କନକ ବ୍ୟୁରୋ: ଆରମ୍ଭରୁ ସଙ୍କେତ ବିଜେଡି ଆଡ଼କୁ ଇସାରା କରିଛି । ପ୍ରଥମ ଟ୍ରେଣ୍ଡିଂରେ ବିଜେଡିର ସୁନାମୀ ଦେଖିବାକୁ ମିଳିଛି । ସକାଳ ୯ଟା ୪୫ ସୁଦ୍ଧା ମିଳିଥିବା ସୂଚନାରେ ରାଜ୍ୟର ଉଭୟ ଲୋକସଭା ଏବଂ ବିଧାନସଭାରେ ବିଜେଡି ପ୍ରାର୍ଥୀ ଆଗୁଆ ଥିବା ଜଣାପଡିଛି । ସେହିପରି ୪୩ଟି ବିଧାନସଭା ଆସନରୁ ୩୪ଟି ଆସନରେ ବିଜେଡି ଆଗୁଆ ଥିବା ବେଳେ ୬ଟି ଆସନରେ ବିଜେପି ଏବଂ ଗୋଟିଏ ଆସନରେ କଂଗ୍ରେସ ଆଗୁଆ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଆଜି ସକାଳ ୮ଟାରୁ ରାଜ୍ୟର ୬୩ଟି ଭୋଟ୍ ଗଣତି କେନ୍ଦ୍ରରେ ଗଣତି ଆରମ୍ଭ ହୋଇଛି। ଓଡ଼ିଶାର ଟ୍ରେଣ୍ଡ ସାମ୍ନାକୁ ଆସିଛି । ଭୋଟ ଗଣତିକୁ ନେଇ ସାରା ରାଜ୍ୟରେ ସରଗରମ ସ୍ଥିତି ଉପୁଜିଛି। ମିଳିଥିବା ସୂଚନା ଅନୁଯାୟୀ, ପ୍ରଥମ ରାଉଣ୍ଡ ସୁଦ୍ଧା ସୋନପୁରରେ ବିଜେଡି ପ୍ରାର୍ଥୀ ନିରଂଜନ ପୂଜାରୀ ଆଗୁଆ । ଦେବଗଡ ଓ ଦଶପଲ୍ଲାରେ ବିଜେଡି ଆଗୁଆ, ବୀରମିତ୍ରପୁରରେ ବିଜେପି ଆଗୁଆ । ଲୋଇସିଂହାରେ ବିଜେଡି ପ୍ରାର୍ଥୀ ପ୍ରଦୀପ ବେହେରା ୨୯୩ ଭୋଟରେ ଆଗୁଆ । ଝାରସୁଗୁଡାରୁ ବିଜେଡି ପ୍ରାର୍ଥୀ ନବ ଦାସ, ଭଟଲିରୁ ସୁଶାନ୍ତ ସିଂ, ବ୍ରଜରାଜନଗରରୁ କିଶୋର ମହାନ୍ତି ଆଗୁଆ ।ପ୍ରଥମ ରାଉଣ୍ଡ ସୁଦ୍ଧା ଚିଲିକାରେ ବିଜେଡି ପ୍ରାର୍ଥୀ ପ୍ରଶାନ୍ତ ଜଗଦେବ ଆଗୁଆ।