ଏମାର ମଠ ଉଚ୍ଛେଦକୁ ନେଇ ଆସିଲା ବଡ ଖବର। ସଫଳ ହେଲା ପ୍ରଶାସନର ଉଦ୍ୟମ। ବୁଝାସୁଝା ପରେ ମଠରୁ ବାହାରିବାକୁ ମାନିଲେ ମହନ୍ତ
ପୁରୀ ଉପଜିଲ୍ଲାପାଳ ଭବତାରଣା ସାହୁ ମହନ୍ତଙ୍କ ସହିତ ସକାଳେ ପୁଣି ଆଲୋଚନା କରି ବୁଝାସୁଝା କରିଥିଲେ । ଶେଷରେ ମହନ୍ତ ରାଜି ହୋଇଛନ୍ତି ।
କନକ ବ୍ୟୁରୋ: ଏମାର ମଠ ଉଚ୍ଛେଦକୁ ନେଇ ସବୁଠୁ ବଡ ଖବର । ପ୍ରଶାସନର ଦୀର୍ଘ ସମୟର ଉଦ୍ୟମ ସଫଳ ହୋଇଛି । ଏମାର ମଠ ଛାଡିବାକୁ ମହନ୍ତ ରାଜଗୋପାଳ ରାମାନୁଜ ଦାସ୍ ରାଜି ହୋଇଛନ୍ତି । ଏନେଇ ସୂଚନା ଦେଇଛି ଜିଲ୍ଲା ପ୍ରଶାସନ । ଆଜି ପ୍ରଶାସନ ପକ୍ଷରୁ ପୁରୀ ଉପଜିଲ୍ଲାପାଳ ଭବତାରଣା ସାହୁ ମହନ୍ତଙ୍କ ସହିତ ସକାଳେ ପୁଣି ଆଲୋଚନା କରି ବୁଝାସୁଝା କରିଥିଲେ । ଶେଷରେ ମହନ୍ତ ରାଜି ହୋଇଛନ୍ତି । ସେ ମଠ ଛାଡିବେ । ସେପଟେ ମଠରୁ ମହନ୍ତ ହଟିବା ପରେ ଉଚ୍ଛେଦ କାମ ଆଗେଇ ନେବାକୁ ପ୍ରଶାସନ ମଧ୍ୟ ପ୍ରସ୍ତୁତି କରିଛି ।
Kanak News is now on WhatsApp
Join and get latest news updates delivered to you via WhatsApp
ଆଜି ଏମାର ମଠର ମୁଖ୍ୟ ମନ୍ଦିର ବା ଗାଦିକୁ ଛାଡି ଅନ୍ୟ ସମସ୍ତ ଉଚ୍ଛେଦ ସାରିବାକୁ ପ୍ରଶାସନ ଯୋଜନା ରଖିଛି । ସେପଟେ ଆଜି ୨୦ଟି ଦୋକାନ ଭଂଗା ଯିବାକୁ ମଧ୍ୟ ଯୋଜନା ରହିଛି । ବଣିଆ ପଟି ରୁ ୧୦ରୁ ଅଧିକ ଗହଣା ଦୋକାନକୁ ଉଚ୍ଛେଦ କରାଯିବ । ସେପଟେ ଉଚ୍ଛେଦକୁ ନଜରରେ ରଖି ସେସୁ ପକ୍ଷର ବିଜୁଳି କାଟ୍ କରାଯାଇଛି । କାକୁଡି ଖାଇ ଛକରୁ ଦୋଳମଣ୍ଡପ ସାହି ଯାଏଁ ରାସ୍ତାକୁ ସିଲ୍ କରାଯାଇଛି । ସୁରକ୍ଷାରେ ପ୍ରାୟ ୩୦ ପ୍ଲାଟୁନ୍ ଫୋର୍ସ ମୁତୟନ ଅଛନ୍ତି ।