କନ୍ଦୁଝର ଜିଲ୍ଲାରେ ହାତୀ ମୃତ୍ୟୁ । ଘଟଗାଁ ବନାଞ୍ଚଳରେ ଟ୍ରକ ଧକ୍କାରେ ଛୁଆ ହାତୀ ସମେତ ୨ ହାତୀ ମୃତ
ଟ୍ରକ ଧକ୍କାରେ ଗଲା ଗଜରାଜଙ୍କ ଜୀବନ
କନକ ବ୍ୟୁରୋ: କେନ୍ଦୁଝରରେ ଘଟିଛି ଏକ ଅଭାବନୀୟ ଘଟଣା । ଟ୍ରକ ଧକ୍କାରେ ଗଲା ଗଜରାଜଙ୍କ ଜୀବନ । ବୁଧବାର ରାତିରେ ଟ୍ରକ ଧକ୍କାରେ ୨ଟି ହାତୀର ମୃତ୍ୟୁ ହୋଇଛି । ଗୋଟିଏ ହାତୀ ଗୁରୁତର ଅବସ୍ଥାରେ ମୃତ୍ୟୁ ସହ ସଂଘର୍ଷ କରୁଛି ।
Kanak News is now on WhatsApp
Join and get latest news updates delivered to you via WhatsApp
ଘଟଗାଁ ବନଖଣ୍ଡର ବାଲି ଯୋଡା ଗାଁ ନିକଟରେ ଗତକାଲି ରାତି ରେ ପ୍ରାୟ ୧୦ଟି ହାତୀ ଏନଏଚ୍ ପାର ହେଉଥିବା ବେଳେ ଏଭଳି ଦୁର୍ଘଟଣା ଘଟିଛି । ଦ୍ରୁତଗାମୀ ଟ୍ରକ ଧକ୍କା ଦେବା ଫଳରେ ଘଟଣା ସ୍ଥଳରେ ଗୋଟିଏ ମାଇ ହାତୀ ଓ ଛୁଆ ହାତୀର ମୃତ୍ୟୁ ହୋଇଛି । ଆଉ ଏକ ମାଈ ହାତୀ ଗୁରୁତର ଆହତ ହୋଇଛି । ଦୁର୍ଘଟଣା ପରେ ହାତୀଙ୍କ ଗର୍ଜନ ଶୁଣି ପାଖ ଗାଁ ଲୋକେ ବନବିଭାଗକୁ ଖବର ଦେବା ପରେ ଘଟଣା ସ୍ଥଳରେ ପହଁଚିଥିଲା ବନବିଭାଗ ଟିମ୍ । ତେବେ ଏକାଧିକ ଟ୍ରକ୍ ଧକ୍କାରେ ଏପରି ଦୁର୍ଘଟଣା ଘଟିଥିବା ସଂଦେହ କରୁଛି ବନବିଭାଗ । ଦୁର୍ଘଟଣା ସ୍ଥଳ ନିକଟରୁ ଗୋଟିଏ ଟ୍ରକକୁ ଜବତ କରିବା ସହିତ ତାର ହେଲପରକୁ ଅଟକ ରଖାଯାଇଛି ।