ଭୁବନେଶ୍ୱର ବ୍ୟୁରୋ , କନକ ନ୍ୟୁଜ : ଅସଲି ପୁଲିସ୍ ହାତରେ ନକଲି ପୁଲିସ୍ । ରାଜଧାନୀରେ ନାଲିବତୀ ଗାଡି ଚଢି ସାଇରନ୍ ମାରି ବୁଲୁଥିବା ଜଣେ ଅପରାଧୀକୁ ପୁଲିସ ଗିରଫ କରିଛି । ଗିରଫ ଅଭିଯୁକ୍ତ ଜଣକ ହେଉଛି ପ୍ରିୟ ରଂଜନ ବରାଳ । ପ୍ରିୟର ଘର ବ୍ରହ୍ମପୁର ବୋଲି ଜଣା ପଡିଥିବା ବେଳେ, ଭୁବନେଶ୍ୱରରେ ମଧ୍ୟ ତାର ଘର ରହିଛି । ହେଲେ ଅଭିଯୁକ୍ତ ପ୍ରିୟର ପ୍ରକୃତ ଠିକଣା ପାଇ ପାରିନି ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ଖଣ୍ଡଗିରି ଥାନା ପୁଲିସର ପେଟ୍ରୋଲିଂ ସମୟରେ ଏହି ଅପରାଧୀକୁ ଗିରଫ କରାଯାଇଥିବା ବେଳେ, ନିଜକୁ ସେଂଟ୍ରାଲ ଇଂଟେଲିଜେନ୍ସ ଏସପି କହି ୪ ଜଣ ଯୁବକଙ୍କୁ ରାଜଧାନୀରେ ବୁଲାଉଥିଲା । ଏହି ନକଲି ଅଫିସର ପାଖରୁ ଗୋଟିଏ ଏୟାର ଗନ୍, ଟାଟା ସୁମୋ, ନାଲି ବତୀ, ନକଲି ନମ୍ବର ପ୍ଲେଟ୍, ହାତକଡି, ଭି.ଏଚ୍ ଏଫ୍, ଓାକିଟକି ଜବତ କରାଯାଇଛି । ବରଗଡ ଅଂଚଳରୁ ୪ ଜଣ ଯୁବକଙ୍କୁ ଚାକିରୀ କରାଇ ଦେବା ନାଁରେ ଭୁବନେଶ୍ୱର ଆଣିଥିଲା ବୋଲି ଯୁବକ ମାନେ କହିଛନ୍ତି ।