‘ବବି’ ଡିମ୍ପଲଙ୍କର ଫିଲ୍ମ ଥିଲା , ଷ୍ଟାର ମୁଁ ହୋଇଗଲି : ଋଷି କପୁର
ବଲିଉଡର ଲୋକପ୍ରିୟ ଓ ମହାନ ଅଭିନେତା ଋଷି କପୁର । ନବଭାରତ ଟାଇମ୍ସକୁ ସାକ୍ଷାତକାରରେ ନିଜ କ୍ୟାରିୟର ଆରମ୍ଭର କଥା ବଖାଣିଛନ୍ତି । ଏହି ଖାସ୍ କଥାବର୍ତ୍ତାରେ ସେ କହିଛନ୍ତି ଆରମ୍ଭରେ ଏକ ନାରୀ କେନ୍ଦ୍ରୀକ ଫିଲ୍ମର ଅଂଶ ସେ ପାଲଟିଥିଲେ । ଅଭିନେତ୍ରୀ ଡିମ୍ପଲ କପାଡିଆଙ୍କ ସହ ଜଣେ ହିରୋ ହିସାବରେ ତାଙ୍କର ପ୍ରଥମ ଫିଲ୍ମ ଥିଲା ‘ବବି’ । ଯାହାର ସଫଳତା ର ପୁରା ଶ୍ରେୟ ଡିମ୍ପଲଙ୍କୁ ମିଳିବାର ଥିଲା । କିନ୍ତୁ ଡିମ୍ପଲଙ୍କ ବିବାହ ହୋଇଗଲା ଏବଂ ଫିଲ୍ମର ସଫଳତାର ପୁରା ଶ୍ରେୟ ଋଷି କପୁରଙ୍କୁ ମିଳିଥିଲା ଏବଂ ସେ ରାତାରାତି ବଡ ଷ୍ଟାର ପାଲଟିଗଲେ ।
Kanak News is now on WhatsApp
Join and get latest news updates delivered to you via WhatsApp
ଆରମ୍ଭରୁ ନାରୀ ପ୍ରଧାନ ଫିଲ୍ମର ଅଂଶ ରହିଥିବା ଋଷି କପୁର କହିଛନ୍ତି, ‘ମହିଳା ପ୍ରଧାନ ଫିଲ୍ମରେ ଯେତେବେଳେ ବି ମୋ ସମୟରେ ତିଆରି ହୋଇଛି , ମୁଁ ସେହି ଫିଲ୍ମରେ ଖୁବ୍ ମନଦେଇ କାମ କରିଛି । ଯେମିତି କି ‘ପ୍ରେମରୋଗ’ , ବିଧବା ବିବାହ ଉପରେ ଆଧାରିତ ଥିଲା । ‘ନଗୀନା’, ‘ଦାମିନୀ’, ‘ତବାୟଫ’, ‘ଏକ ଚାଦର ମୈଲି ସି’, ‘ଚାନ୍ଦନୀ’, ‘ଦୁସରା ଆଦମୀ’ ଭଳି ମହିଳା ପ୍ରଧାନ ଫିଲ୍ମରେ କାମରେ କାମ କରିଛି । ଏହି ସମୟରେ ମୋ ସହ ଯେଉଁମାନେ ଅନ୍ୟ ଅଭିନେତା ଥିଲେ ଧୁମଧଡାକ୍ ଓ ମାରପିଟ୍ ର ଫିଲ୍ମ କରୁଥିଲେ । ମହିଳାଙ୍କୁ ଧ୍ୟାନରେ ରଖି ତିଆରି ହେଉଥିବା ଫିଲ୍ମରେ ସେହି ସମୟରେ ଭାଗ ନେବାକୁ ମୁହଁ ମୋଡୁଥିଲେ । କିନ୍ତୁ ମୁଁ ଏହି ସବୁ ଫିଲ୍ମରେ କାମ କରିଛି । ଯେଉଁଥିରେ ଜଣେ ମହିଳା ଥିଲା ମୁଖ୍ୟ ଭୂମିକାରେ । ’
ଋଷି କପୁର ପୁଣି କହିଛନ୍ତି , ‘ଜଣେ ହିରୋ ଭାବରେ ମୋର ପ୍ରଥମ ଫିଲ୍ମ ‘ବବି’ ଥିଲା । ଯାହାର କାହାଣୀ ଜଣେ ହିରୋଇନକୁ ଧ୍ୟାନରେ ରଖି ଲେଖାଯାଇଥିଲା । ରାଜକପୁର ସାହେବ ଏକ ଲଭ୍ ଷ୍ଟୋରୀ ତିଆରି କରିବାକୁ ଚାହୁଁଥିଲେ । ଯେଉଁଥିରେ ଝିଅର ମୁଖ୍ୟ ରୋଲ୍ ଥିଲା । ଫିଲ୍ମର ଟାଇଟଲ ମଧ୍ୟ ଝିଅର ନାମରେ ହିଁ ହୋଇଥିଲା । ଏମିତି ହେଲା ‘ବବି’ ରିଲିଜ ହେବା ପରେ ଫିଲ୍ମଟି ସୁପରହିଟ୍ ସାବ୍ୟସ୍ତ ହେଲା । ଡିମ୍ପଲଙ୍କର ବିବାହ ହୋଇଗଲା । ଏବଂ ମୁଁ ପୁରା ଫିଲ୍ମର କ୍ରେଡିଟ୍ ନେଇଥିଲି । ଏହାପରେ ମୁଁ ବଡ ଷ୍ଟାର ବନିଯାଇଥିଲି ।’