ଶିକାରୀ ଗୁଳିରେ ଦନ୍ତା ହାତୀ ମୃତ । ୪ ଦିନ ହେଲା ଗୁଳି ବାଜିଥିଲେ ମଧ୍ୟ ଜାଣି ପାରିଲେନି ବନବିଭାଗ ଅଧିକାରୀ, ଶେଷରେ ଛଟପଟ ହୋଇ ମରିଗଲା ଦନ୍ତା ହାତୀ
କନକ ବ୍ୟୁରୋ : ଶିକାରୀ ଗୁଳିରେ ଦନ୍ତା ମୃତ । ନରସିଂହପୁର ବନରେଞ୍ଜରେ ଏଭଳି ଘଟଣା ଦେଖିବାକୁ ମିଳିଛି । ନରସିଂହପୁର ପୂର୍ବ ସର୍କଲ ରେଞ୍ଜ ଅନ୍ତର୍ଗତ ମହୁଲପଡା, ଚନ୍ଦ୍ରଗିରି ରିଜର୍ଭ ଜଙ୍ଗଲରେ ଶିକାରୀଙ୍କ ଗୁଳିରେ ହାତୀ ଆହତ ହୋଇଥିଲା । ଆହତ ଦନ୍ତା ଜଙ୍ଗଲ ଭିତରୁ ଗାଁ ନିକଟକୁ ଆସିଯିବା ପରେ ଲୋକେ ବନବିଭାଗକୁ ଖବର ଦେଇଥିଲେ । କାନପୁର ପ୍ରାଣୀଧନ ଚିକିତ୍ସକଙ୍କ ସହାୟତାରେ ଚିକିତ୍ସା କରାଯାଇଥିଲେ ମଧ୍ୟ ହାତୀର ଅବସ୍ଥା ଗୁରୁତର ହୋଇପଡିଥିଲା । ଶେଷରେ ହାତୀଟିରମୃତ୍ୟୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ନରସିଂହପୁର ଜଙ୍ଗଲରେ ସୁନ୍ଦରୀ ବାଘର ଚଳପ୍ରଚଳ ଜଣାପଡିବା ପରେ ବନବିଭାଗ କର୍ମଚାରୀମାନେ ଜଙ୍ଗଲ ଭିତରକୁ ଯାଉନଥିବା ସୁଯୋଗ ନେଇ ଶିକାରୀମାନେ ଦନ୍ତାଶିକାର କରିଥିବା ଜଣାପଡିଛି । ହାତୀକୁ ପ୍ରାୟ ୩-୪ ଦିନ ପୂର୍ବରୁ ଗୁଳି ବାଜିଥିଲେ ବି ବିନବିଭାଗ ଜାଣିନପାରିବା କର୍ମଚାରୀ ଓ ଅଧିକାରୀଙ୍କ କାଯ୍ୟଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି କରିଛି ।