ରାଉରକେଲା ବ୍ୟୁରୋ, କନକ ନ୍ୟୁଜ୍ : ଜନବସତି ମୁହାଁ ହାତୀ । ସୁନ୍ଦରଗଡ ଲାଠିକଟା ଅଂଚଳରେ ଏବେ ବଢିଚାଲିଛି ହାତୀ ଉପଦ୍ରବ । ୧୪ରୁ ଅଧିକ ହାତୀ ଏବେ ଲାଠିକଟାର ଆଖପାଖ ଅଂଚଳରେ ଡେରା ପକାଇଛନ୍ତି । ବ୍ୟାପକ ଧନଜୀବନ ନଷ୍ଟ କରୁଛନ୍ତି ଏହି ହାତୀ ପଲ । ଅନେକ ସମୟରେ ଜନବସତି ଭିତରେ ପଶି ଘରଦ୍ୱାର ବି ଭାଙ୍ଗୁଛନ୍ତି । ସେପଟେ ସୋନାପର୍ବତ ପାହାଡ ତଳୁ ଏକ ଛୁଆ ହାତୀର ମୃତଦେହ ମିଳିଛି । ଏହି ହାତୀଟିର ବୟସ ୨ରୁ ୩ ବର୍ଷ ଭିତରେ ହେବ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଧାନ ଖାଇବାକୁ ଜମି ଭିତରେ ପଶିଥିବା ବେଳେ ପଙ୍କ ଭିତରେ ପଶି ଏହି ହାତୀ ଛୁଆର ମୃତ୍ୟୁ ହୋଇଥିବା ଜଣାପଡିଛି । ଗତ ୮ ବର୍ଷ ହେଲା ଲାଠିକଟା ଓ ଏହାର ଆଖପାଖ ଅଂଚଳରେ ନିୟମିତ ଚାଷ ଜମି ଓ ଗାଁ ଭିତରକୁ ହାତୀ ଆସୁଛନ୍ତି । ଝାଡଖଣ୍ଡ ସରଣ୍ଡା ଜଙ୍ଗଲରୁ ଏହି ହାତୀପଲ ଲାଠିକଟା ଭିତରକୁ ପଶି ଆସୁଛନ୍ତି । ଏହି ୧୪ ଟିକିଆ ହାତୀ ପଲକୁ ଘଉଡାଇବାକୁ ବନ ବିଭାଗ ପକ୍ଷରୁ ଉଦ୍ୟମ ଜାରି ରହିଛି ।