ହଜାରେ କୋଟି ଟଙ୍କା ସଂପତ୍ତିର ମାଲିକ ହେଉଛନ୍ତି ନାଗାର୍ଜୁନ ! ହେଲେ ସବୁ କରିଦିଅନ୍ତି ଦାନ, ପଢନ୍ତୁ ସାଉଥର ଏହି ସୁପରଷ୍ଟାରଙ୍କ ଲାଇଫଷ୍ଟାଇଲ୍
ସାଉଥ୍ ଇଣ୍ଡଷ୍ଟ୍ରୀକୁ ସାଧାରଣତଃ ଆକ୍ସନ ଏବଂ ରୋମାଂଟିକ ଷ୍ଟାରମାନଙ୍କର ଗନ୍ତାଘର ବୋଲି କୁହାଯାଏ । ଯେଉଁମାନେ କି ପ୍ରତିଟି କ୍ଷେତ୍ରରେ ବଲିଉଡ ଷ୍ଟାରମାନଙ୍କଠାରୁ କମ୍ ନୁହଁନ୍ତି । ଏଭଳି ହିଁ ଜଣେ ନାୟକ ହେଉଛନ୍ତି ନାଗାର୍ଜୁନ । ଯିଏକି ଉଭୟ ରୋମାଂଟିକ୍ ଏବଂ ଆକ୍ସନ ସିନେମାକୁ ବେଶ୍ ଭଲଭାବରେ ଯଥାର୍ଥ ଦେଇଥାନ୍ତି ।
Kanak News is now on WhatsApp
Join and get latest news updates delivered to you via WhatsApp
୧୯୬୭ରେ ଜଣେ ଚାଇଲ୍ଡ ଆଟିଷ୍ଟ୍ ଭାବରେ କାମ ଆରମ୍ଭ କରିଥିବା ନାଗାର୍ଜୁନ ପରବର୍ତ୍ତି ସମୟରେ ତାମିଲ, ତେଲୁଗୁ ଏବଂ ହିନ୍ଦୀ ଭାଷାର ସିନେମାରେ ଜବରଦସ୍ତ ଅଭିନୟ କରି ସଫଳତାର ପାହାଚ ଚଢିସାରିଛନ୍ତି ।
ଯଦି ନାଗାର୍ଜୁନଙ୍କ ସଂପତ୍ତି ପ୍ରସଙ୍ଗରେ ଆଲୋଚନା କରାଯାଏ ତେବେ ନାଗାର୍ଜୁନ ହେଉଛନ୍ତି ଦକ୍ଷିଣ ଭାରତୀୟ ସିନେମା ଜଗତର ସବୁଠାରୁ ଧନୀ ତାଲିକାରେ ଥିବା ନାୟକଙ୍କ ମଧ୍ୟରେ ଜଣେ । ସୂଚନା ମୁତାବକ, ପାଖାପାଖି ୩ ହଜାର କୋଟି ଟଙ୍କା ସଂପତ୍ତିର ମାଲିକ ହେଉଛନ୍ତି ସୁପରଷ୍ଟାର ନାଗାର୍ଜୁନ । ଯେଉଁଥିରେ ରହିଛି ଅନ୍ନପୂର୍ଣ୍ଣା ଷ୍ଟୁଡିଓ ଏବଂ ବେଙ୍ଗାଲୁରୁରେ ଥିବା ସଂପତ୍ତି ।
ଏହାବ୍ୟତୀତ, ନାଗାର୍ଜୁନ ମା’ ଟିଭିର ମଧ୍ୟ ମାଲିକ ଅଟନ୍ତି । ନାଗାର୍ଜୁନ ନିଜ ପତ୍ନୀଙ୍କ ସହ ମିଶି ଏକ ଏନଜିଓ ‘ବ୍ଲୁ କ୍ରାସ୍ ହାଇଦ୍ରାବାଦ’ ନାମକ ସଂସ୍ଥାର ମୁଖ୍ୟ ଅଟନ୍ତି । ଯାହାକି ପଶୁପକ୍ଷୀମାନଙ୍କ ସୁରକ୍ଷା ଏବଂ ସରକ୍ଷଣ ଉର୍ଦ୍ଦେଶ୍ୟରେ ଆରମ୍ଭ କରାଯାଇଛି । ଏହାଛଡା ନାଗାର୍ଜୁନ ‘ଇଣ୍ଡିଆନ ବ୍ୟାଡମିଂଟନ ଲିଗ’ର ତଥା ମୁମ୍ବାଇ ମାଷ୍ଟର୍ସ ଟିମର ସହ-ମାଲିକ ବି ଅଟନ୍ତି । ତେବେ ବ୍ୟାଡମିଂଟନ ବ୍ୟତୀତ କେରଳର ଏକ ଫୁଟବଲ କ୍ଲବର ମଧ୍ୟ ମାଲିକ ଅଟନ୍ତି ନାଗାର୍ଜୁନ ।
ନାଗାର୍ଜୁନଙ୍କ ବାର୍ଷିକ ଆୟ ପାଖାପାଖି ୨ ଶହ କୋଟି ଟଙ୍କା ରହିଛି । ଖାଲି ସେତିକି ନୁହେଁ ନାଗାର୍ଜୁନଙ୍କ ନିକଟରେ ଅନେକ ଦାମୀ କାର୍ ମଧ୍ୟ ରହିଛି । ଯେଉଁଥି ପାଇଁ ନାଗାର୍ଜୁନଙ୍କ ନାଁ ଫୋବର୍ସର ତାଲିକାରେ ଦୁଇ ଦୁଇ ଥର (୨୦୧୨ ଏବଂ ୨୦୧୩) ସ୍ଥାନ ପାଇସାରିଛି ।
ସବୁଠାରୁ ବଡ କଥା ହେଲା, ନାଗାର୍ଜୁନ ଯାହାବି ରୋଜଗାର କରନ୍ତି ସେ ସବୁକୁ ସେ ବିଭିନ୍ନ ସଂସ୍ଥାଙ୍କୁ ଦାନ କରି ଦିଅନ୍ତି ।
ସୌଜନ୍ୟ: ଅମର ଉଜାଲା