ପ୍ରେମରେ ପ୍ରତାରଣା ପାଇବା ପରେ ଯୁବତୀଙ୍କ ନିଆରା ପ୍ରତିବାଦ ! ପ୍ରେମିକ ଘର ଆଗରେ ଡିଜେ ବଜାଇ ଧୂମ ନାଚିଲେ ପ୍ରେମିକା, ସୋସିଆଲ ମିଡିଆରେ ଭିଡିଓ ଭାଇରାଲ
ବାହାଘର ହେଉ କିମ୍ବା ପାର୍ଟି ଡିଜେର ତାଳେ ତାଳେ ନାଚ କରୁଥିବା ଅଧି୍କାଂଶ ଲୋକ ଦେଖିବାକୁ ମିଳନ୍ତି । ଯାହା ଆଧୁନିକ ଯୁଗରେ ଉପଭୋଗ କରିବାର ଏକ ନିଆରା ପ୍ରୟାସ । ବିଶେଷ କରି ଝିଅଙ୍କ ଅପେକ୍ଷା ପୁଅମାନେ ଏହି ରୀତି ସହିତ ଅଧିକ ଜଡ଼ିତ । କିନ୍ତୁ ଏବେ ଏଭଳି ଏକ ଭିଡିଓ ଭାଇରାଲ ହେଉଛି ଯାହା ଦେଖିଲେ ଆପଣ ଆଶ୍ଚର୍ଯ୍ୟ ହେବେ ।
Kanak News is now on WhatsApp
Join and get latest news updates delivered to you via WhatsApp
ଜଣେ ଯୁବତୀ ନିଶାଗ୍ରସ୍ତ ହୋଇ ତାଙ୍କ ବଏଫ୍ରେଣ୍ଡଙ୍କ ଘର ସମ୍ମୁଖରେ ନାଚ କରୁଥିବା ଭିଡିଓଟି ଖୁବ ମାତ୍ରାରେ ଭାଇରାଲ ହେଉଛି । ନିଶାଶକ୍ତ ଅବସ୍ଥାରେ ତାଙ୍କର ସର୍ବମୋଟ ୪ଟି ଭିଡିଓ ଭାଇରାଲ ହୋଇଛି । ଭିଡିଓରେ ସେ ‘ରାଜା ହିନ୍ଦୁସ୍ତାନୀ’ ଫିଲ୍ମର ‘ତେରେ ଇସ୍କ ମେଁ ନାଚେଙ୍ଗେ’ ଗୀତରେ ନୃତ୍ୟ କରୁଥିବାର ଦେଖିବାକୁ ମିଳିଛି । ଏକ ମିଡିଆ ରିପୋର୍ଟ ଅନୁସାରେ ସନ୍ଦୀପ ସେହୱାଗ ନାମକ ଜଣେ ଯୁବକ ଏହି ଭିଡିଓକୁ ସୋସିଆଲ ମିଡିଆରେ ସେୟାର କରିଛନ୍ତି ।
ଗୁରୁଗ୍ରାମର ପତୋଡ଼ି ଅଂଚଳର ହେଲମଣ୍ଡିରେ ରହୁଥିବା ଜଣେ ଯୁବତୀ ପ୍ରେମରେ ପ୍ରତାରଣା ପାଇବା ପରେ ଏଭଳି ପ୍ରୟାସ କରିଛନ୍ତି ବୋଲି ସୂଚନା ମିଳିଛି । ସେ ଏଥିପାଇଁ ଡିଜେ ସେଟ୍ ଭଡ଼ାରେ ଆଣି ବଏଫ୍ରେଣ୍ଡଙ୍କ ଘର ସାମ୍ନାରେ ନାଚୁଥିବା ଘଟଣା ସାମ୍ନାକୁ ଆସିଛି । ତେବେ ଭିଡିଓଟି ସୋସିଆଲ ମିଡିଆରେ ଆସିବା ମାତ୍ରେ ୪ ହଜାରରୁ ଅଧିକ ଲୋକ ଏହାକୁ ସେୟାର କରିଥିଲେ ।