ଟ୍ରେଣ୍ଡ ଅନୁସାରେ ବିଜେଡିକୁ ବହୁମତ: ୧୧ଟା ସୁଦ୍ଧା ୧୦୫ଟି ଆସନରେ ଆଗରେ ରହିଛି ବିଜୁ ଜନତା ଦଳ, ପଛରେ ପଡିଲେ ବିରୋଧୀ
ମ୍ୟାଜିକ ନମ୍ବର ସଂଖ୍ୟା ଡେଇଁଲା ବିଜୁ ଜନତା ଦଳ
କନକ ବ୍ୟୁରୋ: ଟ୍ରେଣ୍ଡ ଅନୁସାରେ ବିଜେଡିକୁ ମିଳିଛି ବହୁମତ । ଦିନ ୧୧ଟା ସୁଦ୍ଧା ମତ ଗଣନା ହୋଇଥିବା ୧୦୫ଟି ବିଧାନସଭା କ୍ଷେତ୍ର ମଧ୍ୟରୁ ବିରୋଧୀଙ୍କ ପଛରେ ପକାଇ ଆଗକୁ ମାଡି ଚାଲିଛି ବିଜୁ ଜନତା ଦଳ । ଟ୍ରେଣ୍ଡ ଅନୁଯାୟୀ , ଏହି ସବୁ କ୍ଷେତ୍ରରୁ ବିଜେଡିକୁ ୭୫ଟି ଆସନ ମିଳିଥିବା ବେଳେ ବିଜେପିକୁ ୧୮ ଏବଂ ୧୩ଟି ଆସନରେ ଆଗରେ ରହିଛି କଂଗ୍ରେସ ।
Kanak News is now on WhatsApp
Join and get latest news updates delivered to you via WhatsApp
ଦିନ ୧୧ଟା ସୁଦ୍ଧା ଖଣ୍ଡପଡା ବିଧାନସଭା ଆସନରୁ ବିଜେଡି ପ୍ରାର୍ଥୀ ସୌମ୍ୟରଂଜନ ପଟ୍ଟନାୟକ ଆଗୁଆ ଥିବା ବେଳେ ଖୋର୍ଧାରେ ବିଜେଡି ବିଧାନସଭା ପ୍ରାର୍ଥୀ ଜିତୁ ମିତ୍ର । ବେଳେ ବ୍ରହ୍ମଗିରିରୁ ବିଜେଡି ପ୍ରାର୍ଥୀ ସଞ୍ଜୟ ଦାସବର୍ମା ପଛରେ, ଲଳିତେନ୍ଦୁ ବିଦ୍ୟାଧର ମହାପାତ୍ର ଆଗରେ । ପିପିଲି ବିଧାନସଭା ଆସନରୁ ବିଜେଡି ପ୍ରାର୍ଥୀ ପ୍ରଦୀପ ମହାରଥୀ ଆଗୁଆ । କାକଟପୁର ବିଧାନସଭା ଆସନରେ ଆଗୁଆ ଅଛନ୍ତି ବିଜେଡି ପ୍ରାର୍ଥୀ ତୁଷାରକାନ୍ତି ବେହେରା । ସେହିଭଳି ରଣପୁରରେ ବିଜେପି ବିଧାନସଭା ପ୍ରାର୍ଥୀ ସୁରମା ପାଢୀ ଆଗୁଆ । ଧର୍ମଶାଳା ବିଧାନସଭା ଆସନରେ ବିଜେଡି ପ୍ରାର୍ଥୀ ପ୍ରଣବ ବଳବନ୍ତରାୟ ଆଗୁଆ।ବଡସାହିରୁ ବିଜେପି ବିଧାନସଭା ପ୍ରାର୍ଥୀ ସନାତନ ବିଜୁଳି ଆଗରେ ରହିଛନ୍ତି । ଉମରକୋଟରେ ବିଧାନସଭା ଆସନରୁ ବିଜେପି ପ୍ରାର୍ଥୀ ନିତ୍ୟାନନ୍ଦ ଗଣ୍ଡ ଆଗୁଆ। ତେବେ ଚତୁର୍ଥ ରାଉଣ୍ଡ ସୁଦ୍ଧା ପୁରୀ ଲୋକସଭା ନିର୍ବାଚନୀ ମଣ୍ଡଳୀରେ ବିଜେଡି ସାଂସଦ ପ୍ରାର୍ଥୀ ପୀନାକି ମିଶ୍ର ଆଗୁଆ ଅଛନ୍ତି ।