ବିଜେପୁର ଉପ-ନିର୍ବାଚନର ୧୫ ଦିନ ପୂର୍ବରୁ ବଦଳିଲେ ବରଗଡ଼ ଜିଲ୍ଲାପାଳ ଏବଂ ଏସପି ! ଯାମିନୀ ଷଡଙ୍ଗୀ ଓ ଜୟ ନାରାୟଣ ପଙ୍କଜଙ୍କୁ ମିଳିଲା ନୂଆ ଦାୟିତ୍ୱ
କନକ ବ୍ୟୁରୋ : ଉପନିର୍ବାଚନ ପୂର୍ବରୁ ବଡ ଧରଣର ପରିବର୍ତନ । ବଦଳିଲେ ବରଗଡ ଏସପି ଓ କଲେକ୍ଟର । ଯାମିନୀ ଷଡଙ୍ଗୀ ବରଗଡ଼ର ନୂଆ ଜିଲ୍ଲାପାଳ ହୋଇଥିବା ବେଳେ ଜୟ ନାରାୟଣ ପଙ୍କଜ ନୂଆ ଏସପି ଭାବରେ ନିଯୁକ୍ତି ମିଳିଛି । ଯାମିନୀଙ୍କୁ ଖଗେନ୍ଦ୍ର କୁମାର ପାଢୀଙ୍କ ସ୍ଥାନରେ ନିଯୁକ୍ତି ଦିଆଯାଇଥିବା ବେଳେ ଜୟ ନାରାୟଣଙ୍କୁ ଜୁଗଳ କିଶୋରଙ୍କ ସ୍ଥାନ ନେବେ ।
Kanak News is now on WhatsApp
Join and get latest news updates delivered to you via WhatsApp
କିଛି ଦିନ ତଳେ ରାଜ୍ୟ ବିଜେପିର ଏକ ପ୍ରତିନିଧି ଦଳ ମୁଖ୍ୟ ନିର୍ବାଚନ କମିଶନଙ୍କୁ ଭେଟି ନିର୍ବାଚନ ପରିଚାଳନାରେ ହେଉଥିବା ପକ୍ଷପାତିତା ବାବଦରେ ଅଭିଯୋଗ କରିଥିଲେ । ଯେଉଁଥିରେ ବିଜେପି କର୍ମୀଙ୍କୁ ହୋଇଥିବା ଗୁଳିମାଡ ମଧ୍ୟ ଉଲ୍ଲେଖ ଥିଲା । ସେହିଭଳି ମୋଦିଙ୍କ ମନ୍ କି ବାତ୍ ସମୟରେ ହୋଇଥିବା ଅପ୍ରିତୀକର ସ୍ଥିତି ବାବଦରେ ମଧ୍ୟ ବିଜେପି ଫେରାଦ୍ ହୋଇଥିଲା । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ନେତୃତ୍ୱରେ ଏକ ଉଚ୍ଚସ୍ତରୀୟ ପ୍ରତିନିଧି ଦଳ ଏସପି ଓ ଜିଲ୍ଲାପାଳଙ୍କ ବାବଦରେ ଫେରାଦ୍ ହୋଇଥିଲେ ।
ଏହାପରେ ତିନି ଜଣ ଦକ୍ଷ ଆଇଏଏସଙ୍କ ନାଁ ସୁପାରିଶ କରିବାକୁ ମୁଖ୍ୟ ନିର୍ବାଚନ ଅଧିକାରୀ, ରାଜ୍ୟ ସରକାରଙ୍କୁ ଚିଠି ଲେଖିଥିଲେ । ତେବେ ରାଜ୍ୟ ସରକାର ନାଁ ସୁପାରିଶ କରିବା ପରେ ଏବେ ଉଭୟ ଏସପି ଓ ଜିଲ୍ଲାପାଳଙ୍କୁ ବଦଳି କରି ଯାମିନୀ ଓ ଜୟଶଙ୍କରଙ୍କୁ ଦାୟିତ୍ୱ ଦିଆଯାଇଛି । ତେବେ ନିର୍ବାଚନକୁ ମାତ୍ର ୧୫ଦିନ ବାକି ଥିବା ବେଳେ ଏଭଳି ପରିବର୍ତ୍ତନ ଏବେ ଚର୍ଚ୍ଚାର ବିଷୟ ପାଲଟିଛି ।