ଶୃଙ୍ଖଳିତ ନିର୍ବାଚନ ପାଇଁ ନିର୍ବାଚନ ଅଧିକାରୀଙ୍କ ପ୍ରସ୍ତୁତି । ସବୁ ମଦ ଦୋକାନରେ ସିସିଟିଭି ଲଗାଇବା ପାଇଁ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ।

185

କନକ ବ୍ୟୁରୋ: ଚଳିତ ନିର୍ବାଚନକୁ ସ୍ୱଚ୍ଛ ଓ ଶୃଙ୍ଖଳିତ ଭାବେ ସମାପନ କରିବା ପାଇଁ ନିର୍ବାଚନ କମିଶନଙ୍କ ପ୍ରସ୍ତୁତି । ଭାରତୀୟ ନିର୍ବାଚନ କମିଶନଙ୍କ ଦ୍ବାରା ବଲାଙ୍ଗୀର ଲୋକସଭାମଣ୍ଡଳୀ ପାଇଁ ନିଯୁକ୍ତ ସାଧାରଣ ପର୍ଯ୍ୟବେକ୍ଷକ ଏନ.ଏସ.ପ୍ରସନ୍ନ କୁମାର ଓ ବୀରମହାରାଜପୁର ନିର୍ବାଚନମଣ୍ଡଳୀ ଖର୍ଚ୍ଚ ପର୍ଯ୍ୟବେକ୍ଷକ ଦେବବ୍ରତ ରାୟ ଏବଂ ସୋନପୁର ନିର୍ବାଚନମଣ୍ଡଳୀ ପାଇଁ ନିଯୁକ୍ତ ଖର୍ଚ୍ଚ ପର୍ଯ୍ୟବେକ୍ଷକ ଗୁରୁପ୍ରିତ ସିଂହ ଜିଲ୍ଲାର ବିଭିନ୍ନ ଟିମ ଗୁଡିକ ସହିତ ସର୍କିଟ ହାଉସରେ ଆଲୋଚନା କରିଛନ୍ତି ।

ସୂଚନା ମୁତାବକ, ଜିଲ୍ଲା ମଦ ଦୋକାନରେ ସିସିଟିଭି ଲାଗିଛି କି ନାହିଁ ତାହା ସୁନିଶ୍ଚିତ କରିବା ସହିତ କୌଣସି ମଦ ଦୋକାନରେ ଅଧିକ ମାତ୍ରାରେ ମଦ ବିକ୍ରି ହେଲେ ତାହା ରିପୋର୍ଟ କରିବା ପାଇଁ ନିର୍ଦ୍ଦେଶ ହୋଇଛି । ଏପରିକି କୌଣସି ବ୍ୟକ୍ତି ୧୦ ଲକ୍ଷ ଟଙ୍କାରୁ ଅଧିକ ଟଙ୍କା ତା ଆକାଣ୍ଟରୁ ଉଠାଏ କିମ୍ବା ଜମା କରେ ତେବେ ଏହି ସୂଚନା ବ୍ୟାଙ୍କ କର୍ତ୍ତୁପକ୍ଷ ଜିଲ୍ଲା ନିର୍ବାଚନ ଅଧିକାରୀଙ୍କୁ ଦେବେ । ଏହାକୁ ଜିଲ୍ଲା ନିର୍ବାଚନ ଅଧିକାରୀ ଉକ୍ତ ଜିଲ୍ଲାର ଦାୟିତ୍ବରେ ଥିବା ଆୟକର ଅନୁସନ୍ଧାନ ନିର୍ଦ୍ଦେଶାଳୟର ନୋଡାଲ ଅଫିସରଙ୍କୁ ଉପରୋକ୍ତ ଅର୍ଥ କାରବାର ସମ୍ପର୍କରେ ସୂଚିତ କରିବେ ଏବଂ ନୋଡାଲା ଅଫିସର ଆୟକର ଆଇନ ଅନୁଯାଇ କାର୍ଯ୍ୟାନୁଷ୍ଠାନ ନେବେ ବୋଲି ଜଣାପଡ଼ିଛି ।

ସେପଟେ ଗତକାଲି ବୀମହାରାଜପୁର ନିର୍ବାଚନମଣ୍ଡଳୀ ଏବଂ ସୋନପୁର ନିର୍ବାଚନମଣ୍ଡଳୀ ପାଇଁ ଇଭିଏମ ଓ ଭିଭିପେଟର ରାଣ୍ଡାମାଇଜେସନ ରାଜନୈତିକ ଦଳର ପ୍ରତିନିଧିମାନଙ୍କ ଉପସ୍ଥିତିରେ ସମାପ୍ତ ହୋଇଥିଲା । ଏଥିରେ ଉଭୟ ନିର୍ବାଚନମଣ୍ଡଳୀର ରିଟର୍ନିଂ ଅଫିସରଙ୍କ କାର୍ଯ୍ୟାଳୟରେ ସାଧାରଣ ପର୍ଯ୍ୟବେକ୍ଷକ ଏନ.ଏସ ପ୍ରସନ୍ନ କୁମାର, ଜିଲ୍ଲାପାଳ ତଥା ଜିଲ୍ଲା ନିର୍ବାଚନ ଅଧିକାରୀ ଶ୍ରୀ ମିଶ୍ର, ଅତିରିକ୍ତ ଜିଲ୍ଲାପାଳ ତଥା ଅତିରିକ୍ତ ଜିଲ୍ଲା ନିର୍ବାଚନ ଅଧିକାରୀ ଶ୍ରୀ ପଣ୍ଡା ଉପସ୍ଥିତ ଥିଲେ।

Comments are closed.