କନକ ବ୍ୟୁରୋ: ଓଡିଶା ଅଲମ୍ପିକ୍ ଆସୋସିଏସନର ପୂର୍ବତନ ସମ୍ପାଦକ ଆଶୀର୍ବାଦ ବେହେରାଙ୍କ ନାଁରେ ମାମଲା ରୁଜୁ କଲା ପ୍ରବର୍ତନ ନିର୍ଦେଶାଳୟ । ଜମି ଜାଲିଆତି ସହ ବେଆଇନ୍ ଆର୍ଥିକ କାରବାର ନେଇ ମାମଲା ରୁଜୁ ହୋଇଛି । ତାଙ୍କ ପୁଅ ଓ ଜ୍ୱାଇଁଙ୍କ ନାଁରେ ମଧ୍ୟ ମାମଲା ରୁଜୁ କରିଛି ଇଡି । ଏଥି ସହିତ ତଦନ୍ତ ପ୍ରକ୍ରିୟା ଆରମ୍ଭ କରିଛି ।
Kanak News is now on WhatsApp
Join and get latest news updates delivered to you via WhatsApp
ଏବେ ନଜର ପକାନ୍ତୁ ଅଲମ୍ପିକ୍ ଆସୋସିଏସନର ପୂର୍ବତନ ସମ୍ପାଦକ ଆଶୀର୍ବାଦ ବେହେରାଙ୍କ ବିରୋଧରେ କି କି ଅଭିଯୋଗ ରହିଛି ।
– ବାରବାଟୀ ଷ୍ଟାଡିଅମ୍ ପରିସରରେ ସରକାରୀ ଜମି ଜବର ଦଖଲ କରିଛନ୍ତି ଆଶୀର୍ବାଦ ବେହେରା ।
– ଏହା ମଧ୍ୟରେ ରହିଛି ବାରବାଟୀ ପ୍ୟାଲେସ ଏବଂ ୨୩ ଟି ଦୋକାନ ଘର । ଯାହାର ମାଲିକାନା ରହିଛି ଆଶୀର୍ବାଦଙ୍କ ହାତରେ ।
– ଜମି ଜବର ଦଖଲ କରି ଗଢି ଉଠିଥିବା ବାରବାଟୀ ପ୍ୟାଲେସରୁ ଲକ୍ଷ ଲକ୍ଷ ଟଙ୍କା ରୋଜଗାର କରିଛନ୍ତି ଆଶୀର୍ବାଦ ।
– ଆଶୀର୍ବାଦଙ୍କ ପୁଅ ଓ ଜ୍ୱାଇଁଙ୍କ ସଂସ୍ଥା ଇନକନ୍ ଆସୋସିଏଟ୍ସ ଏହି ଜମିକୁ ଲିଜ୍ ଆକାରରେ ନେଇ ବ୍ୟବସାୟ କରିଛନ୍ତି । ଏବଂ ଲକ୍ଷ ଲକ୍ଷ ଟଙ୍କା ଆୟ କରିଛନ୍ତି ।
ସୂଚନା ମୁତାବକ, ୧୯୯୧-୯୨ରେ ତତକାଳୀନ କଟକ ତହସିଲଦାର ଅବନୀକାନ୍ତ ପଟ୍ଟନାୟକ ବାରବାଟୀ ଜମି ଜାଲିଆତି କଥା ସାମ୍ନାକୁ ଆଣିଥିଲେ । ଏପରିକି ବେଆଇନ୍ ଭାବେ ଗଢିଉଠିଥିବା ବ୍ୟବସାୟ ପ୍ରତିଷ୍ଠାନକୁ ଉଚ୍ଛେଦ କରିବାକୁ ନିର୍ଦ୍ଦେଶ ମଧ୍ୟ ହୋଇଥିଲା । ଏହାପରେ ମାମଲାଟି ଉଭୟ ହାଇକୋର୍ଟ ଏବଂ ପରେ ସୁପ୍ରିମକୋର୍ଟରେ ପହଂଚିଥିଲା ।