ଅଲୋଡା କେମିତି ହେଲେ ଲୋଡା ! ଦିବ୍ୟା ଭାରତୀଙ୍କ ପ୍ରଥମ ସିନେମା ପଛର କାହାଣୀ

4

ସିନେମା ଜଗତରେ ଏଭଳି ଅନେକ ନାୟିକା ଅଛନ୍ତି ଯେଉଁମାନେ ଖୁବ୍ ସମୟ ମଧ୍ୟରେ ନିଜର ଦମଦାର ଅଭିନୟ ମାଧ୍ୟମରେ ଦର୍ଶକଙ୍କ ହୃଦୟରେ ନିଜର ଛାପ ଛାଡି ଦୁନିଆରୁ ସବୁଦିନ ପାଇଁ ଚାଲି ଯାଇଛନ୍ତି । ମୀନା କୁମାରୀ, ମଧୁବାଳାଙ୍କ ସହ ଏହି ତାଲିକାରେ ମଧ୍ୟ ଅଛନ୍ତି ୯୦ ଦଶକର ନମ୍ବର ୱାନ ଅଭିନେତ୍ରୀ ଦିବ୍ୟା ଭାରତୀ ।

ଯଦିଓ ତାଙ୍କର ମୃତ୍ୟୁକୁ ଅନେକ ବର୍ଷ ବିତି ଯାଇଛି । କିନ୍ତୁ ତାଙ୍କ ଉପସ୍ଥିତି ଏବେବି ଦର୍ଶକଙ୍କ ମନରେ ଅକ୍ଷୁର୍ଣ୍ଣ ରହିଛି । ୫ ଏପ୍ରିଲ ୧୯୯୩ରେ ଦିବ୍ୟାଭାରତୀଙ୍କ ନିଧନ ହୋଇଥିଲା । ସେତେବେଳେ ଦିବ୍ୟାଙ୍କୁ ମାତ୍ର ୧୯ ବର୍ଷ ବୟସ ହୋଇଥିଲା । ମାତ୍ର ଗ୍ଲାମର ଜଗତରେ ସେ ଥିଲେ ସବୁଠାରୁ ଶୀର୍ଷରେ ।

ଯଦି ଦିବ୍ୟାଙ୍କ କ୍ୟାରିୟର ଉପରେ ଧ୍ୟାନ ଦିଆଯାଏ ତେବେ ଯେତେବେଳେ ସେ ନବମ ଶ୍ରେଣୀରେ ପଢୁଥିଲେ ସେତେବେଳେ ତାଙ୍କ ଉପରେ ଗୋବିନ୍ଦାଙ୍କ ଭାଇ କିର୍ତ୍ତୀ କୁମାରଙ୍କ ନଜର ପଡିଥିଲା । କିର୍ତ୍ତୀ ଦିବ୍ୟାଙ୍କୁ ଏକପ୍ରକାରେ ନିଜ ସିନେମା ‘ରାଧା କା ସଂଗମ’ରେ ନାୟିକା କରିବାକୁ ସ୍ଥିର କରିନେଇଥିଲେ । ଯାହାର ଟ୍ରେନିଂ ମଧ୍ୟ ସେ ଆରମ୍ଭ କରିଦେଇଥିଲେ । ଦିବ୍ୟା ମଧ୍ୟ ଏଥିପାଇଁ ନିଜର ଜି-ଜାନ ଲଗେଇ ଦେଇଥିଲେ ହେଲେ ଦିବ୍ୟାଙ୍କ ସବୁ ପରିଶ୍ରମ ବୃଥାରେ ଯାଇଥିଲା କାରଣ କିର୍ତ୍ତୀ ଶେଷ ମୁହୂର୍ତ୍ତରେ ନିଜର ନିଷ୍ପତି ବଦଳାଇ ଦେଇଥିଲେ ଏହି ସିନେମାରେ ଦିବ୍ୟାଙ୍କ ନାଁ ହଟାଇ ଜୁହିଁଙ୍କ ନାଁ ଯୋଡି ଦେଇଥିଲେ । ତେବେ ଏହା ପଛରେ କାରଣ କଣ ଥିଲା ତାହା ଏବେବି ରହସ୍ୟ ହୋଇ ରହିଛି ।

ଏହି ଘଟଣା ପରେ ଦିବ୍ୟା ଖୁବ୍ ଭାଙ୍ଗି ପଡିଥିଲେ । କିଛି ଦିନ ପରେ ଦିବ୍ୟାଙ୍କୁ ସାଉଥ୍ ସିନେମାରେ ଅଭିନୟ କରିବାକୁ ସୁଯୋଗ ମିଳିଥିଲା । ଦିବ୍ୟାଙ୍କ ‘ବାବଲୀ ରାଜା’ ସିନେମା ୧୯୯୦ରେ ରିଲିଜ୍ ହୋଇଥିଲା ଯାହାକୁ ଦର୍ଶକେ ଖୁବ୍ ପସନ୍ଦ କରିଥିଲେ । ଏହି ସିନେମାରେ ସଫଳତା ହାସଲ କରିବା ପରେ ପରେ ଦିବ୍ୟା ସାଉଥ୍ ସିନେମାର ଷ୍ଟାର ବନିଯାଇଥିଲେ । ଏହାପରେ ନିର୍ଦ୍ଦେଶକ ରାଜୀବ ରାୟ ଦିବ୍ୟାଙ୍କୁ ନିଜ ସିନେମା ‘ବିଶ୍ୱଆତ୍ମା’ ରେ ଅଭିନୟ କରିବାକୁ ଅଫର ଦେଇଥିଲେ ।

ଆପଣ ଶୁଣିଲେ ଚକିତ ହୋଇଯିବେ କି ଯେତେବେଳେ ଏହି ସିନେମାଟିରେ କାମ କରିବାକୁ ଦିବ୍ୟା ଚୁକ୍ତି କରିଥିଲେ, ସେତେବେଳେ ଦିବ୍ୟା ନିର୍ଦ୍ଦେଶକଙ୍କଠାରୁ ସାଇନ ଆମାଉଂଟ ମାତ୍ର ୫୦୦ ଟଙ୍କା ନେଇଥିଲେ । ଏବଂ କାମ ଆରମ୍ଭ କରିଥିଲେ । ତେବେ ଏହା ଦିବ୍ୟାଙ୍କ ପ୍ରଥମ ହିନ୍ଦୀ ସିନେମା ଥିଲା । ଏଥିରେ ଅନୁରୂପ ସଫଳତା ପରେ ଦିବ୍ୟାଙ୍କୁ ଗୋଟିଏ ପରେ ଗୋଟିଏ ସିନେମାରେ କାମ କରିବାକୁ ଅଫର ଆସିବାକୁ ଲାଗିିଥିଲା ।

Comments are closed.