ ଏହା ପୂର୍ବରୁ ବାହୁବଳୀ ଏହି ସ୍ଥାନରେ ଥିଲେ ମଧ୍ୟ ଏହାକୁ ସଂପୂର୍ଣ୍ଣ ହିନ୍ଦୀ ଫିଲ୍ମ ଭାବେ ଗ୍ରହଣ କରାଯାଉ ନାହିଁ । ତେବେ ବକ୍ସ ଅଫିସରେ ୧୦୦ କୋଟି କ୍ଲବରେ ସାମିଲ ହୋଇଥିବା ଫିଲ୍ମ ମାନଙ୍କ ମଧ୍ୟରେ ସଲମାନଙ୍କ ଏହି ଫିଲ୍ମ ୧୨ତମ ସ୍ଥାନରେ ରହିଛି । ତେବେ ୧୦୦ କୋଟି କ୍ଲବରେ ସାମିଲ ହୋଇଥିବା ଅଭିନେତା ମାନଙ୍କ ମଧ୍ୟରେ ସଲମାନ ପ୍ରଥମ ସ୍ଥାନରେ ରହିଛନ୍ତି ।