କନକ ବ୍ୟୁରୋ: ସଂପତି କଳିରୁ ଜଳିଲା ନିଆଁ । ଜଣେ ମହିଳାଙ୍କୁ କୋଠରୀ ଭିତରେ ବନ୍ଦ କରି ନିଆଁ ଲଗାଇଦେଇଥିବା ଅଭିଯୋଗ ଆସିଛି । ଅଭିଯୋଗ ଅନୁସାରେ, ଏହି କାଣ୍ଡ ପଛରେ ମହିଳାଙ୍କ ପୁତୁରାର ହାତ ରହିଛି । ଏହି ଅଭାବନୀୟ ଘଟଣା ଘଟିଛି ଅନୁଗୁଳ ଜିଲ୍ଲା ନାଲକୋ ଥାନା ବଳରାମ ପ୍ରସାଦ ଗାଁରେ । ଶୋଇଥିବା ଅବସ୍ଥାରେ ମହିଳାଙ୍କୁ ବାହାର ପଟୁ ତାଲା ପକାଇ ହତ୍ୟା କରାଯାଇଛି । ମୃତ ମହିଳା ହେଲେ ଦୌପଦୀ ପ୍ରଧାନ । ଗାଁ ଠାରୁ କିଛି ଦୂରରେ କୁଡ଼ିଆ କରି ଏକାକୀ ରହୁଥିଲେ । ଜମି ହାତେଇବା ଲାଗି ନିଜ ପୁତୁରା ଏଭଳି ବର୍ବର କାଣ୍ଡ କରିଥିବା ପୁଲିସ ପ୍ରାଥମିକ ତଦନ୍ତରୁ ସନ୍ଦେହ କରୁଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଦୌପଦୀ ପ୍ରଧାନ( ୪୦ ବର୍ଷ) ନାମକ ଜଣେ ବିଧବା ସେହି ଘରେ ଏକୁଟିଆ ରୁହନ୍ତି । ଗତକାଲି ରାତିରେ ସେ ଖାଇ ପିଇ ଶୋଇବାକୁ ଯାଇଥିଲେ । ତେବେ ବିଳମ୍ବିତ ରାତିରେ ନିଜ ପୁତୁରା ଘରର କବାଟକୁ ବାହାର ପଟୁ ବନ୍ଦ କର ଘରେ ନିଆଁ ଲଗାଇ ଦେଇଥିବା ସନ୍ଦେହ କରାଯାଉଛି । ଫଳରେ ମହିଳା ଜଣକ ଜୀଅନ୍ତା ଜଳିଯାଇଛନ୍ତି ।