ଏଣିକି ହେଲମେଟ କହିବ ଆପଣ ମଦ୍ୟପାନ କରିଛନ୍ତି କି ନାହିଁ । ଏପରିକି ଯଦି ଆପଣ ମଦ୍ୟପାନ କରିଛନ୍ତି ତେବେ ଆପଣ ଆପଣଙ୍କ ବାଇକକୁ ଷ୍ଟାର୍ଟ କରିପାରିବେ ନାହିଁ । ରାଜସ୍ଥାନର ଆଜମେର ଠାରେ ମହିଳା ଇଞ୍ଜିନିୟରିଂ କଲେଜର ଛାତ୍ରୀମାନେ ଏକ ଚମତ୍କାର ଆବିଷ୍କାର କରିଛନ୍ତି । ସେମାନେ ଏମିତି ଏକ ହେଲମେଟ ତିଆରି କରିଛନ୍ତି, ଯାହାକୁ ନପିନ୍ଧିଲେ ଆପଣଙ୍କ ଗାଡି ଷ୍ଟାର୍ଟ ହେବ ନାହିଁ । କେବଳ ଏତିକି ନୁହେଁ , ଯଦି କୌଣସି ବ୍ୟକ୍ତି ମଦ୍ୟପାନ କରି ଏହି ହେଲମେଟ ପିନ୍ଧି ନିଜ ଦୁଇ ଚକିଆ ଯାନ ଷ୍ଟାର୍ଟ କରୁଛନ୍ତି ତେବେ ମଧ୍ୟ ଗାଡି ଷ୍ଟାର୍ଟ ହେବନାହିଁ । ଛାତ୍ରୀମାନଙ୍କ କହିବା କଥା ଯଦି ଏହି ହେଲମେଟର ବ୍ୟବହାର ଆରମ୍ଭ କରାଯାଏ ତେବେ ନିଶ୍ଚିତ ଭାବରେ ସଡକ ଦୁର୍ଘଟଣାକୁ କିଛି ମାତ୍ରାରେ ରୋକାଯାଇ ପାରିବ ।
Kanak News is now on WhatsApp
Join and get latest news updates delivered to you via WhatsApp
ଆଜମେର ମହିଳା ଇଞ୍ଜିନିୟରିଂ କଲେଜରେ ପଢୁଥିବା ପ୍ରିୟଙ୍କା ଚୌହାନ, ପ୍ରିୟା ସୁନାରିଆ, ନେହା ଶର୍ମା ଏବଂ ପ୍ରିୟା ମିତଲ ଏଭଳି ହେଲମେଟ ତିଆରି କରିଛନ୍ତି ଯାହାକୁ ନ ପିନ୍ଧି ଆପଣ ଆପଣଙ୍କ ଗାଡିକୁ ଷ୍ଟାର୍ଟ କରିପାରିବେ ନାହିଁ । ଏହି ହେଲମେଟରେ ଏକ ଖାସ ସେନ୍ସର ଲଗାଯାଇଛି ଯାହାକି ଗାଡିରେ ଲାଗିଥିବା ଆଉ ଏକ ସେନ୍ସର ଦ୍ୱାରା କନେକ୍ଟ ହୋଇ ରହିବ । ହେଲମେଟ ପିନ୍ଧିବା ପରେ ହିଁ ସେନ୍ସର ଆକ୍ଟିଭ ହେବ ଏବଂ ତାପରେ ଯାଇ ଆପଣ ଆପଣଙ୍କ ଗାଡି ଷ୍ଟାର୍ଟ କରିପାରିବେ ।
ମଦ୍ୟପାନ କଲେ ଷ୍ଟାର୍ଟ ହେବ ନାହିଁ ଆପଣଙ୍କ ଗାଡି :
ଏହି ହେଲମେଟରେ ଆଉ ଏକ ବିଶେଷତ୍ୱ ହେଉଛି ଯଦି ଆପଣ ମଦ୍ୟପାନ କରିଛନ୍ତି ତେବେ ଆପଣ ଆପଣଙ୍କ ଗାଡି ଚଲାଇପାରିବେ ନାହିଁ । ପ୍ରକୃତରେ ଏହି ହେଲମେଟରେ ସେନ୍ସର ଏବଂ ଏମ ମଡ୍ୟୁଲାର ଲଗାଯାଇଛି । ଯାହା ଦ୍ୱାରା ଜଣାପଡିଯିବ ଯେ, ଚାଳକ ମଦ୍ୟପାନ କରିଛନ୍ତି କି ନାହିଁ । ଯଦି ଚାଳକ ମଦ୍ୟପାନ କରିଛନ୍ତି ତେବେ ହେଲମେଟରେ ଲାଗିଥିବା ମଡ୍ୟୁଲାର ଏହା ଜାଣିପାରିବ ଏବଂ ଆପଣଙ୍କ ଗାଡି ଷ୍ଟାର୍ଟ ହେବ ନାହିଁ ।
ଇଞ୍ଜିନିୟରିଂ କଲେଜରେ ଏହି ଛାତ୍ରୀମାନେ ଏହି ପ୍ରୋଜେକ୍ଟର ଡେମୋ ଆଜମେର ପୋଲିସ ଉପ ଅଧୀକ୍ଷକ ପ୍ରିତି ଚୌଧୁରୀଙ୍କ ସାମ୍ନାରେ ମଧ୍ୟ ଉପସ୍ଥାପିତ କରିଛନ୍ତି । ଡେମୋ ଦେଖିବା ପରେ ପୋଲିସ ଉପ ଅଧୀକ୍ଷକ ସବୁ ଛାତ୍ରୀମାନଙ୍କୁ ପ୍ରଂଶସା କରିବା ସହ ଏହି ପ୍ରୋଜେକ୍ଟକୁ ନେଇ ଉଚ୍ଚ ଅଧିକାରୀଙ୍କ ସହ କଥା ହେବେ ବୋଲି ଛାତ୍ରୀମାନଙ୍କୁ ପ୍ରତିଶୃତି ଦେଇଛନ୍ତି । ଯାହା ଦ୍ୱାରା ଏହି ହେଲମେଟ କୌଣସି ଏକ କମ୍ପାନୀ ଦ୍ୱାରା ପ୍ରସ୍ତୁତ କରାଯାଇ ଜନସାଧାରଣଙ୍କ ପାଖରେ ପହଞ୍ଚିପାରିବ । ଏହା ଦ୍ୱାରା ସଡକ ଦୁର୍ଘଟଣାର ସଂଖ୍ୟା ହ୍ରାସ ହୋଇପାରିବ ।