ଲାଭ ପରେ ବି କ୍ଷତି ସହିଛନ୍ତି ‘ବାହୁବଳୀ’ ସିନେମାର ନିର୍ମାତା ! ଜାଣନ୍ତୁ ଏହାର କାରଣ
ବହୁ ପ୍ରତିକ୍ଷିତ ସିନେମା ‘ବାହୁବଳୀ-ଟୁ’ ପରଦାକୁ ଆସିବାର ମାତ୍ର ୧୨ ଦିନ ହୋଇଛି । କିନ୍ତୁ ଏହି ୧୨ ଦିନ ମଧ୍ୟରେ ସିନେମାଟି ସଫଳତାର ପାହାଚ ପରେ ପାହାଚ ଚଢିବାରେ ଲାଗିଛି । ଆପଣଙ୍କୁ ପ୍ରାୟତଃ ଜଣାଥିବ ଏବେ ଏହି ସିନେମାଟି ହଜାର କୋଟି କ୍ଲବରେ ସାମିଲ ହୋଇ ସାରିଛି । ଯାହା ସିନେମା ବଜାରରେ ଏକ ନୂଆ ମାଇଲଷ୍ଟୋନ ସୃଷ୍ଟି କରିଛି । ମାତ୍ର ଏହାସବୁ ସତ୍ୱେ ମଧ୍ୟ ଏହି ସିନେମାଟିକୁ ନେଇ ଏହାର ନିର୍ମାତାଙ୍କୁ କ୍ଷତି ସହିବାକୁ ପଡିଛି । ଯାହାର ମୁଖ୍ୟ କାରଣ ହେଲା- ପାଇରେସି ଭିଡିଓ ବା ସଂପୂର୍ଣ୍ଣ ସିନେମାଟି ଚୋରାରେ ବଜାରରେ ଉପଲବ୍ଧ ହେବା ।
Kanak News is now on WhatsApp
Join and get latest news updates delivered to you via WhatsApp
ଇଣ୍ଡିଆନ୍ ଏକ୍ସପ୍ରେସରେ ପ୍ରକାଶିତ ଖବର ମୁତାବକ, ତାମିଲ ସିନେମାର ପ୍ରଯୋଜକ କାଉସିଲରର ନୂଆ ସଭାପତି ଏବଂ ଅଭିନେତା ବିଶାଳ ଏକ ପାଇରେସି ୱେବସାଇଟ୍ ବିରୋଧରେ ବାହୁବଳୀ ସିନେମା ଲିକ୍ କରିଥିବା ନେଇ ଅଭିଯୋଗ ଆଣିଛନ୍ତି । ତେବେ ସିନେମା ପ୍ରଯୋଜକଙ୍କ ଜଣେ ପ୍ରତିନିଧି ଏଭଳି କିଛି ଇଂଟରନେଟ୍ ମାଫିଆଙ୍କ ଉପରେ ଲଗାମ ଲଗାଇବା ଭଳି ପ୍ରସଂଗ ଉଠାଇଛନ୍ତି । ତାଙ୍କ କହିବାକଥା ହେଲା, ଏଭଳି କିଛି ଇଂଟରନେଟ୍ ମାଫିଆଙ୍କ ପାଇଁ ଆଜି ବାହୁବଳୀ-ଟୁ ସିନେମାର ନିର୍ମାତାଙ୍କୁ କ୍ଷତି ସହିବାକୁ ପଡିଛି ।
ଖାଲି ସେତିକି ନୁହେଁ, ସେ କହିଛନ୍ତି କି ଯେଉଁଦିନ ‘ବାହୁବଳୀ-ଟୁ’ ସିନେମାକୁ ଡାଉନଲୋଡ କରିବା ପାଇଁ ଇଂଟରନେଟରେ ଦେଖିବାକୁ ମିଳିଥିଲା ସେତେବେଳେ ଉକ୍ତ ୱେବସାଇଟ୍ ଦେଇଥିବା ଅପ୍ସନର ଆଇପି ଆଡ୍ରେସକୁ ସେ ନୋଟ୍ କରିଛନ୍ତି । ତେବେ ଏଠାରେ ଆମେ କହି ରଖୁଛୁ କି, ଗତ ୨୮ ଏପ୍ରିଲରେ ଏହି ସିନେମାଟି ରିଲିଜ୍ ହେବାପରେ ପରେ ହିଁ ଇଂଟରନେଟରେ ଏହା ଲିକ୍ ହୋଇଥିବାର ଖବର ଶୁଣିବାକୁ ମିଳିଥିଲା ।