ସୁଟିଂବେଳେ ୨୦ ଫୁଟ୍ ଉଚ୍ଚରୁ ତଳକୁ ଖସି ପଡିଲେ ଏହି ଅଭିନେତା ! କଣ ହେଲା ଜାଣନ୍ତୁ
ବହୁ ଚର୍ଚ୍ଚିତ ସିନେମା ‘ବାହୁବଳୀ’ର ଲେଖକ କେଭି ବିଜୟେନ୍ଦ୍ର ପ୍ରସାଦ ଏବେ ଛୋଟ ପରଦାରେ ନିଜର କମାଲ ଦେଖାଇବାକୁ ଯାଉଛନ୍ତି । ଯାହାକି ଷ୍ଟାର ପ୍ଲସରେ ‘ଆରମ୍ଭ’ ନାମରେ ଏକ ଧାରାବାହିକ ଅଟେ । ଆଉ ଏହାର ସୁଟିଂ କାମ ମଧ୍ୟ ଆରମ୍ଭ ହୋଇଯାଇଛି । ତେବେ ଏହି ଧାରାବାହିକଟିକୁ ଗୋଲ୍ଡି ବହଲ ଏବଂ ସୃଷ୍ଟି ଆର୍ଯ୍ୟ ନିର୍ଦ୍ଦେଶନା ଦେଉଛନ୍ତି । ଏହା ଏକ ପିରିୟଡ ଡ୍ରାମା ଅଟେ । ଏବଂ ଏଯାବତ୍ ଏହାର ଦୁଇଟି ପ୍ରୋମୋ ମଧ୍ୟ ରିଲିଜ୍ ହୋଇସାରିଛି । କିନ୍ତୁ ନିକଟରେ ଏହାର ସୁଟିଂ ସେଟରେ ଏକ ବଡ ଦୁର୍ଘଟଣା ଘଟି ଯାଇଛି । ଯେଉଁଥି ପାଇଁ ସୁଟିଂ କାମକୁ ପାଖାପାଖି ୧୦ ଦିନ ପାଇଁ ବନ୍ଦ କରି ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଏହି ଧାରାବାହିକର ମୁଖ୍ୟ ଭୂମିକାରେ ଥିବା ଅଭିନେତା ରାଜନିଶ ଦୁଗ୍ଗଲ ସୁଟିଂ କରୁଥିବା ସମୟରେ ଗୁରୁତର ଭାବେ ଆହତ ହୋଇଛନ୍ତି । ରାଜନୀଶଙ୍କ ଦୁଇ ଆଣ୍ଠୁରେ ଗଭୀର ଆଘାତ ଲାଗିଛି । ଯେଉଁଥି ପାଇଁ ଡାକ୍ତର ତାଙ୍କୁ ୧୦ ଦିନ ଯାଏଁ ବିଶ୍ରାମ ନେବାକୁ ପରାମର୍ଶ ଦେଇଛନ୍ତି । ତେବେ ମିଳିଥିବା ସୂଚନାରୁ ଯାହା ଜଣା ପଡିଛି କି, ରାଜନିଶ ଧାରାବହିକର ଏକ ସିନରେ ଥିବା ଷ୍ଟଂଟର ସିନ୍ କରୁଥିବାବେଳେ ପାଖାପାଖି ୨୦ ଫିଟ୍ ଉଚ୍ଚରୁ ତଳକୁ ଖସି ପଡିଥିଲେ ।