ରାସ୍ତା ଓଗାଳିଲେ ହାତୀପଲ ! ଢେଙ୍କାନାଳ ରସାସିଂ ୫୫ ନମ୍ବର ଜାତୀୟ ରାଜପଥରେ ହାତୀ ଆତଙ୍କ
କନକ ବ୍ୟୁରୋ : ଢେଙ୍କାନାଳ ଜିଲ୍ଲାରେ ହାତୀ ଆତଙ୍କ । ହାତୀ ଆକ୍ରମଣରେ ଦୁଇଟି ସ୍ଥାନରେ ଦୁଇ ଜଣଙ୍କ ଜୀବନ ଯାଇଛି । ଢେଙ୍କାନାଳ ଜିଲ୍ଲାର ଚାଉଳିଆ ଓ ଦାମୋଦର ନାଳିରେ ହାତୀ ଆକ୍ରମଣରେ ଦୁଇ ଜଣ ପ୍ରାଣ ହରାଇଛନ୍ତି । ସେପଟେ ରସାସିଂ ୫୫ ନମ୍ବର ଜାତୀୟ ରାଜପଥ ନିକଟରେ ହାତୀ ପଲଙ୍କୁ ଦେଖିବାକୁ ମିଳିଛି । ସେଠାରେ ସେମାନେ ହାତୀ ଓଗାଳିଛନ୍ତି । ଏ ନେଇ ସ୍ଥାନୀୟ ଅଂଚଳରେ ଆତଙ୍କିତ ହୋଇ ପଡିଛନ୍ତି ଲୋକେ ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ସଦର ବ୍ଲକ୍ ଚାଉଳିଆ ଖମାର ଗାଁର ଅଚ୍ୟୁତ ରାଉତ ଆଜି ଭୋରରୁ ବାଇଗଣ ତୋଳିବା ପାଇଁ ତାଙ୍କ ବାଇଗଣ କିଆରିକୁ ଯାଇଥିବା ବେଳେ ହାତୀ ପଲଙ୍କ ହାବୁଡ଼ରେ ପଡ଼ିଥିଲେ । ହାତୀ ପଲ ଶ୍ରୀ ରାଉତଙ୍କୁ ଟାଣି ନେଇ ତାଙ୍କ ମୁଣ୍ଡ ଉପରେ ପାଦ ଦେଇ ଦଳି ଦେଇଛି । ସେହିପରି ଦାମୋଦର ନାଳିର ନିରଞ୍ଜନ ମହାନ୍ତି(୭୨ ବର୍ଷ) ଶୌଚ ହେବା ପାଇଁ ସାଗରମଲକ୍ଲ ଫାର୍ମ ପଛପଟକୁ ଯାଇଥିବା ବେଳେ ହାତୀ ପଲ ତାଙ୍କ ମଧ୍ୟ ଦଳି ଦେଇଛନ୍ତି । ଉଭୟ ମୃତଦେହ ଉଦ୍ଧାର କରାଯାଇ ଡାକ୍ତରଖାନାରେ ବ୍ୟବଛେଦ ପାଇଁ ରଖାଯାଇଛି ।