କନକ ବ୍ୟୁରୋ : ଗତକାଲି ରାଜ୍ୟରେ ମାଟ୍ରିକ୍ ପରୀକ୍ଷାକୁ ନେଇ କପି ବାବଦରେ ଯେଉଁ ଖବର ସାମ୍ନାକୁ ଆସିଥିଲା, ତାକୁ ନେଇ ଆଜି ବୋର୍ଡ ପକ୍ଷରୁ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । କପି ହୋଇଥିବା ୩ଟି ହାଇସ୍କୁଲରେ ଇଂରାଜୀ ପରୀକ୍ଷାକୁ ବାତିଲ କରାଯାଇଛି । ଏହି ୩ଟି ହାଇସ୍କୁଲ ମଧ୍ୟରେ ରହିଛି, କଟକ ଗୋପୀନାଥପୁର କୃପାସିନ୍ଧୁ ନୋଡାଲ୍ ହାଇସ୍ୁଲ, ବଲାଙ୍ଗୀରର ଘୁମସାର ସରକାରୀ ହାଇସ୍କୁଲ ଏବଂ ଢେଙ୍କାନାଳ ଜିଲ୍ଲା ପଳାସପିଠାର ପି. ଆର ହାଇସ୍କୁଲ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏହି ୩ଟି ସ୍କୁଲରେ କପି ଏବଂ ବିଶ୍ୱଙ୍ଖଳା ସୃଷ୍ଟି ହୋଇଥିବା କାରଣରୁ ବୋର୍ଡ ପକ୍ଷରୁ ଏଭଳି ନିଷ୍ପତ୍ତି ନିଆଯାଇଛି । ଏହି ୩ଟି ସେଣ୍ଟରର ଇଂରାଜୀ ଖାତା ମୂଲ୍ୟାୟନର ନିଷ୍ପତ୍ତି ପରେ ନିର୍ଦ୍ଧାରଣ କରାଯିବ । ଆସନ୍ତା ୭ ଦିନ ମଧ୍ୟରେ ବୋର୍ଡର ପରୀକ୍ଷା କମିଟି ବସି ଏନେଇ ନିଷ୍ପତ୍ତି ନେବେ ବୋଲି ଜଣାପଡିଛି । ତେବେ ଆଗକୁ ଯେଉଁ ପରୀକ୍ଷା ଗୁଡିକ ହେବାର ରହିଛି, ସେନେଇ ଏହି ପରୀକ୍ଷା କେନ୍ଦ୍ର ଗୁଡିକରେ କଡା ସୁରକ୍ଷା ବ୍ୟବସ୍ଥା ରହିବ । ବିଶେଷ କରି ପୋଲିସ ସୁରକ୍ଷା ଯୋଗାଇ ଦେବା ପାଇଁ ଏସପିଙ୍କୁ ଡିଇଓଙ୍କ ପକ୍ଷରୁ କୁହାଯିବ । ଏନେଇ ସୂଚନା ଦେଇଛନ୍ତି ମାଧ୍ୟମିକ ଶିକ୍ଷା ବୋର୍ଡ ସଭାପତି ଜାହାନ ଆରା ବେଗମ୍ । ସୂଚନାଯୋଗ୍ୟ ଚଳିତ ବର୍ଷ ମାଟ୍ରିକ ପରୀକ୍ଷା ଆରମ୍ଭରୁ ବିଭ୍ରାଟ ଦେଖାଯାଇଛି। ପ୍ରଥମ ଦିନ ଓଡ଼ିଆ ପ୍ରଶ୍ନପତ୍ର ଭାଇରାଲ ହେବା ଘଟଣାରେ ୧୨ ଜଣ କର୍ମଚାରୀ ନିଲମ୍ବିତ ହୋଇଥିବା ବେଳେ ୫ ଜଣ ଗିରଫ ହୋଇଛନ୍ତି।