ମାଲକାନଗିରି ଭଳି ଉପାନ୍ତ ଅଂଚଳର ପହଂଚିଥିଲା ହେଲିକପ୍ଟର ! ଗାଁର ସମସ୍ୟା ସମ୍ପର୍କରେ ଜଣାଇବା ପାଇଁ ନିଜ ଖର୍ଚ୍ଚରେ ହେଲିକପ୍ଟର ପଠାଇଥିଲେ ଯୁବ ଇଂଜିନିୟର ଉତ୍ତମ ମଲିକ
କନକ ବ୍ୟୁରୋ : ମାଲକାନଗିରି ଭଳି ଉପାନ୍ତ ଅଂଚଳର ଏକ ନିପଟ ମଫସଲରେ ପହଂଚିଥିଲା ହେଲିକପ୍ଟର । ଆଉ ଏଥିରେ ଥିଲେ ସ୍ଥାନୀୟ ବିଧାୟକ ଓ ସାଂସଦ । ତେବେ କୌଣସି ସରକାରୀ ଗସ୍ତରେ ଆସିନଥିଲେ ଏହି ଲୋକପ୍ରତିନିଧି । ବରଂ ଶିବରାତ୍ରିରେ ଶିବ ମନ୍ଦିର ଉଦଘାଟନ ପାଇଁ ବିଧାୟକ ଓ ସାଂସଦଙ୍କୁ ଡକାଇଥିଲେ ଜଣେ ଯୁବ ଇଂଜିନିୟର । ସବୁଠୁ ବଡ କଥା ହେଉଛି ତାଙ୍କ ଗାଁକୁ ଆସିବାକୁ ଅନିଚ୍ଛା ପ୍ରକାଶ କରୁଥିବା ସାଂସଦଙ୍କୁ ଆଣିବାକୁ ନିଜ ଖର୍ଚ୍ଚରେ ହେଲିକପ୍ଟର ପଠାଇଥିଲେ ଜଣେ ଇଂଜିନିୟର ଜଣକ । ଉଦ୍ଦେଶ୍ୟ ଥିଲା ତାଙ୍କ ଗାଁର ସମସ୍ୟା ସଂପର୍କରେ ଜାଣନ୍ତୁ ସାଂସଦ ଓ ବିଧାୟକ ।
Kanak News is now on WhatsApp
Join and get latest news updates delivered to you via WhatsApp
ଏପରି କାମ ପାଇଁ ଚର୍ଚ୍ଚା ସାଉଁଟିଛନ୍ତି ମାଲକାନଗିରି ଜିଲ୍ଲା ପଡିଆ ବ୍ଲକ୍ ସୋନାଲି ଗାଁର ଯୁବ ଇଂଜିନିୟର ତଥା ଠିକାଦାର ଉତ୍ତମ ମଲିକ । ନିଜ ଅଂଚଳର ପ୍ରାୟ ୩୦ଟି ଗାଁ ପାଇଁ ସେ ସାଜିଛନ୍ତି ଦେବଦୂତ । ପିଲାବେଳୁ ଅଭାବ ଓ ସମସ୍ୟା ସହ ସଙ୍ଘର୍ଷ କରିଥିବା ଉତମ ଏବେ ହାଇଦ୍ରାବାଦରେ ଏକ କନଷ୍ଟ୍ରକସନ୍ କମ୍ପାନୀର ମାଲିକ । ତେବେ ରୋଜଗାର ପାଇଁ ଓଡିଶାଠୁ ଦୂରରେ ରହୁଥିଲେ ମଧ୍ୟ ନିଜ ଗାଁ ତଥା ଅଂଚଳ ପାଇଁ ଉତମଙ୍କର ରହିଛି ଅତୁଟ ଭଲପାଇବା । ଯେଉଁଥି ପାଇଁ ରୋଜଗାରର ୫୦ ଭାଗ ଅର୍ଥ ସେ ନିଜ ଅଂଚଳର ବିକାଶ ପାଇଁ ଖର୍ଚ୍ଚ କରନ୍ତି । ନିଜ ଅଂଚଳର ବିଭିନ୍ନ ସମସ୍ୟାର ସମାଧାନ ସହ ଲୋକଙ୍କୁ ସାହାଯ୍ୟ ପାଇଁ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରିଥାନ୍ତି ଉତମ ମଲିକ ।
ତେବେ ଉତ୍ତମଙ୍କ ଅବଦାନ ପାଇଁ ଗାଁ ବାସୀ ତାଙ୍କୁ ପ୍ରଶଂସା କରୁଛନ୍ତି । ଗାଁରେ ଅନେକ ବିକାଶମୂଳକ କାର୍ଯ୍ୟ ରକିଛନ୍ତି ଯୁବ ଇଞ୍ଜିନିୟ ଉତ୍ତମ । ସ୍କୁଲ, କଲେଜ ଠାରୁ ଆରମ୍ଭ କରି ଗାଁରେ ଅନେକ ବିକାଶମୂଳକ କାର୍ଯ୍ୟରେ ତାଙ୍କର ଅବଦାନ ଅତୁଳନୀୟ ବୋଲି କହିଛନ୍ତି ଗାଁ ଲୋକେ । ଗାଁରେ କିଏ ରୋଗରେ ପଡ଼ିଥିଲେ କିମ୍ବା କାହାର ଝିଅ ବିବାହ କରିପାରୁନଥିଲେ ସେଠାରେ ପହଞ୍ଚିଯାହାନ୍ତି ଉତ୍ତମ । ଗାଁର ବିକାଶ ପାଇଁ ନିଜ ଜୀବନକୁ ସେ ଉତ୍ସର୍ଗୀକୃତ କରିଦେଇଛନ୍ତି । ଯୁବ ଇଞ୍ଜିନିୟର ଉତ୍ତମ କହିଛନ୍ତି, ସେ ଯେତିକି ରୋଜଗାର କରୁଛନ୍ତି, ତାହାର ୫୦ ପ୍ରତିଶତ ସେ ଗାଁବାସୀଙ୍କ ସେବାରେ ଲଗାଇବାରେ ଚାହାନ୍ତି । ଆଉ ଏନେଇ ସବୁବେଳେ ପ୍ରୟାସ ମଧ୍ୟ ଜାରି ରଖିଛନ୍ତି ।