ଫ୍ରାନ୍ସ ରାଷ୍ଟ୍ରପତି ନିର୍ବାଚନରେ ଏମାନୁଏଲ ମାକ୍ରନ୍ ବିଜୟୀ ! ଦକ୍ଷିଣପନ୍ଥୀ ମରିନ୍ ଲି ପେନଙ୍କୁ ସ୍ପଷ୍ଟ ବହୁମତରେ କଲେ ପରାସ୍ତ

କନକ ବ୍ୟୁରୋ : ଫ୍ରାନ୍ସ ରାଷ୍ଟ୍ରପତି ନିର୍ବାଚନରେ ବିଜୟୀ ହୋଇଛନ୍ତି ଏମାନୁଏଲ ମାକ୍ରନ୍ । ନିଜ ପ୍ରତିଦ୍ୱନ୍ଦୀ ଦକ୍ଷିଣପନ୍ଥୀ ମରିନ୍ ଲି ପେନଙ୍କୁ ସ୍ପଷ୍ଟ ବହୁମତରେ ପରାସ୍ତ କରିଛନ୍ତି ମାକ୍ରନ୍ । ଫ୍ରାନ୍ସର ନୂଆ ରାଷ୍ଟ୍ରପତି ଭାବେ ନିର୍ବାଚିତ ହୋଇଥିବା ମାକ୍ରନଙ୍କୁ ସେତେ ଅଧିକ ରାଜନୈତିକ ଅଭିଜ୍ଞତା ନାହିଁ । ଏହା ସହ ସେ କୌଣସି ନିର୍ବାଚିତ ପଦରେ ମଧ୍ୟ ନଥିଲେ । ରାଷ୍ଟ୍ରପତି ନିର୍ବାଚନରେ ମାକ୍ରନ୍ ବିଜୟୀ ହେବା ପରେ ଫ୍ରାନ୍ସସର ପ୍ରମୁଖ ରାଜନୈତିକ ଦଳ ଗୁଡିକୁ ଧକ୍କା ଲାଗିଛି । ତେବେ ୩୯ ବର୍ଷୀୟ ମାକ୍ରନ ଫ୍ରାନ୍ସର ସର୍ବକନିଷ୍ଠ ରାଷ୍ଟ୍ରପତି ହେବେ ।