ଆଜିଠାରୁ ଭାରତ-ଇଂଲଣ୍ଡ ଚତୁର୍ଥ ଟେଷ୍ଟ । ଶୃଙ୍ଖଳା ବରାବର କରିବାକୁ ପଡିଆକୁ ଓହ୍ଲାଇବ ବିରାଟ ବାହିନୀ
ଆଜିଠାରୁ ଭାରତ-ଇଂଲଣ୍ଡ ଚତୁର୍ଥ ଟେଷ୍ଟ । ଶୃଙ୍ଖଳା ବରାବର କରିବାକୁ ଲଢିବ କୋହଲି ବାହିନୀ । ଇଂଲଣ୍ଡ ଓ ଭାରତ ମଧ୍ୟରେ ଆଜିଠାରୁ ସାଉଥମ୍ପଟନରେ ଆରମ୍ଭ ହେବ ଚତୁର୍ଥ ଟେଷ୍ଟ । ୫ ମ୍ୟାଚ୍ ବିଶିଷ୍ଟ ସିରିଜରେ ପ୍ରଥମ ୨ଟି ଟେଷ୍ଟ ଜିତିଥିଲା ଘରୋଇ ଦଳ ଇଂଲଣ୍ଡ । ତେବେ କର ବା ମର ସ୍ଥିତିରେ ଥିବା ଭାରତ ତୃତୀୟ ଟେଷ୍ଟ ଜିତି ସିରିଜ୍କୁ ଫେରିଥିଲା । ଫଳରେ ଭାରତ ୧-୨ ରେ ପଛୁଆ ରହିଛି । ତେଣୁ ଏବେ ବି ଟିମ୍ ଇଣ୍ଡିଆ ପାଇଁ ବିପଦ ଟଳିନାହିଁ । କାରଣ ଚତୁର୍ଥ ଟେଷ୍ଟ ହାରିଗଲେ ଭାରତ ହାତରୁ ଶୃଙ୍ଖଳା ଚାଲିଯିବ । ଅନ୍ୟପକ୍ଷରେ ଏହି ମ୍ୟାଚ୍ ଜିତି ଇଂଲଣ୍ଡ ପଂଚମ ମ୍ୟାଚ୍ ପୂର୍ବରୁ ସିରିଜ୍ କବଜା କରିବାକୁ ଉଦ୍ୟମ କରିବ । ତେଣୁ ଏହି ଟେଷ୍ଟ ଜିତି ବରାବର କରିବାର ସୁଯୋଗକୁ ଭାରତ ହାତଛଡା କରିବାକୁ ଚାହିଁବନି । ଏଥିପାଇଁ ବୁଧବାର ଭାରତୀୟ ଦଳ ପୂରା ଦମରେ ଅଭ୍ୟାସ କରିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଘରୋଇ ଦଳ ଇଂଲଣ୍ଡ ଟିମ୍ ମଧ୍ୟ ସିରିଜ୍ କୁ ନିଜ କବଜାରେ କରିବା ପାଇଁ ରଣନୀତି ପ୍ରସ୍ତୁତ କରିଥିବା ଦେଖିବାକୁ ମିଳିଛି । କାରଣ ନଟିଂହାମ ଟେଷ୍ଟରେ ଇଂଲଣ୍ଡ ଦଳକୁ ପୁରା ଧରାଶାୟୀ କରି ବିଜୟ ହାସଲ କରିଥିଲା ଭାରତୀୟ ଟିମ୍ । ଯାହାଫଳରେ ଭାରତୀୟ ଟିମ୍ ର ମନବଳ ଦୃଢ଼ ରହିଛି । ବିରାଟ ବାହିନୀ ଏହି ବିଜୟ ଅଭିଯାନକୁ ବଜାୟ ରଖିବାକୁ ପଡିଆକୁ ଓହ୍ଲାଇବ ଭାରତ ।