ଆଠଗଡ : ଗାଁରେ ପଶିଲେ ଗଜରାଜ । ଫସଲ ଦଳିଲେ, ପାଚେରୀ ଭାଂଗିଲେ । ଆଠଗଡ ଖୁଂଟୁଣୀ ବନାଂଚଳ ବଉଳ-ସାରକୋଳି ଗାଁ ରାସ୍ତାରେ ମାତିଛନ୍ତି ହାତୀପଲ । ୨୦ରୁ ଅଧିକ ହାତୀ ଏହି ପଲରେ ଅଛନ୍ତି । ହାତୀପଲ ସାରକୋଳି ଗାଁ ଆଡକୁ ମାଡି ମାଡି ଆସୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଲୋକେ ହାତୀଙ୍କୁ ଟେକାପଥର ମାରି ଘଉଡାଇବାକୁ ଚେଷ୍ଟା କରୁଛନ୍ତି । ଫଳରେ ହାତୀ ପଲ ଉତକ୍ଷିପ୍ତ ହୋଇ ଲୋକଙ୍କ ଉପରକୁ ଗୋଡାଉଥିବା ମଧ୍ୟ ଦେଖିବାକୁ ମିଳିଛି । ବନ ବିଭାଗ ମଧ୍ୟ ହାତୀଙ୍କୁ ଘଉଡାଇବାକୁଯାଇ ନାକେଦମ୍ ହେଉଛି । ସାରକୋଳି ଗାଁ ଆଡକୁ ହାତୀ ମାଡି ଆସୁଥିବା ବେଳେ ଲୋକେ ଆତଙ୍କିତ ହୋଇପଡିଛନ୍ତି ।
ଗତ କିଛି ଦିନ ହେଲା ସ୍ଥାନୀୟ ଅଂଚଳରେ ଦୁଇ ଦିନ ତଳେ ଏହି ହାତୀ ପଲ ସାରକୋଳି ରାସ୍ତାରେ ଦେଖା ଦେଇଥିଲେ ଏବଂ ଅନ୍ୟପଟେ ଚାଲିଯାଇଥିଲେ । ଗୁରୁବାର ପୁଣି ସେମାନେ ଗାଁ ମୁହାଁ ହୋଇଛନ୍ତି ।