ଲତା ମଙ୍ଗେସକରଙ୍କ ନାଁରେ ଲୋକଙ୍କୁ ଠକିଲେ ମହିଳା । ଲକ୍ଷାଧିକ ଟଙ୍କା ଠକିନେବା ଘଟଣାର ପର୍ଦ୍ଦାଫାଶ
ବଲିଉଡ ଜଗତର ଖ୍ୟାତନାମା ଗାୟିକା ତଥା କୋକିଳ କଣ୍ଠି ଲତା ମଙ୍ଗେସକରଙ୍କୁ ନେଇ ଏକ ବଡ ଖବର ଏବେ ସାମ୍ନାକୁ ଆସିଛି । କୋକିଳ କଣ୍ଠି ଲତା ମଙ୍ଗେସକର ନାଁରେ ଜଣେ ମହିଳା ଲୋକଙ୍କଠାରୁ ଲକ୍ଷାଧିକ ଟଙ୍କା ଠକି ନେଇଥିବା ଅଭିଯୋଗ ଆସିଛି । ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ନାଲାସୋପାରାରେ ରହୁଥିବା ରେବତି ଖେର ନାମକ ଜଣେ ମହିଳା ଲତା ମଙ୍ଗେସକରଙ୍କ ନାଁରେ ଲୋକଙ୍କଠାରୁ ଲକ୍ଷାଧିକ ଟଙ୍କା ଲୁଟି ନେଇଛନ୍ତି । ପୁଲିସ ସୂଚନା ଅନୁସାରେ, ରେବତି ଅନେକ ଲୋକଙ୍କଠାରୁ ଦାନ ନାଁରେ ଟଙ୍କା ନେଉଥିଲା । ଏପରିକି କୋକିଳ କଣ୍ଠି ଲତା ମଙ୍ଗେସକରଙ୍କ ନାମରେ ବି ଏକ ନକଲି ଚିଠି ଛାପି ଏବଂ ଏହି ଚିଠି ସହାୟତାରେ ଅନେକ ବଡ ବଡ ଲୋକଙ୍କଠାରୁ ଟଙ୍କା ଠକି ନେଇଥିବା ଅଭିଯୋଗ ହୋଇଛି ।
ତେବେ ଏହି ଘଟଣାର ପର୍ଦ୍ଦାଫାଶ ସେତେବେଳେ ହୋଇଥିଲା ଯେତେବେଳେ ଦାନ ଦେଉଥିବା ଜଣେ ବ୍ୟକ୍ତି ଏଭଳି ସାମାଜିକ କାମ କରୁଥିବା ନେଇ ଲତା ମଙ୍ଗେସକରଙ୍କୁ ଶୁଭେଚ୍ଛା ଜଣାଇଥିଲେ । ଏହାପରେ ଲତା ମଙ୍ଗେସକର ନିଜ ବ୍ୟକ୍ତିଗତ ଅଧିକାରୀଙ୍କୁ ପୁଲିସକୁ ଜଣାଇବାକୁ କହିବାକୁ । ଯାହାଦ୍ୱାରା କି ବାକି ଲୋକ ଉକ୍ତ ଠକ ମହିଳାଙ୍କ କବଳରୁ ରକ୍ଷା ପାଇପାରିବେ ।
ପୁଲିସ ତଦନ୍ତ ପରେ ଜଣାପଡିଥିଲା, ରେବତି ବଡ ବଡ ପାର୍ଟି ଏବଂ ବୁକ୍ ରିଲିଜ ଆଦି ଉତ୍ସବରେ ସାମିଲ ହୋଇ ନିଜକୁ ସେ ଲତା ମଙ୍ଗେସକରଙ୍କ ଜଣେ ଘନିଷ୍ଠ ସହଯୋଗୀ ବୋଲି ପରିଚୟ ଦେଉଥିଲା । ଖାଲି ସେତିକି ନୁହେଁ ସେ ଆହୁରୀ ମଧ୍ୟ କହୁଥିଲା କି, ଲତା ମଙ୍ଗେସକର ତାଙ୍କର ଏହି ମହତ କାମ ପାଇଁ କୌଣସି ପବ୍ଲିସିଟି ଚାହୁଁନାହିଁନ୍ତି ବୋଲି ମଧ୍ୟ ମହିଳା ଜଣକ କହୁଥିଲା । ତେବେ ଲତା ମଙ୍ଗେସକରଙ୍କର ଭାଣିଜୀ ରଚନା ଶାହଙ୍କ କହିବା କଥା ହେଲା, ଏସଂପର୍କରେ ପୋଲିସ ନିକଟରେ ଅଭିଯୋଗ କରାଯାଇଛି । ପୋଲିସ ମଧ୍ୟ ଏନେଇ ତଦନ୍ତ ଆରମ୍ଭ କରିଦେଇଛି ।
ସୌଜନ୍ୟ: ଅମରଉଜାଲା