ହେ ଫଗୁଣ ତୁମେ . . . । ଅକ୍ଷୟ ମହାନ୍ତିଙ୍କ ଜୀବନୀ ଉପରେ ବଲିଉଡ ଚଳଚ୍ଚିତ୍ର
ପୁଣି ଥରେ ଆସିବ ଫଗୁଣ । ସଙ୍ଗୀତର ସ୍ୱର୍ଗ ପାଲଟିବ ଧରା ଏବଂ ସ୍ୱୟଂ ସଙ୍ଗୀତର ଯାଦୁରେ ସେହି ସୌଦାଗରଙ୍କ ଅମର ସ୍ମୃତିକୁ ମନେ ପକାଇବେ ଦର୍ଶକେ ।
Kanak News is now on WhatsApp
Join and get latest news updates delivered to you via WhatsApp
କିମ୍ବଦନ୍ତି ସଙ୍ଗିତଜ୍ଞ ଗୀତିକାର ତଥା ଗାୟକ ସ୍ୱର୍ଗତ ଅକ୍ଷୟ ମହାନ୍ତିଙ୍କ ଉପରେ ଖୁବ୍ ଶୀଘ୍ର ନିର୍ମାଣ ହେବାକୁ ଯାଉଛି ବଲିଉଡ ଚଳଚ୍ଚିତ୍ର । ଆଉ ଏହି ଚଳଚ୍ଚିତ୍ରଟିକୁ ନିର୍ମାଣ କରିବେ ବଲିଉଡ ଜଗତର ଖ୍ୟାତନାମା ସିନେମା ନିର୍ମାତା ମୁସ୍ତାକ୍ ନାଦିଆଦାୱାଲା ।
ସୂଚନା ମୁତାବକ, ନିକଟରେ ମୁସ୍ତାକ୍ ଏନେଇ ଅକ୍ଷୟ ମହାନ୍ତି ଟ୍ରଷ୍ଟ ସହ ଆଲୋଚନା ମଧ୍ୟ କରିଛନ୍ତି । ସ୍ୱର୍ଗତ ମହାନ୍ତିଙ୍କ କଟକସ୍ଥିତ ବାସଭବନ ‘ବିଚିତ୍ରବର୍ଣ୍ଣା’ଠାରେ ମୁସ୍ତାକ୍, ମହାନ୍ତିଙ୍କ ପରିବାରବର୍ଗଙ୍କୁ ଭେଟିଛନ୍ତି । ତେବେ ‘ହେ ଫଗୁଣ ତୁମେ’ ନାମରେ ଏହି ଚଳଚ୍ଚିତ୍ର ଅକ୍ଷୟ ମହାନ୍ତିଙ୍କ ଜୀବନୀ ,ସ୍ୱପ୍ନ ଓ ସିନେ-ସଙ୍ଗିତ ଜଗତରେ ଉତଥାନ ପତନ ଉତଥାନ ଭରା ବାଟରେ ଅନେକ ଦଶନ୍ଧି ଧରି ବିଜୟର ଯାତ୍ରା ଉପରେ ଆଧାରିତ ।
କହିବାକୁ ଗଲେ ଏହା ସେହି ଅମର ବ୍ୟକ୍ତିତ୍ୱଙ୍କର ଏକ ଅଧୁରା ସ୍ୱପ୍ନ ପୁରଣ ହେଲା ଭଳି ପ୍ରତୀୟ ହୋଇଛି । ସ୍ୱର୍ଗତ ମହାନ୍ତି କିପରି ପ୍ରେମୀକରୁ ପାଲଟିଥିଲେ କିମ୍ବଦନ୍ତି, ସଙ୍ଗିତରୁ ପାଲଟିଥିଲେ ଜଣେ କାଳଜୟୀ କଳାକାର ତାହା ଅତି ନିଚ୍ଛକ ଭାବେ ଏହି ଚଳଚ୍ଚିତ୍ରରେ ଦେଖିବାକୁ ପାଇବେ ଦର୍ଶକେ । ତେବେ ସିନେମାଟିର କାହାଣୀ ଲେଖିଛନ୍ତି ପ୍ରସିଦ୍ଧ ଇଂରାଜୀ କବି ନିକୁଂଜ କେ ସୁନ୍ଦରାୟ ଏବଂ ଏହାର ଡାଏଲଗ ଲେଖିଛନ୍ତି ଦେବଦାସ ଛୋଟରାୟ । ସେହିପରି ସିନେମାଟିରେ ରହିଛି ମୋଟ୍ ୮ଟି ଗୀତ । ଯାହା ସ୍ୱର୍ଗତ ମହାନ୍ତିଙ୍କ ଦ୍ୱାରା ଲିଖିତ । ସିନେମାଟି ଚଳିତ ବର୍ଷ ଆରମ୍ଭ ହେବାକୁ ଯାଉଛି ବୋଲି ମିଳିଥିବା ସୂଚନାରୁ ଯାହା ଜଣାପଡିଛି ।
ସୌଜନ୍ୟ: ଓଡ଼ିଶାଡାଏରୀ