ଜଳିଲା ପାପର ‘ରାବଣ’ ! ବିଜୟା ଦଶମୀରେ ଅଧର୍ମ ଉପରେ ଧର୍ମର ଜୟ
କନକ ବ୍ୟୁରୋ : ସତ୍ୟ ସ୍ଥାପନାର ପର୍ବ ତଥା ଅଧର୍ମ ଉପରେ ଧର୍ମର ଜୟର ପ୍ରତୀକ ଭାବେ ପରିଚିତ, ରାବଣ ପୋଡ଼ି ଉତ୍ସବ ବର୍ତମାନ ସାରା ଦେଶରେ ଅନୁଷ୍ଠିତ ହେଉଛି । ଦିଲ୍ଲୀର ସୁବାଷ ପାର୍କରେ ଅନୁଷ୍ଠିତ ରାବଣ ପୋଡି ଉତ୍ସବରେ ରାଷ୍ଟ୍ରପତି ରାମନାଥ ଗୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ପ୍ରମୁଖ ଉପସ୍ଥିତ ଥିଲେ । ପ୍ରଧାନମନ୍ତ୍ରୀ ମୋଦି ଧନୁତୀର ଧରି ପ୍ରତୀକାତ୍ମକ ଭାବରେ ରାବଣ ବଧ କରିଥିଲେ । ଏହି ଅବସରରେ ମୋଦି କହିଥିଲେ, ସାମାଜିର ଶିକ୍ଷାର ଦିଏ ରାମଣ ପୋଡ଼ି ଉତ୍ସବ ।ସେହିପରି ଦେଶବାସୀଙ୍କୁ ଅଭିନନ୍ଦନ ଜଣାଇବା ସହ ରାବଣ ପୋଡିକୁ ଧର୍ମ ଏବଂ ନୈତିକତାର ବିଜୟ ବୋଲି କହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ରାମଲୀଳା ମୈଦାନରେ ଲବକୁଶ କମିଟି ପକ୍ଷରୁ ଆୟୋଜିତ ରାବଣ ପୋଡ଼ଇ ଉତ୍ସବରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଏବଂ ବଲିଉଡ ଅଭିନେତା ଜନ୍ ଆବ୍ରାହମ୍ ପ୍ରମୁଖ ଯୋଗ ଦେଇଥିଲେ । ଏଠାରେ ଚାଲିଥିବା ରାମଲୀଳା ଉତ୍ସବକୁ ଅମିତ ଶାହା ସମ୍ବୋଧନ କରିବା ସହ ପ୍ରତୀକାତ୍ମକ ଭାବରେ ରାବଣ ପୋଡ଼ି କହିଥିଲେ । ପ୍ରତିବର୍ଷ ଦିଲ୍ଲୀର ରାମଲୀଳା ମୈଦାନରେ ଏହି ରାବଣ ପୋଡ଼ି ଉତ୍ସବ ଅନୁଷ୍ଠିତ ହୋଇ ଆସୁଛି । ଏଠାରେ ଦଶହରା ସମୟରେ ୯ ଦିନ ଧରି ରାମଲୀଳାର ଆୟୋଜନ ହୋଇଥାଏ । ଅନ୍ତିମ ତଥା ବିଜୟଦଶମୀ ଦିନ ରାବଣ ପୋଡ଼ି ସହ ସରିଥାଏ ଦଶହରା ପର୍ବ ।
ସେହିପରି ଦିଲ୍ଲୀର ନବଶ୍ରୀ ରାମଲୀଳା କମିଟି ପକ୍ଷରୁ ଆୟୋଜିତ ହୋଇଥିବା ରାବଣ ପୋଡ଼ି ଉତ୍ସବରେ କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧୀ ଏବଂ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ପ୍ରମୁଖ ଯୋଗ ଦେଇଛନ୍ତି । ସୁବାଷ ପାର୍କରେ ଅନୁଷ୍ଠିତ ହୋଇଥିବା ରାବଣ ପୋଡ଼ି ଉତ୍ସବରେ ଯୋଗ ଦେବା ପରେ ଏଠାରେ ସାମିଲ ହୋଇଛନ୍ତି ମନମୋହନ ସିଂହ ।