ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ମାଟ୍ରିକ ଓ ଯୁକ୍ତ ଦୁଇ ପରୀକ୍ଷାକୁ ନେଇ ସୃଷ୍ଟି ହୋଇଛି ଦ୍ୱନ୍ଦ୍ୱ । ଆସନ୍ତା ଫେବୃଆରୀ ମାସରେ ହେବ ପଂଚାୟତ ନିର୍ବାଚନ । ଆଉ ସେହି ମାସରେ ରହିଛି ମାଟ୍ରିକ ପରୀକ୍ଷା । ଏନେଇ ପରୀକ୍ଷା ଘଂଚାଇବାକୁ ନିର୍ବାଚନ କମିଶନ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଓ ବୋର୍ଡ ଅଫ ସେକେଣ୍ଡାରୀ ଏଜୁକେସନକୁ ଚିଠି ଲେଖିଛନ୍ତି । ଏବେ ପ୍ରଶ୍ନ ଉଠିଛି, ପିଲାଙ୍କ ସ୍ୱାର୍ଥରେ ନିର୍ବାଚନ ଘୁଂଚିବ ନା ନିର୍ବାଚନ ପାଇଁ ପରୀକ୍ଷା ଘୁଂଚିବ?
Kanak News is now on WhatsApp
Join and get latest news updates delivered to you via WhatsApp
ତେବେ ଯଦି ମାର୍ଚ୍ଚ ମାସରେ ମାଟ୍ରିକ ପରୀକ୍ଷା ହୁଏ ଯୁକ୍ତ ଦୁଇ ପରୀକ୍ଷା ପ୍ରଭାବିତ ହେବାର ଆଶଙ୍କା ରହୁଛି । ମାଟ୍ରିକ୍ ଓ ଯୁକ୍ତ ଦୁଇ ପରୀକ୍ଷା ପାଇଁ ୩ ହଜାର ୫୦୦ ପରୀକ୍ଷା କେନ୍ଦ୍ରର ଆବଶ୍ୟକତା ରହିଛି । ଆବଶ୍ୟକ ଭିତିଭୂମି ଓ ସୁରକ୍ଷା ବ୍ୟବସ୍ଥା ବାଧାପ୍ରାପ୍ତ ହେବାର ଆଶଙ୍କା ରହୁଛି । ତେବେ ଏନେଇ ସୋମବାର ଗଣଶିକ୍ଷା ବିଭାଗର ଅଧିକାରୀ, ଯୁକ୍ତ ଦୁଇ ମାଧ୍ୟମିକ ପରିଷଦ ଓ ମାଟ୍ରିକ ପରୀକ୍ଷା ପରିଚାଳନା କରୁଥିବା ବୋର୍ଡ ଅଫ ସେକେଣ୍ଡାରି ଏଜୁକେସନର ଅଧିକାରୀଙ୍କ ମଧ୍ୟରେ ବୈଠକ ହେବ ।