ଅଣ୍ଡା ଆମିଷ ନା ନିରାମିଷ ! ପ୍ରମାଣ ଦେଲେ ବୈଜ୍ଞାନିକ
ପ୍ରତିଦିନ ଖାଦ୍ୟସୂଚିରେ ଅଣ୍ଡା ଏକ ଆବଶ୍ୟକୀୟ ଖାଦ୍ୟ ପାଲଟି ଯାଇଛି । ପ୍ରତିଦିନ ଖାଦ୍ୟରେ ଗୋଟିଏ ଲେଖାଏଁ ଅଣ୍ଡା ଖାଇବା ଶରୀର ପ୍ରତି ମଧ୍ୟ ହିତକର ହୋଇଥାଏ । ଅଣ୍ଡାରେ ପୋଷକ ତତ୍ୱ ଅଧିକ ମାତ୍ରାରେ ଥିବାରୁ ଡାକ୍ତରମାନେ ମଧ୍ୟ ଅଣ୍ଡା ଖାଇବାକୁ ପରାମର୍ଶ ଦେଇଥାନ୍ତି । ଏଥିସବୁ ମଧ୍ୟରେ ବି ଅଣ୍ଡାକୁ ନେଇ ଲୋକମାନଙ୍କ ମଧ୍ୟରେ ବେଳେବେଳେ ଯୁକ୍ତିତର୍କ ହୋଇଥାଏ, ଅଣ୍ଡା ଆମିଷ କି ନିରାମିଷ ? ଯେଉଁ ଲୋକମାନେ ଅଣ୍ଡାକୁ ମାଂସାହାରି ଖାଦ୍ୟ ବୋଲି ଭାବିଥାନ୍ତି, ସେମାନଙ୍କ ମତରେ ଯେହେତୁ କୁକୁଡା ନନଭେଜ ଖାଦ୍ୟ ଶୃଙ୍ଖଳରେ ରହିଛି ତାର ଅଣ୍ଡା ମଧ୍ୟ ନନଭେଜ ଲିଷ୍ଟରେ ରହିବ । ଏହି ଯୁକ୍ତି ଉପରେ ଅନ୍ୟ କେତେକ ଲୋକ ଏହା ମଧ୍ୟ କହିଥାନ୍ତି, ଯେହେତୁ ଅଣ୍ଡାରୁ କୁକୁଡା ଛୁଆ ବାହାରିଥାଏ ତାହାକୁ ଦୃଷ୍ଟରେ ରଖିଲେ ଅଣ୍ଡା ନିରାମିଷ ହୋଇଥାଏ । ଏବଂ ଯେଉଁମାନେ ଅଣ୍ଡାକୁ ନିରାମିଷ ବୋଲି କୁହନ୍ତି ସେମାନଙ୍କ ଯୁକ୍ତି ଅନୁସାରେ ଯଦି ଗାଇଠାରୁ ବାହାରୁଥିବା କ୍ଷୀର ଶାଖାହାରୀ ହୋଇପାରେ ତେବେ କୁକୁଡା ଦେଉଥିବା ଅଣ୍ଡା ଶାଖାହାରୀ କାହିଁକି ନହୋଇପାରିବ ? ଆସନ୍ତୁ ଜାଣିବା ଏହି ଯୁକ୍ତି ଉପରେ ବୈଜ୍ଞାନିକଙ୍କ ମତାମତ ।
Kanak News is now on WhatsApp
Join and get latest news updates delivered to you via WhatsApp
ଏହି କାରଣରୁ ଅଣ୍ଡା ନିରାମିଷ
ଯେଉଁ ମାନେ ଭାବୁଛନ୍ତି ଅଣ୍ଡାରୁ ଛୁଆ ବାହାରୁଥିବାରୁ ଅଣ୍ଡା ଆମିଷ ହୋଇଥାଏ, ସେମାନଙ୍କ ପାଇଁ ଏହା ଜାଣିବା ଜରୁରୀ ଅଟେ କୁକୁଡା ଅଣ୍ଡା ଦିଏ କିପରି । ବାସ୍ତବରେ କୁକୁଡା ପ୍ରତି ଦୁଇଦିନରେ ଅଣ୍ଡା ଦେଇଥାଏ । ଏହାର ଅର୍ଥ ନୁହେଁ ଯେ କେବଳ କୁକୁଡା ଅନ୍ୟଏକ କୁକୁଡା ସଂସ୍ପର୍ଶରେ ଆସିବା ଫଳରେ ଅଣ୍ଡା ଦେଇଥାଏ । ବିନା ସଂସ୍ପର୍ଶରେ ଆସି ମଧ୍ୟ କୁକୁଡା ଅଣ୍ଡା ଦେଇପାରନ୍ତି । ଏବଂ ବିନା ସଂସ୍ପର୍ଶରେ ଆସି କୁକୁଡା ଦେଇଥିବା ଅଣ୍ଡାରୁ ଛୁଆ ଜନ୍ମ ହୋଇନଥାଏ । ବୈଜ୍ଞାନିକଙ୍କ ଭାଷାରେ ଏହାକୁ ଅନଫର୍ଟିଲାଇଜ ଏଗ୍ କୁହାଯାଏ । ଏବଂ ଏହା ନିରାମିଷ ହୋଇଥାଏ ।
ଏହି କାରଣରୁ ଅଣ୍ଡା ଆମିଷ
ଯେଉଁ ମାଇ କୁକୁଡା ଅନ୍ୟ କୁକୁଡା ସଂସ୍ପର୍ଶରେ ଆସି ଅଣ୍ଡା ଦେଇଥାଏ ସେହି ଅଣ୍ଡାକୁ ଆମିଷ କୁହାଯାଇପାରିବ । ଏହି ଅଣ୍ଡାରେ ଜନନକୋଷ ଥାଏ ଯାହା ଦ୍ୱାରା ଅଣ୍ଡାରୁ ଛୁଆ ଜନ୍ମ ହଇଥାଏ । ତେଣୁ ଏହି ଅଣ୍ଡା ଗୁଡିକୁ ମାଂସାହାରୀ କୁହାଯାଇପାରିବ ।
କିପରି ଜାଣିବା କେଉଁ ଅଣ୍ଡା ଶାଖାହାରୀ ଏବଂ କେଉଁ ଅଣ୍ଡା ମାଂସାହାରୀ
ବଜାରରେ ଯେଉଁ ଅଣ୍ଡା ବିକ୍ରି ହୋଇଥାଏ ସେହି ଅଣ୍ଡା ଗୁଡିକ ଫାର୍ମରୁ ଆସିଥାଏ । ବେପାରୀମାନେ ସେଭଳି ଅଣ୍ଡା ବଜାରକୁ ବିକ୍ରି କରିବା ପାଇଁ ପଠାଇଥାନ୍ତି ଯେଉଁଥିରୁ ଛୁଆ ଜନ୍ମ ହେବାର ଆଶଙ୍କା ନଥାଏ । ଏବଂ ଯେଉଁ ଅଣ୍ଡାରୁ ଛୁଆ ଜନ୍ମ ହୋଇପାରିବ ସେଇ ଅଣ୍ଡାଗୁଡିକୁ ବ୍ୟବସାୟୀ ମାନେ ଫାର୍ମରେ ରଖିଥାନ୍ତି । କାରଣ ସେହି ଅଣ୍ଡା ଗୁଡିକରୁ ଛୁଆ ଜନ୍ମ କରି କୁକୁଡାର ସଂଖ୍ୟା ବୃଦ୍ଧି କରିପାରିବେ । ଯଦି ଏଭଳି କଥାରେ ସତ୍ୟତା ରହିଥାଏ ତେବେ ବଜାରରେ ମିଳୁଥିବା ଅଣ୍ଡା ନିରାମିଷ ବୋଲି କୁହାଯାଇପାରିବ ।