ଜାଲ ନୋଟ ଆଣି ଫସିଲେ ମହିଳା! ପୋଲିସ ଜବତ କଲା ୭ ଖଣ୍ଡ ନକଲି ୨ ହଜାର ଟଙ୍କିଆ ନୋଟ
କନକ ବ୍ୟୁରୋ : ଯାଜପୁରରେ କାୟା ମେଲାଇଛି ଜାଲ ନୋଟ୍ କାରବାର । ପୋଲିସ ହାତରେ ଧରାପଡିଛନ୍ତି ଏହି କାରବାରର ମୁଖ୍ୟ ସାଜିଥିବା ମହିଳା କାର୍ପଟଦାର । ମହିଳାଙ୍କ ବ୍ୟାଗରୁ ୧୪ହଜାର ଟଙ୍କାର ଜାଲ୍ ନୋଟ୍ ଜବତ ହେବା ପରେ ଏହି ଘଟଣା ସ୍ପଷ୍ଟ ହୋଇଛି । ଯାଜପୁର ଟାଉନ ଥାନା ପୋଲିସ୍ ଜାଲ ନୋଟ କାରବାର କରୁଥିବା ମହିଳାଙ୍କୁ ଅଟକ ରଖି ଅଧିକ ପଚରାଉଚରା କରୁଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ ବିଞ୍ଝାରପୁର ଥାନା ବରପଦା ଗାଁର ଲୁସି ପରିଡା ଅଠରନଳାର ଏକ ଦୋକାନରୁ ଜିିନିଷ କିଣିବା ପରେ ସେ ୨ ହଜାର ଟଙ୍କା ଦେଇଥିଲେ । ତେବେ ନୋଟକୁ ନେଇ ଦୋକାନୀର ସନ୍ଦେହ ହେବାରୁ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଂଚି ମହିଳାଙ୍କୁ ପଚରାଉଚୁରା କରିବା ସହିତ ତାଙ୍କ ବ୍ୟାଗକୁ ତନଖି କରିଥିଲେ । ସେଥିରୁ ୭ଖଣ୍ଡ ୨ ହଜାର ଟଙ୍କିଆ ନକଲି ନୋଟ୍ ଜବତ କରାଯାଇଥିଲା । ପରେ ମହିଳାଙ୍କୁ ଧରି ତାଙ୍କ ଘର ଉପରେ ପୋଲିସ ଚଢ଼ାଉ କରିଛି । ଏ ନେଇ ଅଧିକ ତଦନ୍ତ ଜାରି ରହିଥିବାରୁ ପୋଲିସ ଅଧିକ ସୂଚନା ଦେବାକୁ ମନାକରିଛି ।