ମଧ୍ୟପ୍ରଦେଶର ଏକ ନିଆରା ଗାଁ, ଯେଉଁଠି କେବେ ହୁଏନି ନିର୍ବାଚନ ! ସହର ପରି ଗାଁରେ ସବୁ ସୁବିଧା ଉପଲବ୍ଧ
ଆଜିକାଲି ଗାଁ ଗୁଡ଼ିକରେ ଆଉ ପୂର୍ବପରି ଆକର୍ଷଣ ନାହିଁ । ଗାଁର ଆମ୍ବତୋଟା, ଚାଳଘର, ପାଦଦୋକାନ, ସବୁଜ ପାଣିର ପୋଖରୀ ଆଦିର ମହକ ଆଉ ନାହିଁ । ଧୀରେ ଧୀରେ ଗାଁ ତା’ର ପ୍ରାକୃତିକ ସୌନ୍ଦର୍ଯ୍ୟ ହରାଉଛନ୍ତି । ସହର ପରି ହୋଇଯାଇଛି ଗାଁ । ଗାଁର ଲୋକାମାନେ ଅଧିକ ଟଙ୍କା ରୋଜଗାର ଆଶାରେ ସହରାଭିମୁଖୀ ହେଉଛନ୍ତି । ଆଉ ଗାଁରେ ରହିବା ପାଇଁ ଲୋକେ ପସନ୍ଦ କରୁନାହାନ୍ତି । ସହରର ଚାକଚକ୍ୟଭରା ଜୀବନ ଲୋକଙ୍କୁ ଅଧିକ ଆକର୍ଷିତ କରୁଛି । ସର୍ବୋପରି ଅଧିକ ଟଙ୍କା ଆୟ କରିବା ଆଶାରେ ଗାଁ ଛାଡ଼ୁଛନ୍ତି ଲୋକେ । ତେବେ ଆମ ଦେଶ ଭାରତରେ ଏବେ ବି ଏପରି ଏକ ଗାଁ ଅଛି, ଯେଉଁଠାକୁ ଆପଣ ଯିବାପାଇଁ ନିଶ୍ଚିତ ଇଚ୍ଛାପ୍ରକାଶ କରିବେ । ସହର ପରି ସବୁ ସୁବିଧା ଥିଲେ ହେଁ, ଗାଁ ତା’ର ମୌଳିକତା ହରାଇନି । ନିଜର ନିଆରାପଣିଆ ପାଇଁ ରାଷ୍ଟ୍ରପତି ପୁରସ୍କାର ମଧ୍ୟ ପାଇଛି ମଧ୍ୟପ୍ରଦେଶର ଏକ ଗାଁ ।
Kanak News is now on WhatsApp
Join and get latest news updates delivered to you via WhatsApp
ମଧ୍ୟପ୍ରଦେଶର ନରସିଂହପୁରରେ ଏକ ଏପରି ଗାଁ ଅଛି ଯାହା ଦେଶର ଅନ୍ୟ ଗାଁ ଗୁଡ଼ିକ ପାଇଁ ପ୍ରେରଣା ସାଜିଛି । ଉକ୍ତ ଆଧୁନିକ ଗାଁରେ ସମସ୍ତ ସୁବିଧା ଉପଲବ୍ଧ ଯାହା ଏକ ସହରରେ ମିଳେ । ଏଠାରେ ଗ୍ରାମବାସୀ ମିଳିତ ଭାବେ ଗାଁକୁ ନିର୍ମାଣ କରିଛନ୍ତି । ଯାହା ଅନ୍ୟ ଗାଁ ପାଇଁ ପ୍ରେରଣାଦାୟୀ । ଜିଲ୍ଲା ନରସିଂହପୁରର କେରଳୀ ମଣ୍ଡଳର ଗାଁ ବଘୁୱାର । ଗାଁକୁ ଦେଖି ଆପଣଙ୍କୁ ଏପରି ଲାଗିବ ଆପଣ କୌଣସି ଗାଁରେ ନୁହେଁ ପାର୍କରେ ଅଛନ୍ତି । ଗାଁକୁ ଗଲେ ଆପଣଙ୍କୁ ଉକ୍ତ ଗାଁ ପରି ଲାଗିବ ନାହିଁ । ଚାରିଆଡ଼େ ସବୁଜ ସବୁଜ ଏବଂ ଚମକାଦର ସିମେଣ୍ଟ ସଡ଼କ, ପ୍ରତି ଘରେ ଘରେ ଗୋବର ଗ୍ୟାସ୍ । ୧୦୦ ପ୍ରତିଶତ ଚାଷବାଷ, ଛୋଟ ଇନଡ଼ୋର ଷ୍ଟାଡ଼ିୟମ୍ ଓ ସ୍ୱିମିଙ୍ଗ ପୁଲ ଆଦି ଦେଖିଲେ ଆପଣଙ୍କ ଆଖି ଖୋସି ହୋଇଯିବ । ଗାଁରେ କୌଣସି ପିଲା ଘରେ ବସନ୍ତି ନାହିଁ, ସମସ୍ତେ ସ୍କୁଲ ଯାହାନ୍ତି ।
ଗାଁକୁ ଯିବା ପାଇଁ ପୂର୍ବରୁ ରାସ୍ତା ନଥିଲା । ଯିବାଆସିବା ପାଇଁ ଲୋକଙ୍କୁ ବହୁତ ଅସୁବିଧା ହେଉଥିିଲା । ତେବେ ପ୍ରଶାସନକୁ ଅପେକ୍ଷା ନକରି ଗାଁର ଲୋକେ ମିଶି ୩ କିମି ରାସ୍ତା ତିଆରି କରିଥିଲେ, ପରେ ସରକାରୀ ସହାୟତାରେ ଗାଁକୁ ପକ୍କା ସଡ଼କ ତିଆରି ହେଲା । ଗାଁରେ ତିଆରି ହୋଇଥିବା ସବୁ ଘର କାନ୍ଥରେ ଇତିହାସ ଓ ସାଧାରଣ ଜ୍ଞାନ ଆଦି ଉଲ୍ଲେଖ ରହିଛି । ଗାଁର ବିକାଶ ପରି ପାଇଁ ତିଆରି ହୋଇଛି ଏକ ସଂଘ । ସବୁ ଘରର ଜଣେ ବ୍ୟକ୍ତି ଉକ୍ତ ସଂଘର ସଦସ୍ୟ ଅଟନ୍ତି । ଅବସରପ୍ରାପ୍ତ କର୍ମଚାରୀ ପରେ ଲୋକମାନେ ଏବେ ଗାଁକୁ ଫେରୁଛନ୍ତି ଓ ନିଜ ଗାଁର ବିକାଶରେ ନିଜର ଯୋଗଦାନ କରୁଛନ୍ତି ।
ଏହି ଗାଁ ଆଉ ଅନ୍ୟ ଗାଁ ଗୁଡ଼ିକ ଅପେକ୍ଷା ଖୁବ ନିଆରା । ଏହାର ମୁଖ୍ୟ କାରଣ ହେଲା ସ୍ୱାଧୀନତା ପରଠାରୁ ଏହି ଗାଁରେ କେବେ ବି ନିର୍ବାଚନ ହୋଇନାହିଁ । ଗାଁର ଲୋକମାରେ ଗାଁ ମୁଖିଆକୁ ନିଜେ ଚୟନ କରନ୍ତି । ଗାଁର ଲୋକମାନେ ପାରମ୍ପରିକ ଚାଷ ଛାଡ଼ି ଜୈବିକ ଚାଷ କରନ୍ତି । କେବଳ ୨୦୦୦ ଜନସଂଖ୍ୟା ବିଶିଷ୍ଟ ଏହି ଗାଁରେ ୩୫ ଟ୍ରାକ୍ଟର, ୫୧ ଗୋବର ଗ୍ୟାସ୍ ପ୍ଲାଣ୍ଟ, ଆଖୁ ପେଡ଼ିବା ପାଇଁ ୭୪ ମେସିନ ଓ ୨୫ଟି ନଳକୂଅ ଅଛି । ଗୋବର ଗ୍ୟାସ ବ୍ୟବହାର କରିବାରେ ଏହି ଗାଁ ପୁରା ରାଜ୍ୟରେ ଆଗରେ ରହିଛି । ପ୍ରାୟ ଘରେ ଗୋବର ଗ୍ୟାସ ମାଧ୍ୟମରେ ରୋଷେଇ ହୁଏ । ଏହାବ୍ୟତୀତ ଗାଁରେ ସ୍ୱଚ୍ଛତା ଓ ଜଳ ସଂରକ୍ଷଣ ଉପରେ ବିଶେଷ ଧ୍ୟାନ ଦିଆଯାଏ । ଗାଁର ପ୍ରତି ଘରେ ଘରେ ଶୌଚାଳୟ ଅଛି । ସଫାସୁତୁରା କର୍ମଚାରୀଙ୍କ ଦ୍ୱାରା ସବୁଦିନ ଗାଁର ସଫା କରାଯାଏ । ୫୦ ବର୍ଷ ହେଲାଣି ସବୁଦିନ ସକାଳ ୫ଟାରୁ ସବୁଦିନ ପ୍ରଭାତଫେରି ବାହାରେ । ଭଜନ କୀର୍ତ୍ତନ ଦ୍ୱାରା ଗାଁ ଗୁଞ୍ଜରଣ ହୁଏ । ପ୍ରଭାତଫେରୀ ସମୟରେ ସବୁ ଜାତି ଓ ଧର୍ମର ଲୋକେ ସାମିଲ ହୁଅନ୍ତି । ବାଘୁୱାର ଗାଁକୁ ୨୦୧୦ରେ ରାଷ୍ଟ୍ରପତି ପୁରସ୍ମାର ମିଳିସାରିଛି । ତେବେ ଗାଁର ମୁଖିଆ କହିଛନ୍ତି, ଆଗକୁ ଗାଁର ବିକାଶ ଦିଗରେ ଅଧିକ ପ୍ରୟାସ କରାଯାଇଛି ।