ସିଆରପିଏଫ୍ ର ଆଉ ଜଣେ ଯବାନ ସହିଦ୍ ! ଜମ୍ମୁ-କାଶ୍ମୀରରେ ଚାଲିଥିବା ୭୨ ଘଣ୍ଟାର ସର୍ଚ୍ଚ ଅପରେସନ୍ ରେ ପୂର୍ବରୁ ସହିଦ୍ ହୋଇଥିଲେ ୪ ଜଣ ଯବାନ ।
ଜମ୍ମୁ-କାଶ୍ମୀରର କୁପୱାଡା ସ୍ଥିତ ହନ୍ଦୱାଡାରେ ଶନିବାର ମଧ୍ୟ ରାତ୍ରି ପର୍ଯ୍ୟନ୍ତ ସେନା ଏବଂ ଆତଙ୍କବାଦୀଙ୍କ ଭିତରେ ୭୨ ଘଣ୍ଟା ଧରି ଚାଲିଥିବା ଲଢେଇରେ ସିଆରପିଏଫ୍ ର ଦୁଇଜଣ ଅଧିକାରୀ ଏବଂ ଜମ୍ମୁ-କାଶ୍ମୀର ପୋଲିସ୍ ର ୨ ଯବାନ ସହିଦ୍ ହୋଇଯାଇଥିଲେ । ଅନ୍ୟପକ୍ଷରେ ଏହି ଲଢେଇରେ ଗମ୍ଭୀର ଆଘାତ ପାଇଥିବା ଆଉ ଜଣେ ସିଆରପିଏଫ୍ ଯବାନ ରବିବାର ସହିଦ୍ ହୋଇ ଯାଇଛନ୍ତି । ଏହି ସମୟରେ ୪ ଜଣ ସ୍ଥାନୀୟ ଲୋକ ମଧ୍ୟ ଆଘାତର ଶିକାର ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
#UPDATE: One more CRPF personnel has succumbed to injuries sustained yesterday during the encounter in Handwara. #JammuAndKashmir https://t.co/06UiXZhyRT
— ANI (@ANI) March 3, 2019
ଜମ୍ମୁ-କାଶ୍ମୀର ପୋଲିସ୍ ମୁତାବକ ବାବାଗୁଡ୍ ଅଞ୍ଚଳରେ ସିଆରପିଏଫ୍ ତରଫରୁ ସର୍ଚ୍ଚ ଅପରେସନ୍ ଚାଲୁ ରହିଥିଲା । ଏହି ସମୟରେ ଆତଙ୍କବାଦୀମାନେ ଯବାନଙ୍କ ଉପରକୁ ଫାୟାର କରିଥିଲେ । ଏହି ଲଢେଇରେ ୯ ଜଣ ଯବାନ ଆଘାତ ହୋଇଥିଲେ । ଏଥିରେ ୪ ଜଣ ଯବାନ ସହିଦ୍ ହୋଇଥିବା ବେଳେ ଜଣେ ଯବାନଙ୍କୁ ଗଭୀର ଆଘାତ ଲାଗିଥିଲା ।