ମହଙ୍ଗା ପଡିଲା ଯୋଗୀଙ୍କ ‘ମୋଦି ସେନା’ ଉପାଖ୍ୟାନ । ଆସନ୍ତାକାଲି ଅପରାହ୍ନ ସୁଦ୍ଧା ନିର୍ବାଚନ ଆୟୋଗଙ୍କ ପାଖରେ ଜବାବ ଦାଖଲ କରିବା ପାଇଁ ଦିଆଗଲା ନିର୍ଦ୍ଦେଶ
ନିର୍ବାଚନ ଯେତିକି ଯେତିକି ପାଖେଇ ଆସୁଛି ସାରା ଦେଶରେ ରାଜନୈତିକ ଚର୍ଚ୍ଚା ମଧ୍ୟ ବଢିବାରେ ଲାଗିଛି
କନକ ବ୍ୟୁରୋ : ନିର୍ବାଚନ ଯେତିକି ଯେତିକି ପାଖେଇ ଆସୁଛି ସାରା ଦେଶରେ ରାଜନୈତିକ ଚର୍ଚ୍ଚା ମଧ୍ୟ ବଢିବାରେ ଲାଗିଛି । ଭୋଟ ପାଖେଇ ଆସୁଥିବା ସମୟରେ ନେତା ମାନଙ୍କ ବୟାନକୁ ନେଇ ମଧ୍ୟ ଏବେ ଜୋରସୋରରେ ଚାଲିଛି । ତେବେ ମିଳିଥିବା ସୂଚନା ଅନୁସାରେ, ୟୁପିର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏକ ରାଲିରେ ଆଦିତ୍ୟ ଯବାନଙ୍କୁ ମୋଦିଙ୍କ ସେନା ବୋଲି କହିଥିଲେ । ତେବେ ଏହାକୁ ନେଇ ବିରୋଧୀ ସମାଲୋଚନା କରିବା ସହ ଜଣେ ମୁଖ୍ୟମନ୍ତ୍ରୀ ଏପରି କହିବା ଦୁର୍ଭାଗ୍ୟଜନକ ବୋଲି କହିଥିଲେ । କେବଳ ଏତିକି ନୁହେଁ ବରଂ ଯୋଗୀଙ୍କ ନାଁରେ ନିର୍ବାଚନ ଆୟୋଗଙ୍କ ନିକଟରେ ଅଭିଯୋଗ ହୋଇଥିବା ମଧ୍ୟ ଜଣାପଡିଛି । ଏହାପରେ ତାଙ୍କ ନିକଟକୁ ନୋଟିସ ମଧ୍ୟ ପଠାଯାଇଛି । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ, ଏପ୍ରିଲ ୫ ଅପରାହ୍ନ ସୁଦ୍ଧା ଏହାର ଜବାବ ଦେବା ପାଇଁ ନିର୍ଦ୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଯୋଗୀ ନିର୍ବାଚନ ରାଲିରେ କଂଗ୍ରେସକୁ ସମାଲୋଚନା କରିବା ପାଇଁ ଯାଇ କହିଥିଲେ ଯେ, କଂଗ୍ରେସ ନେତା ଆତଙ୍କବାଦୀଙ୍କୁ ବିରିୟାନି ଖୁଆଉଥିବା ସମୟରେ ମୋଦି ସେନା ବନ ଖୁଆଉଛନ୍ତି ବୋଲି । କେବଳ ଏତିକି ନୁହେଁ ସେ ଆହୁରି ମଧ୍ୟ କହିଥିଲେ ଯେ, ମାସୁଦ ଭଳି ଆତଙ୍କବାଦୀଙ୍କୁ କଂଗ୍ରେସ ନେତା ଜୀ ଶଦ୍ଦ ବ୍ୟବହାର କରୁଛି । ତେଣୁ ସାରା ଦେଶର ଲୋକମାନେ ଜାଣିଛନ୍ତି କଂଗ୍ରେସ କିପରି ଭାବରେ କାମ କରୁଛି । ତେବେ ଏପରି ବୟାନ ପରେ ଯୋଗୀଙ୍କ ଅଡୁଆ ବଢିଛି । ନିର୍ବାଚନ କମିଶନ ତାଙ୍କୁ ନୋଟିସ ପଠାଇବା ସହ ତାହାର ଉତ୍ତର ଦାଖଲ କରିବା ପାଇଁ ନିର୍ଦ୍ଦେଶ ଦେଇଛନ୍ତି ।