ପୁଣି ଲେଉଟିଲେ ହାତୀପଲ ! କେନ୍ଦୁଝର ଜିଲ୍ଲା ଚମ୍ପୁଆ ରେଞ୍ଜରେ ୨୨ଟି ହାତୀର ରାସ୍ତା ଅବରୋଧ

13

କନକ ବ୍ୟୁରୋ : ପୁଣି ଲେଉଟିଲେ ହାତୀ ପଲ । କେନ୍ଦୁଝର ଜିଲ୍ଲା ଚମ୍ପୁଆ ରେଂଜ ପତଳା ନିକଟରେ ହାତୀପଲ ରାସ୍ତା ଅବରୋଧ କରିଛନ୍ତି । ୨୨ଟି ହାତୀ ଥିବା ପଲରେ ୭ଟି ଛୁଆ ହାତୀ ମଧ୍ୟ ରହିଛନ୍ତିି । ହାତୀପଲ ରାସ୍ତା ପାରି ହେଉଥିବା ବେଳେ ରାସ୍ତାର ଦୁଇ ପାଖରେ ବହୁ ଗାଡ଼ି ଅଟକି ରହିଥିଲା । ଗତକାଲି ଏହି ହାତୀପଲ ଝାଡ଼ଖଣ୍ଡରୁ ମୟୁରଭଞ୍ଜ ଦେଇ ଚମ୍ପଆର ସରେଇ ଗ୍ରାମରେ ପ୍ରବେଶ କରିଥିଲେ । ଏବଂ ରଜିଆ ଜଙ୍ଗଲରେ ରାତି ରହିଥିଲେ । ଆଉ ଏବେ ହାତୀପଲ ଟୁଣଟୁଣା, ଶଶାଂଗ ଦେଇ ପତଳା ଜଂଗଲକୁ ପଳାଇ ଯାଇଛନ୍ତି । ତେବେ ହାତୀ ଫସଲ ନଷ୍ଟ କରିବା ଭୟରେ ପରିବା ଚାଷୀମାନେ ଆଶଂକାରେ ଅଛନ୍ତି । ସେପଟେ ହାତୀ ପଲକୁ ଘଉଡ଼ାଇବା ପାଇଁ ବନ ବିଭାଗ ପକ୍ଷରୁ ପ୍ରୟାସ ଜାରି ରହିଛି ।

ସୂଚନାଯୋଗ୍ୟ ୫ରୁ ୬ ମାସ ପୂର୍ବରୁ ଏହି ଅଂଚଳରେ ଲାଗିରହିଥିଲା ହାତୀଙ୍କ ଉପଦ୍ରବ । ତେବେ କିଛି ଦିନ ଥମିଯିବା ପରେ ପୁଣି ମାଡ଼ି ଆସିଛନ୍ତି ହାତୀ । ଆଜି ସକାଳୁ ସକାଳୁ ଜଣଙ୍କର ଘର ମଧ୍ୟ ଭାଙ୍ଗିଛନ୍ତି ।

Comments are closed.