ଲଗାତାର ଜିମରେ ଏନର୍ଜି ଡ୍ରିଙ୍କସ୍ ପିଉଥିବା ଲୋକ ହୋଇଯାଆନ୍ତୁ ସାବଧାନ ! ନଚେତ୍ ଆପଣଙ୍କ ଅବସ୍ଥା ମଧ୍ୟ ଏହି ବଡିବିଲ୍ଡରଙ୍କ ଭଳି ହୋଇଯିବ ।
ପ୍ରତିଟି ମଣିଷ ନିଜକୁ ଫିଟ୍ ରଖିବା ଏବଂ ସୁନ୍ଦର ଦେଖାଯିବା ପାଇଁ ଜିମ୍ ଜଏନ୍ କରିଥାନ୍ତି । ବିଭିନ୍ନ ପ୍ରକାରର ଏନର୍ଜୀ ଡ୍ରିଙ୍କ୍ ଏବଂ ବଟିକା ସେବନ କରିଥାଏ । କିନ୍ତୁ ଏହା ଯେ ସ୍ୱାସ୍ଥ୍ୟ ପ୍ରତି କେତେ କ୍ଷତିକାରକ ତାହା ଆଜି ଆମେ ଆପଣଙ୍କୁ କହିବାକୁ ଯାଉଛୁ । ବ୍ରିଟେନର ଏହି ବଡିବିଲ୍ଡରଙ୍କ ସହ କିଛି ଏଭଳି ହେଲା ଯାହାଙ୍କ କଥା ଶୁଣି ଆପଣ ବଡି ବନାଇବା ଭଳି ଜିଦ୍ ଛାଡିଦେବେ ।
Kanak News is now on WhatsApp
Join and get latest news updates delivered to you via WhatsApp
ଲଣ୍ଡନର ମେନଚେଷ୍ଟରରେ ରହୁଥିବା ବଡିବିଲ୍ଡର ଡିନ୍ ବାରମ୍ବୀ ନିଜ ଶରୀରକୁ ସବଳ କରିବାପାଇଁ ଖୁବ୍ ଏଳ୍ସସାଇଜ୍ କରୁଥିଲେ ଏବଂ ଲଗାତାର ଏନର୍ଜୀ ଡ୍ରିଙ୍କସ୍ ପିଉଥିଲେ । ଯାହା ପରମୁହୂର୍ତ୍ତରେ ତାଙ୍କୁ ମୃତ୍ୟୁ ଆଡକୁ ନେଇଗଲା । ଅଚାନକ ତାଙ୍କ ଦେହ ଖରାପ ହେବା ପରେ ଜଣାପଡିଲା ଯେ ତାଙ୍କୁ ଲିଭର୍ କ୍ୟାନ୍ସର ହୋଇଛି । ରିପୋର୍ଟରୁ ଜଣାପଡିଥିଲା ଯେ ୮ ମାସ ହେଲା ସେ ଲଗାତାର ଏନର୍ଜୀ ଡ୍ରିଙ୍କସ୍ ପିଉଥିଲେ । ଯାହାଫଳରେ ୩୯ ବର୍ଷୀୟ ଏହି ସବଳ ବ୍ୟକ୍ତି ଜଣକ ଖୁବ୍ ପତଳା ହୋଇଗଲେ ଏବଂ କିଛି ସମୟ ପରେ ସେ ଆରପାରିକୁ ଚାଲିଗଲେ ।
ସେ ଜିମ୍ କରୁଥିବା ସମୟରେ ୮ ରୁ ୯ ଥର ଏନର୍ଜୀ ଡ୍ରିଙ୍କସ୍ ପିଉଥିଲେ । ସୁନ୍ଦର ଶରୀର ପାଇବାପାଇଁ ସେ କିଭଳି ବଡ ଭୁଲ୍ କରିଦେଲେ ତାହା ପରମୁହୂର୍ତ୍ତରେ ଜଣାପଡିଥିଲା । ଅଧିକ ଦିନ ବଚିଂବାର ଆଶା ନକରି ସେ ନିଜ ସୋସିଆଲ୍ ଆକାଉଣ୍ଟରେ ଏଭଳି ଭୁଲ୍ ନକରିବା ପାଇଁ ଲୋକଙ୍କୁ ସଚେତନ କରିଥିଲେ ।