କିଙ୍ଗ ଖାନଙ୍କୁ ଇଡିର ସମନ ! କୋଲକତା ନାଇଟ୍ ରାଇଡର୍ସ ମାଲିକ ଶାହାରୁଖଙ୍କ ବିରୋଧରେ ଫେମା ଆଇନ ଉଲଂଘନ ଅଭିଯୋଗ
ଶାହରୁଖ ଖାନଙ୍କୁ ସମନ ଜାରି କଲା ପ୍ରବର୍ତ୍ତନ ନିର୍ଦ୍ଦେଶାଳୟ । ଆଇପିଏଲର କୋଲକତା ନାଇଟ୍ ରାଇଡର୍ସ ଟିମ୍ ମାଲିକ ଶାହରୁଖ ଖାନଙ୍କୁ ଫରେନ ଏକ୍ସଚେଂଜ୍ ମ୍ୟାନେଜମେଂଟ୍ ଆକ୍ଟ ଉଲ୍ଲଙ୍ଘନ ବିରୋଧରେ ସମନ ଜାରି କରିଛି ଇଡି । ଜୁଲାଇ ୨୩ତାରିଖ ଦିନ ଇଡିରେ ହାଜର ହେବା ପାଇଁ ସମନ ଜାରି କରାଯାଇଛି । ନାଇଟ୍ ରାଇଡର୍ସ ସ୍ପୋର୍ଟସ ପ୍ରାଇଭେଟ ଲିମିଟେଡର ଗୌରୀ ଖାନ୍, ଜୁହି ଚାୱଲା ଓ ଶାହରୁଖ ଖାନ୍ ଫରେନ ଏକ୍ସଚେଂଜ୍ ମ୍ୟାନେଜମେଂଟ୍ ଆକ୍ଟ ଉଲ୍ଲଙ୍ଘନ କରିଥିବା ଇଡି ପାଖରେ ଅଭିଯୋଗ କରିଛି । ଫେମା ଆଇନ ବିରୋଧରେ ଯାଇ ଭାରତ ବାହାରେ ରହୁଥିବା ବ୍ୟକ୍ତିଙ୍କ ନିକଟକୁ ସେୟାର ଟ୍ରାନ୍ସଫର କରିଥିବା ଇଡି କହିଛି ।
Kanak News is now on WhatsApp
Join and get latest news updates delivered to you via WhatsApp
୨୦୧୫ରେ ମଧ୍ୟ ନାଇଟ ରାଇଡର୍ସ ସ୍ପୋର୍ଟସ ପ୍ରାଇଭେଟ ଲିମିଟେଡର ସେୟାର ବିକ୍ରୀ ପ୍ରସଙ୍ଗରେ ଶାହରୁଖଙ୍କୁ ପଚରାଉଚରା କରିଥିଲା ପ୍ରବର୍ତନ ନିର୍ଦ୍ଦେଶାଳୟ । ମିଳିଥିବା ସୂଚନା ଅନୁଯାୟୀ ୨୦୦୮ରେ କେକେଆର ମରିସସର ଏକ କମ୍ପାନୀକୁ ନିଜ ସେୟାର ବିକ୍ରୀ କରିଥିଲା । ଏହି ଡିଲରେ କେକେଆରର ସେୟାର ମୂଲ୍ୟ କମ୍ କରି ଦେଖାଯାଇଥିଲା । ଶାହରୁଖଙ୍କ ବିରୋଧରେ ଫରେନ ଏକ୍ସଚେଂଜ୍ ମ୍ୟାନେଜମେଂଟ୍ ଆକ୍ଟ ଉଲ୍ଲଙ୍ଘନ ବିରୋଧରେ ଯାଂଚ ଏଜେନ୍ସି ତଦନ୍ତ କରୁଛି ।