କନକ ବ୍ୟୁରୋ : ଢେଙ୍କାନାଳରେ ଗଜରାଜ ଆତଙ୍କ । ଜଙ୍ଗଲ ଛାଡି ଜନବସତି ମୁହାଁ ହାତୀପଲ । ଖାଦ୍ୟ ଓ ପାନୀୟ ଆଶାରେ ଗାଁରେ ପଶି ବ୍ୟାପକ ଭଙ୍ଗାରୁଜା କରୁଛନ୍ତି ହାତୀପଲ । କେବଳ ଫସଲ ନଷ୍ଟ କି ଘରଦ୍ୱାର ଭାଙ୍ଗୁଛନ୍ତି ତା ନୁହେଁ, ଟ୍ରେନ ଲାଇନ ଓ ଜାତୀୟ ରାଜପଥରେ ଘଂଟାଘଂଟା ଧରି ହାତୀପଲ ଠିଆ ହୋଇ ରହୁଛନ୍ତି । ଆଉ ଏସବୁର କାରଣ ହେଉଛି, ଜଙ୍ଗଲ କ୍ଷେୟ ।
Kanak News is now on WhatsApp
Join and get latest news updates delivered to you via WhatsApp
ସେ ରାସ୍ତା ନିର୍ମାଣ ହେଉ ବା ବଡ ବଡ ଶିଳ୍ପ ପ୍ରତିଷ୍ଠାନ, ଏଥିପାଇଁ ଏକର ଏକର ଜଙ୍ଗଲକୁ କାଟି ପଦା କରିଦିଆଯାଉଛି । ଫଳରେ ହାତୀପଲ ଜନବସତି ମୁହାଁ ହୋଇଛନ୍ତି । ଜିଲ୍ଲାରେ ଅନେକ ସମୟରେ ହାତୀ ମଣିଷ ଲଢେଇ ଦେଖିବାକୁ ମିଳିଛି । କେତେବେଳେ ହାତୀ ଆକ୍ରମଣରେ ମଣିଷର କ୍ଷତି ହୋଇଛି ତ ଆଉ କେତେବେଳେ ମୃତ୍ୟୁ ମୁଖରେ ପଡିଛି ହାତୀ ।
ସରକାରୀ ଭାବେ ୨୦୧୩ରୁ ୧୬ ଭିତରେ ଜିଲ୍ଲାରେ ମୋଟ ୩୬ଟି ହାତୀଙ୍କର ମୃତ୍ୟୁ ହୋଇଥିବା ବେଳେ ଟ୍ରେନ ଲାଇନରେ କଟି ଗୋଟିଏ ହାତୀର ମୃତ୍ୟୁ ହୋଇଛି । ହେଲେ ଏହି ସଂଖ୍ୟା ବେସରକାରୀ ଭାବେ ୪କୁ ଛୁଇଁଛି । ସେପଟେ ଏନଏଚ-୫୫ରେ ହାତୀ ଯିବା ପାଇଁ କଲଭର୍ଟ ତିଆରି ହେବା ସହ ରେଳ ଲାଇନରେ ବନ କର୍ମଚାରୀଙ୍କୁ ନିୟୋଜିତ କରାଯିବ ବୋଲି ସୂଚନା ଦେଇଛନ୍ତି ଡିଏଫଓ ।
ଶିମିଳିପାଳ ହାତୀ ସଂଖ୍ୟାରେ ପ୍ରଥମ ହୋଇଥିବା ବେଳେ ଢେଙ୍କନାଳ ଦ୍ୱିତୀୟ ସ୍ଥାନରେ ରହିଛି । ସରକାରୀ ଭାବେ ଜିଲ୍ଲାରେ ମୋଟ ୧୬୭ଟି ହାତୀ ଥିବା ନେଇ ଦର୍ଶାଯାଇଥିବା ବେଳେ ବେସରକାରୀ ଭାବେ ଏହା ୪ଶହ ଛୁଇଁଛି ।