ଏମିତି କଣ ଥିଲା ଏହି ପୁସ୍ତକରେ ! ଯାହାକୁ ପଢିବା ମାତ୍ରେ କୋମାକୁ ଚାଲିଗଲେ ଏହି ବ୍ୟକ୍ତି ।
ଏମିତି ଅନେକ ଲୋକ ଅଛନ୍ତି, ଯେଉଁମାନେ ବହି ପଢିବାକୁ ଭଲ ପାଇଥାନ୍ତି । ଏହା ସହ ବିଭିନ୍ନ ପ୍ରକାର ବହି କଲେକସନ କରିଥାନ୍ତି ଏବଂ ତାକୁ ଘର ଆଲମାରି କିମ୍ବା ସିନ୍ଦୁକରେ ସାଇତି ରଖିଥାନ୍ତି । କିନ୍ତୁ ଏହା ମଧ୍ୟରେ ଅନେକ ବହି ପଢି ହୋଇନଥାଏ ଏବଂ ବର୍ଷ ବର୍ଷ ଧରି ସେମିତି ପଡି ରହିଥାଏ । ଠିକ ଏହିପରି ଏକ ପୁସ୍ତକକୁ ପଢି ଜଣେ ବ୍ୟକ୍ତି କୋମାକୁ ଚାଲିଯାଇଥିଲେ । ଏହି ବହିକୁ ପଢିବା ପରେ ବ୍ୟକ୍ତି ଜଣଙ୍କ ମୃତ୍ୟୁ ମୁଖକୁ ଚାଲିଯାଇଥିଲେ ଏବଂ ବହୁ କଷ୍ଟରେ ତାଙ୍କ ଜୀବନ ବଞ୍ଚିପାରିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ତାହା କେଉଁ ବହି ଥିଲା ଏବଂ କଣ ଏମିତି ସେଥିରେ ଥିଲା ତାକୁ ନେଇ ସୃଷ୍ଟି ହୋଇଥିଲା ଅନେକ ପ୍ରଶ୍ନ । ତେବେ ଏଠାରେ ଯେଉଁ ବ୍ୟକ୍ତିଙ୍କ ବିଷୟରେ କୁହାଯାଉଛି ସେ ଆଉ କେହି ନୁହନ୍ତି ସେ ହେଉଛନ୍ତି ଇଂଲଣ୍ଡର ଜଣେ ନାମୀ ଲେଖକ ମାର୍ଟିନ ଗ୍ରୀନବୁଡ । ଯିଏକି ପୁରୁଣା ବହି ପଢିବା ଚକ୍କରରେ କୋମାକୁ ଚାଲିଯାଇଥିଲେ । ତେବେ ସେ ଯେଉଁ ବହିଟି ପଢୁଥିଲେ ତାହା ତାଙ୍କ ଦାଦା ପର୍ସି ମ୍ୟାକମେନଙ୍କର ବହି ଥିଲା ।
ପର୍ସି ମ୍ୟାକମେନ ଥିଲେ ଜଣେ ଜଣାଶୁଣା ଆର୍ଟିଷ୍ଟ ଏବଂ ଏଣ୍ଟରଟ୍ରେନର ଥିଲେ । ମାର୍ଟିନ ତାଙ୍କ ନାତି ଥିଲେ ଏବଂ ସେ ତାଙ୍କ ଦାଦାଙ୍କ ଉପରେ ବାୟୋଗ୍ରାଫି ଲେଖୁଥିଲେ । ତାଙ୍କର ଏହି ରିସର୍ଚ୍ଚ ସମୟରେ ସେ ପୁରୁଣା ଡକ୍ୟୁମେଣ୍ଟସ ଏବଂ ପୁସ୍ତକକୁ ସମ୍ଭାଳି ରଖିଥିଲେ । ସେଥି ମଧ୍ୟରୁ ଏକ ପୁସ୍ତକକୁ ପଢିବା ସମୟରେ ଏପରି ଘଟଣା ଘଟିଥିଲା । ତେବେ ବାସ୍ତବରେ ଏହା ଗତ ୧୦୦ ବର୍ଷରୁ ବନ୍ଦ ହୋଇ ପଡିଥିଲା । ଯାହା ଦ୍ୱାରା ଏଥିରେ ବୀଜାଣୁ ସୃଷ୍ଟି ହୋଇଯାଇଥିଲେ । ମାର୍ଟିନ ପୁସ୍ତକ ଖୋଲିବା ସମୟରେ ଏହା ତାଙ୍କ ନାକ ଦେଇ ଫୁସଫୁସ ପର୍ଯ୍ୟନ୍ତ ଚାଲିଯାଇଥିଲା । ଆଉ ଏଥିପାଇଁ ସେ କୋମାକୁ ଯିବା ସହ ମୃତ୍ୟୁମୁଖକୁ ଚାଲିଯାଇଥିଲେ । ତାଙ୍କୁ ନିଶ୍ୱାସ ନେବାରେ କଷ୍ଟ ହେଉଥିଲା ଏବଂ ତାଙ୍କୁ ଅସ୍ତମା ଆଟାକ ଆସିଥିଲା । ଦୀର୍ଘ ୧୧ ଦିନ ଧରି ସେ ଆଇସିୟୁରେ ଥିଲେ ।
ମାର୍ଟିନଙ୍କ ସହ ଘଟିଥିବା ଏହି ଘଟଣାରୁ ଅନେକ କଥା ଶିଖିବାକୁ ମିଳିଛି । କେତେକ ଲୋକ ପୁସ୍ତକ କିମ୍ବା ଫୋଟକୁ ଆଲମାରିରେ କିମ୍ବା କୌଣସି ପେଟିରେ ରଖି ଭୁଲିଯାଇଥାନ୍ତି । ଏମିତି ବନ୍ଦ ହୋଇ ରହିବା ଦ୍ୱାରା ସେଥିରେ ବୀଜାଣୁ ହୋଇଯାଇଥାନ୍ତି । ଏବଂ ସେମାନଙ୍କ ସମ୍ପର୍କରେ ଆସିବା କେତେ ବିପଦଜନକ ହୋଇଥାଏ ତାହା ମାର୍ଟିନଙ୍କ ସହ ହୋଇଥିବା ଘଟଣାରୁ ଜଣାପଡୁଛି ।