ଏବେ ଯେମିତି ଲାଗୁଛି ସୁନୀଲଙ୍କ ସହ କପିଲଙ୍କ ଲଢେଇ ଏବଂ ତାପରେ ସୁନୀଲ ତାଙ୍କ ଶୋ’ ଛାଡି ଚାଲି ଯିବା ଭଳି ଘଟଣାରେ ବୋଧେ କପିଲଙ୍କୁ ଟିକେ ହେଲେ ମଧ୍ୟ ଫରକ୍ ପଡିନି । ସେଥିପାଇଁ ତ ଏତେସବୁ ହେଲାପରେ ବି ସେ ନିଜର ବ୍ୟବହାରରେ ଟିକେ ବି ପରିବର୍ତ୍ତନ ଆଣି ନାହାଁନ୍ତି ଆଉ ସୁନୀଲଙ୍କ ବିଷୟରେ ଚାରିଆଡେ ଅପବାଦ ପ୍ରଚାର କରିବାରେ ଲାଗି ପଡିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କପିଲ ଏବେ ନିଜ ସିନେମା ‘ଫରଙ୍ଗୀ’ର ସୁଟିଂ କାମକୁ ନେଇ ବ୍ୟସ୍ତ ଅଛନ୍ତି । ଏହି ଅବସରରେ ସେ ଲୋକଙ୍କୁ କହି ବୁଲୁଛନ୍ତି କି ସୁନୀଲ, ଚନ୍ଦନ ଏବଂ ଅଲୀ ତାଙ୍କ ଶୋ’କୁ ଫେରିବାକୁ ବାଧ୍ୟ ଅଟନ୍ତି । କାରଣ ସେମାନଙ୍କୁ ଟଙ୍କାର ଘୋର ଆବଶ୍ୟକ ରହିଛି । ଯଦିଓ ଏହି ଖବରର ସତ୍ୟତା କେତେ ଦୂର ଠିକ୍ ତାହା ବିଷୟରେ ଆମକୁ ଅଧିକ ସୂଚନା ମିଳିପାରି ନାହିଁ । କିନ୍ତୁ ଏହି ଖବରଟିକୁ ନେଇ ଏବେ ଚର୍ଚ୍ଚା ଜୋର ଧରିଛି ,କି ନିଜ ସିନେମାର ସୁଟିଂ ସମୟରେ କପିଲ ସୁନୀଲଙ୍କ ସଂପର୍କରେ ଏବେ ମଧ୍ୟ ଖରାପ କଥା କହୁଛନ୍ତି ।
ତେବେ ଦେଖିବାକୁ ବାକି ଅଛି, କି କପିଲଙ୍କ ଏଭଳି ବ୍ୟବହାର ଉପରେ ସୁନୀଲ କି ଷ୍ଟେପ୍ ନେଉଛନ୍ତି । କାରଣ ଝଗଡା ପରେ ଏପର୍ଯ୍ୟନ୍ତ ସୁନୀଲ ,ଚନ୍ଦନ ଏବଂ ଅଲୀ କପିଲଙ୍କ ଶୋର ସୁଟିଂ ଆରମ୍ଭ କରି ନାହାଁନ୍ତି । ଏବେ ଶୁଣିବାକୁ ମିଳିଛି, ସୁନୀଲ ଗ୍ରୋବର କାଳେ ‘ଡାକ୍ଟର ମଶହୁର ଗୁଲାଟି’ ନାମରେ ନିଜର ଏକ କମେଡି କାର୍ଯ୍ୟକ୍ରମର ଆରମ୍ଭ କରିବାକୁ ଯାଉଛନ୍ତି ।