ଭୁଲ କରିଦେଲେ ଭାଇଜାନ ! ରାଗି ଗଲେ ବାଲ୍ମିକୀ ସମାଜ
ବଲିଉଡ ଅଭିନେତା ସଲମାନ ଖାନ ବି-ଟାଉନରେ ଖୁବ ନାଁ କମାଇଛନ୍ତି । ଭାଇଜାନଙ୍କର କିଲର ଲୁକରେ କୋଟି କୋଟି ଝିଅ ଦିୱାନୀ ହେବାର ମଧ୍ୟ ନଜୀର ରହିଛି । ଜଣେ ପ୍ରତିଷ୍ଠିତ ବ୍ୟକ୍ତି ଭାବରେ ସଲମାନ ବେଶ୍ ଜଣାଶୁଣା । ତାଙ୍କୁ କିଛି କହିବା ପୂର୍ବରୁ ହଜାର ଥରେ ଭାବିବାକୁ ପଡ଼ିଥାଏ । କୌଣସି କଥାର ପ୍ରତିବାଦ କରନ୍ତି ନାହିଁ କିନ୍ତୁ ଏଭଳି କିଛି କାମ କରନ୍ତି ଯାହା ଦ୍ୱାରା ସାମ୍ନା ଲୋକ ଆପେ ଆପେ ଚୁପ ହୋଇଯାଏ । କିନ୍ତୁ ଏଥର ଏଭଳି କିଛି ହୋଇଛି ଦବଙ୍ଗ ସଲମାନଙ୍କ ବ୍ୟାଣ୍ଡ ବାଜି ଯାଇଛି । ଖାଲି ସଲମାନ କାହିଁକି ଶିଳ୍ପା ସେଟ୍ଟୀ ମଧ୍ୟ ନିୟମ କାନୁନ ଭିତରେ ଫସି ଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବାସ୍ତବରେ ସଲମାନ ଏବଂ ଶିଳ୍ପା ନେସନାଲ ଟିଭିରେ ‘ଭଙ୍ଗୀ’ ଶବ୍ଦକୁ ନେଇ କମେଂଟ କରିଥିବାରୁ ବାଲ୍ମିକୀ ସମାଜ ସଲମାନ ଏବଂ ଶିଳ୍ପାଙ୍କ ବିରୋଧରେ ମାମଲା ରୁଜୁ କରିଛିନ୍ତି । ଏହି ମାମଲାରେ ‘ନେସନାଲ କମିଶନ ଫର ସିଡ୍ୟୁଲ ଟ୍ରାଇବ’ ନୋଟିସ ଜାରି କରି ସୂଚନା ଏବଂ ପ୍ରସାରଣ ମନ୍ତ୍ରାଳୟ ଏବଂ ଦିଲ୍ଲୀ ଓ ମୁମ୍ବାଇର ପୋଲିସ କମିଶନରଙ୍କୁ ୭ ଦିନରେ ଉତ୍ତର ମାଗିଛନ୍ତି ।
ବାଲ୍ମିକୀ ସମାଜର କହିବା ଅନୁସାରେ, ଜନ ସାଧାରଣଙ୍କ ସମ୍ମୁଖରେ ‘ଭଙ୍ଗୀ’ ଶବ୍ଦ ବ୍ୟବହାର କରିଥିବାରୁ ତାଙ୍କ ସମାଜର ଭାବନାକୁ ଆଘାତ ହୋଇଛି । ଯେଉଁଥିରେ କ୍ରୋଧିତ ହୋଇ ବାଲ୍ମିକୀ ସମାଜ ଅଭିନେତା ଏବଂ ଅଭିନେତ୍ରୀଙ୍କ ବିରୋଧରେ ଅଭିଯୋଗ ଆଣିଛନ୍ତି । ବାସ୍ତବରେ ସଲମାନ ଖାନ ତାଙ୍କ ସିନେମା ଟାଇଗର ଜିନ୍ଦା ହୈର ପ୍ରମୋଶନରେ ଡ୍ୟାନ୍ସ ଷ୍ଟାଇଲକୁ ‘ଭଙ୍ଗୀ’ ବୋଲି କହିଥିଲେ । ଅନ୍ୟ ପକ୍ଷେ ଶିଳ୍ପା କହିଥିଲେ ଯେ, ସେ ଘରେ ‘ଭଙ୍ଗୀ’ ଭଳି ଡ୍ରେସଅପ କରୁଛନ୍ତି । ବାଲ୍ମିକୀ ସମାଜ ଆକ୍ସନ ଦଳ ଦିଲ୍ଲୀରେ ଏଫଆଇଆରର କପିକୁ ଫେସବୁକରେ ସେୟାର କରିଛନ୍ତି । ଏହା ସହିତ ବାଲ୍ମୀକି ସମାଜ ଆଗ୍ରାରେ ସଲମାନଙ୍କ ସିନେମାକୁ ସଂପୂର୍ଣ୍ଣ ରୂପେ ବିରୋଧ କରିଛନ୍ତି ।