ବିଖ୍ୟାତ ଗାୟକ ୟଶ୍ ବଡାଲୀ ଗିରଫ !
ବଲିଉଡ ଜଗତର ନାମକରା ସଙ୍ଗୀତକାର ତଥା ଗାୟକ ୟଶ୍ ବଡାଲୀଙ୍କୁ ଗିରଫ । ମହିଳାଙ୍କୁ ଅସଦାଚରଣ ମାମଲାରେ ଗାୟକ ୟଶଙ୍କୁ ଗିରଫ କରିଛି ବଙ୍ଗୁରନଗର ପୁଲିସ୍ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ‘ସନମ ରେ’ ଭଳି ସୁପରହିଟ୍ ଗୀତରେ କଣ୍ଠଦାନ କରିଥିବା ଗାୟକ ୟଶଙ୍କୁ ଜଣେ ଯୁବତୀଙ୍କୁ ଅସଦାଚରଣ ମାମଲାରେ ଗିରଫ କରାଯାଇଛି । ଯଦିଓ ଘଟଣା ସଂପର୍କରେ କୌଣସି ଅଧିକ ସୂଚନା ମିଳିପାରିନାହିଁ ତେବେ ୟଶଙ୍କ ବିରୋଧରେ ଆଇପିସିର ଧାରା ୩୫୪ (ଅସଦାଚରଣ) ଏବଂ ୫୦୪ (ଧମକ ଦେବା) ଭଳି ମାମଲା ଦାଏର କରାଯାଇଛି ।
ୟଶଙ୍କୁ ଆଜି ଅଦାଲତରେ ହାଜର କରାଯିବ । ମାତ୍ର ଏହାପୂର୍ବରୁ ୟଶ୍ ଗିରଫରୁ ବଂଚିବା ପାଇଁ ଆଂଟିସିପେଟରୀ ବେଲ୍ ଆପ୍ଲିକେସନ ଅଦାଲତରେ ଦାଖଲ କରିଥିଲେ ଯାହାକୁ ଅଦାଲତ ଖାରଜ କରିଦେଇଥିଲେ । ଏଠାରେ ଆମେ କହିରଖୁଛୁ ଯେ, ୟଶ୍ ବଡାଲୀ ଉଭୟ ପଂଜାବୀ ଏବଂ ହିନ୍ଦୀରେ ଗୀତ ଗାଇବା ସହିତ ଜଣେ ମ୍ୟୁଜିକ୍ କଂପୋଜର ମଧ୍ୟ ଅଟନ୍ତି । ଏହା ବ୍ୟତୀତ ୟଶ୍ ବିଭିନ୍ନ ଷ୍ଟେଜ୍ ପ୍ରୋଗ୍ରାମ ମଧ୍ୟ କରନ୍ତି ।
ସୌଜନ୍ୟ: ଆଜତକ୍