‘ପଦ୍ମାବତୀ’କୁ ନେଇ ଦୀପିକାଙ୍କ ନୂଆ ଖୁଲାସା ! କହିଲେ, ସିନେମାରେ ପଦ୍ମାବତୀ ସହିତ ନାହିଁ ଆଲାଉଦ୍ଦିନଙ୍କର କୌଣସି ପ୍ରେମଦୃଶ୍ୟ
ବିଗବସ ୧୧ରେ ପଦ୍ମାବତୀ ସିନେମାକୁ ନେଇ ଦୀପିକା ପାଦୁକୋନଙ୍କ ନୂଆ ଖୁଲାସା । ବିଗବସ ହୋଷ୍ଟ ସଲମାନ୍ ଖାନଙ୍କ ସହ ପରଫର୍ମ ଅବସରରେ ପଦ୍ମାବତୀ ସିନେମା ବିବାଦ ସଂପର୍କରେ ନୂଆ କଥା କହିଛନ୍ତି ଏହାର ନାୟିକା । ପଦ୍ମାବତୀ ସିନେମାକୁ ନେଇ ଦେଶବ୍ୟାପୀ ବିରୋଧ ଜାରି ରହିଥିବା ବେଳେ ଏହା ସଂପୂର୍ଣ୍ଣ ଅମୂଳକ ବୋଲି ବିଗବସ ଶୋ’ରେ ଦୀପିକା ସ୍ପଷ୍ଟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏକ ଡ୍ରିମ୍ ସିକ୍ୱେନ୍ସରେ ଆଲାଉଦ୍ଦିନ ଖିଲିଜୀ ଚରିତ୍ର ସହ ରାଣୀ ପଦ୍ମାବତୀ ଚରିତ୍ରର ରୋମାଂଟିକ୍ ଦୃଶ୍ୟ ସିନେମାରେ ରହିଥିବାରୁ ଏହାକୁ ଜୋରଦାର ପ୍ରତିବାଦ ହୋଇଛି । କିନ୍ତୁ ବିଗବସ ୧୧ରେ ପଦ୍ମାବତୀ ସିନେମାର ପ୍ରମୋସନ୍ ଅବସରରେ ଦୀପିକା କହିଛନ୍ତି ଯେ ଏହା ସଂପୂର୍ଣ୍ଣ ଭୁଲ । ସିନେମାରେ ସେ କରିଥିବା ପଦ୍ମାବତୀ ଚରିତ୍ର ସହ ଆଲାଉଦ୍ଦିନ୍ ଖିଲିଜୀଙ୍କର କୌଣସି ଦୃଶ୍ୟ ନାହିଁ ।
ଏପରିକି ଆଲାଉଦ୍ଦିନ୍ ଭୂମିକାରେ ଅଭିନୟ କରିଥିବା ରଣବୀର ସିଂହଙ୍କ ସହ ସେ ଆଦୌ ସ୍କ୍ରିନ୍ ସେୟାର କରିନାହାନ୍ତି ବୋଲି ମଧ୍ୟ କହିଛନ୍ତି ଦୀପିକା । ଏ ସଂପର୍କରେ ପ୍ରଥମେ ବିଗବସ ହୋଷ୍ଟ ସଲମାନ୍ ପ୍ରଶ୍ନ କରିବା ପରେ ଉତରରେ ଦୀପିକା ସ୍ପଷ୍ଟ କହିଥିଲେ ଯେ ରଣବୀରଙ୍କ ସହ ଏହି ଫିଲ୍ମରେ ତାଙ୍କର କୌଣସି ଦୃଶ୍ୟ ନାହିଁ । ତେବେ ଏହା ପରେ ମଜାଳିଆ ଅନ୍ଦାଜରେ ସଲମାନ୍ କହିଥିଲେ ଯେ ଦୀପିକା ରଣବୀରଙ୍କ ସହ ନୁହେଁ, ବରଂ ଶାହିଦ କପୁରଙ୍କ ସହ ଅଛନ୍ତି ।