ମୋଦି ସରକାର ଆଣିପାରନ୍ତି ମେଗା ପ୍ଲାନ୍ ! ବିଦ୍ୟୁତ ଉପଭୋକ୍ତାଙ୍କୁ ମିଳିବ ୨୪ ଘଣ୍ଟିଆ ବିଜୁଳି, ଦିନକୁ ଦେବାକୁ ପଡିପାରେ ୩ ପ୍ରକାର ବିଜୁଳି ବିଲ୍ ।
କନକ ବ୍ୟୁରୋ : ଦେଶର ପ୍ରତ୍ୟେକ ବ୍ୟକ୍ତିଙ୍କ ଘରେ ବିଜୁଳି ପହଞ୍ଚାଇବା ପାଇଁ ମୋଦି ସରକାର ମେଗା ପ୍ଲାନ ପ୍ରସ୍ତୁତ କରୁଛନ୍ତି । ପ୍ରତ୍ୟେକ ବିଜୁଳି ଉପଭୋକ୍ତାଙ୍କ ନିକଟରେ ୨୪ ଘଣ୍ଟିଆ ବିଜୁଳି ପହଞ୍ଚାଇବାକୁ ଏବେ ସରକାର ଲକ୍ଷ୍ୟ ରଖିଛନ୍ତି । ଆଉ ଏଥିପାଇଁ ଖୁବ୍ ଶୀଘ୍ର ଉଦୟ ସ୍କିମ ପାର୍ଟ-୨ ଲଞ୍ଚ କରିବେ ସରକାର ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ଶକ୍ତି ମନ୍ତ୍ରୀ ଆରକେ ସିଂହଙ୍କ କହିବା ଅନୁଯାୟୀ, ବିଜୁଳି ବିତରଣ କମ୍ପାନି ବିରୋଧରେ ସରକାର କଡା କାର୍ଯ୍ୟାନୁଷ୍ଠାନ ନେଇପାରନ୍ତି । ଯେଉଁ ବିଜୁଳି ବତିରଣ କମ୍ପାନି ବିଦ୍ୟୁତ ଉପଭୋକ୍ତାଙ୍କୁ ପର୍ଯ୍ୟାପ୍ତ ବିଦ୍ୟୁତ୍ ସେବା ଯୋଗାଇବାରେ ବିଫଳ ହେଉଛନ୍ତି ସେମାନଙ୍କର ଲାଇସେନ୍ସ ରଦ୍ଦ ହୋଇପାରେ । ଏପରିକି ଠିକ୍ ସମୟରେ ଟ୍ରାନ୍ସଫର୍ମର ଯଦି ନ ଲଗାଯାଏ କିମ୍ବା ଉପଭୋକ୍ତାଙ୍କ ନିକଟରେ ବିଦ୍ୟୁତ ସେବା ନ ପହଞ୍ଚେ ତେବେ କମ୍ପାନିକୁ ଜରିମାନା ଦେବାକୁ ପଡିବ ।
ଏହାସହ କେନ୍ଦ୍ର ଶକ୍ତି ମନ୍ତ୍ରୀ ଆରକେ ସିଂହ ବିଜୁଳି ବିଲରେ ବଡ ଧରଣର ପରିବର୍ତ୍ତନ ନେଇ ସଂକେତ ଦେଇଛନ୍ତି । ଏବେ ବିଜୁଳି ବ୍ୟବହାର ପାଇଁ ଦିନକୁ ତିନି ପ୍ରକାର ବିଜୁଳି ଦେବାକୁ ପଡିପାରେ । ଅଥାର୍ତ ସକାଳ, ଅପରାହ୍ନ ଓ ସନ୍ଧ୍ୟା ପାଇଁ ଭିନ୍ନ ଭିନ୍ନ ଟ୍ୟାରିଫରେ ବିଜୁଳି ବିଲ୍ ଭରିବାକୁ ପଡିପାରେ । ଏହାବାଦ୍ ଯେଉଁ ରାଜ୍ୟ ଉଦୟ ସ୍କିମ ପାର୍ଟ-୨ ଟାର୍ଗେଟ ପୂରା କରିବ ସେହି ରାଜ୍ୟକୁ କେନ୍ଦ୍ର ତରଫରୁ ଆର୍ଥିକ ସହାୟତା ମିଳିବ ।
ଏସବୁ ବ୍ୟତୀତ ସରକାର ସ୍ମାର୍ଟ ମିଟର ଯୋଜନାକୁ ଦ୍ରୁତ ଗତିରେ ଆଗେଇ ନେବାକୁ ବିଚାର କରୁଛନ୍ତି । ସ୍ମାର୍ଟ ମିଟର ଲଗାଇବା ପାଇଁ ସମସ୍ତ ଖର୍ଚ୍ଚ ସରକାର ବହନ କରିବେ । ଅଥାର୍ତ ଗ୍ରାହକଙ୍କୁ ଏଥିପାଇଁ ଗୋଟିଏ ଟଙ୍କା ମଧ୍ୟ ଖର୍ଚ୍ଚ କରିବାକୁ ପଡିବନି ।