ଏମିତି ଏକ ଦେଶ, ଯେଉଁଠି ବୟୋଜ୍ୟେଷ୍ଠ ବ୍ୟକ୍ତିମାନେ ସବୁଠାରୁ ଅଧିକ କରୁଛନ୍ତି ଆତ୍ମହତ୍ୟା । ଜାଣନ୍ତୁ କାରଣ
ସିଙ୍ଗାପୁରରେ ଗତ ବର୍ଷ ବୟୋଜ୍ୟେଷ୍ଠ ବ୍ୟକ୍ତିଙ୍କ ଦ୍ୱାରା ଆତ୍ମହତ୍ୟା କରିବା ମାମଲାର ରେକର୍ଡରେ ବୃଦ୍ଧି ଘଟିଛି । ଏକ ବେସରକାରୀ ସଂସ୍ଥା ଏହି ସୂଚନା ପ୍ରଦାନ କରିଛି । ଏହି ସଂସ୍ଥା ଦେଶରେ ଦ୍ରୁତ ଗତିରେ ବଢ଼ୁଥିବା ବୃଦ୍ଧଙ୍କ ଜନସଂଖ୍ୟାକୁ ଦେଖି ୬୦ ବର୍ଷରୁ ଅଧିକ ବୟସ ହୋଇଥିବା ଲୋକଙ୍କ ପାଇଁ ମଜବୁତ୍ ସହଯୋଗୀ ତନ୍ତ୍ର ବିକସିତ କରିବା ଉପରେ ଜୋର ଦେଇଛନ୍ତି । ଆତ୍ମହତ୍ୟାର ଘଟଣାକୁ ରୋକିବା ଉପରେ ଧ୍ୟାନ କେନ୍ଦ୍ରିତ କରୁଥିବା ସଂଗଠନ ଏସଓଏସ କହିଛି କି, ପରିବାର ଉପରେ ବୋଝ ବନିବାର ଡର, ସାମାଜିକ ସ୍ତରରୁ ବାସନ୍ଦ, ଶାରୀରିକ ଅକ୍ଷମତା ଓ ଦୁର୍ବଳ ମାନସିକତା ବୃଦ୍ଧଙ୍କ ସାମନାକୁ ଆସୁଥିବା ସବୁଠାରୁ ସାମାନ୍ୟ ଚ୍ୟାଲେଂଜ ।
Kanak News is now on WhatsApp
Join and get latest news updates delivered to you via WhatsApp
ବର୍ଷ ୨୦୧୭ରେ ୬୦ ବର୍ଷ ବା ତା’ ଠାରୁ ଅଧିକ ବୟସର ଲୋକଙ୍କ ଦ୍ୱାରା ଆତ୍ମହତ୍ୟା କରାଯାଉଥିବା ମାମଲା ବଢ଼ିକି ୧୨୯ ହୋଇଯାଇଛି, ଯାହାକି ଏକ ରେକର୍ଡ ତଥା ଏହି ବର୍ଷରେ ସାମନାକୁ ଆସିଥିବା ମୋଟ୍ ଆତ୍ମହତ୍ୟା ମାମଲାର ୩୬ % ।
ବିଶ୍ୱର ସବୁଠାରୁ ବୃଦ୍ଧ ବ୍ୟକ୍ତିଙ୍କ ସ୍ଥାନ ପାଇଥିବା ୧୧୭ ବର୍ଷୀୟ ଜାପାନୀ ମହିଳା ଚିୟୋ ମିୟାକୋଙ୍କ ଦେହାନ୍ତ ହୋଇଗଲା । ତାଙ୍କ ପରିବାର ପକ୍ଷରୁ ଏହାର ସୂଚନା ଦିଆଯାଇଛି । ୦୨ ମେ ୧୯୦୧ରେ ଜନ୍ମ ନେଇଥିବା ମିୟାକୋ ଏପ୍ରିିଲରେ ବିଶ୍ୱର ସବୁଠାରୁ ବୟସ୍କ ବ୍ୟକ୍ତି ବନିଥିଲେ । ଏହା ପୂର୍ବରୁ ଏହିି ରେକର୍ଡ କିକାଇ ଦ୍ୱୀପର ନିବି ତାଜିମା ପାଖରେ ଥିଲା ଯାହାଙ୍କ ମୃତ୍ୟୁ ମଧ୍ୟ ୧୧୭ ବର୍ଷ ବୟସରେ ହୋଇଥିଲା ।
ଗିନିଜ ୱାଲ୍ଡ ରେକର୍ଡ ତାଙ୍କ ପରେ ଏହି ସମ୍ମାନର ଅନ୍ୟ ପ୍ରାର୍ଥୀଙ୍କ ନାମ ଏପର୍ଯ୍ୟନ୍ତ ଘୋଷଣା କରିନି । ସ୍ୱାସ୍ଥ୍ୟ, ଶ୍ରମ ଓ କଲ୍ୟାଣ ମନ୍ତ୍ରଣାଳୟ କହିଛି କି ଏହାପରେ ଜାପାନର ନୂଆ ସବୁଠାରୁ ବୟସ୍କ ବ୍ୟକ୍ତି ୧୧୫ ବର୍ଷୀୟ ଜଣେ ମହିଳା କାନେ ତନାକା ।