ସ୍ମାର୍ଟଫୋନ ବ୍ୟବହାର କରିବେନି ହଲିଉଡ଼ ଅଭିନେତ୍ରୀ! ଜାଣନ୍ତୁ କାହିଁକି ?
ସ୍ମାର୍ଟଫୋନ ଦ୍ୱାରା ଖରାପ ପ୍ରଭାବ ଆମର ସ୍ୱାସ୍ଥ୍ୟ ଉପରେ ପଡୁଥିବାର ସମସ୍ତେ ଜାଣିଛେ । ହେଲେ ଏମିତି ଅଳ୍ପ ଅଛନ୍ତି ଯିଏକି ସ୍ମାର୍ଟଫୋନ ଠାରୁ ଦୂରରେ ଅଛନ୍ତି । ଏବେ ଜଣେ ପ୍ରସିଦ୍ଧ ହଲିଉଡ଼ ଅଭିନେତ୍ରୀ ଏପରି ପଦକ୍ଷେପ ଉଠାଇଛନ୍ତି । ହଲିଉଡ଼ର ଅଭିନେତ୍ରୀ ଅମାଣ୍ଡଲା ଷ୍ଟେନବର୍ଗ ନିଜର ମାନସିକ ସ୍ୱାସ୍ଥ୍ୟକୁ ଠିକ୍ ରଖିବା ପାଇଁ ଆଇଫୋନ୍ ବ୍ୟବହାରକୁ ବନ୍ଦ କରିଦେଇଛନ୍ତି । ଏହା ଦ୍ୱାରା ସେ ଅନ୍ୟମାନଙ୍କୁ ମଧ୍ୟ ପ୍ରୋତ୍ସାହିତ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
୧୮ ବର୍ଷୀୟ ଏହି ଅଭିନେତ୍ରୀ ସ୍ୱୀକାର କରିଛନ୍ତି ଯେ, ସେ ଇଣ୍ଟରନେଟରେ ସଂଯୁକ୍ତ ରହିବା ଭଳି ସ୍ମାର୍ଟଫୋନ୍ ଆଉ ବ୍ୟବହାର କରିବେ ନାହିଁ । ସାମାଜିକ ଗଣମାଧ୍ୟମରେ ନିରନ୍ତର ସଂପର୍କ ରଖିବା ଦ୍ୱାରା ତାଙ୍କ ମାନସିକ ସ୍ୱାସ୍ଥ୍ୟ ଉପରେ ନକରାତ୍ମକ ପ୍ରଭାବ ପଡୁଥିବାରୁ ସେ ଅନୁଭବ କରୁଛନ୍ତି ।
ଷ୍ଟେନବର୍ଗ ଏକ ସାକ୍ଷାତକାରରେ ଟିନ୍ ଭୋଗ୍ ମାଗାଜିନକୁ କହିଛନ୍ତି ଯେ, ‘ବର୍ତ୍ତମାନ ସମଗ୍ର ବିଶ୍ୱରେ ସମସ୍ତେ ସ୍ୱାସ୍ଥ୍ୟ ପ୍ରତି ସଚେତନ । ପ୍ରତ୍ୟେକ ଚାହାଁନ୍ତି ମାନସିକ ଶାନ୍ତି ବଜାୟ ରଖିବା ପାଇଁ । ଏହାଦ୍ୱାରା କେତେକାଂଶରେ ପରିବର୍ତ୍ତନ ହେବା ସହିତ ମାନସିକ ଶାନ୍ତି ବଜାୟ ରହିପାରିବ । ସେହି ଦୃଷ୍ଟିରୁ ମୁଁ ଆଇଫୋନ୍ ତ୍ୟାଗ କଲି । ମୋ ମାନସିକ ଶାନ୍ତି ବଜାୟ ରହିବାର ଏହା ହେଉଛି ପ୍ରକୃଷ୍ଟ ଉପାୟ । ’ ଏବେ ଏହି ଅଭିନେତ୍ରୀ ସାଧାରଣ ଫୋନ୍ ବ୍ୟବହାର କରୁଛନ୍ତି ।