ଭକ୍ତମାନଙ୍କ ପାଇଁ ମନ୍ଦିରରେ ଲାଗୁହେଲା ଡ୍ରେସକୋଡ୍ ! ଆଧୁନିକ ପୋଷାକ ପିନ୍ଧିଲେ ରହିବେ ମନ୍ଦିର ବାହାରେ ।
ଆରଆର୍ ନଗରସ୍ଥିତ ଶ୍ରୀ ରାଜରାଜେଶ୍ୱରୀ ମନ୍ଦିର ଭକ୍ତମାନଙ୍କ ପାଇଁ ଲାଗୁ କରିଛି ଡ୍ରେସକୋଡ୍ — ଜିନସ୍, ସର୍ଟସ୍ ଏବଂ ସ୍ଲିଭଲେସ୍ ପିନ୍ଧା ବ୍ୟକ୍ତିଙ୍କୁ ଆର୍ ଆର୍ ନଗର ମନ୍ଦିର ମନା। ମନ୍ଦିର କର୍ତ୍ତୃପକ୍ଷ ପୁରୁଷମାନଙ୍କୁ ପାଇଁ ଧୋତି କିମ୍ବା ପ୍ୟାଣ୍ଟ୍ ପିନ୍ଧିବାକୁ ପରାମର୍ଶ ଦେଇଥିବା ବେଳେ ମହିଳାମାନଙ୍କୁ ଶାଢ଼ି କିମ୍ବା ଓଢ଼ଣି ସହ ଚୁଡ଼ିଦାର ପିନ୍ଧିବାକୁ ପରାମର୍ଶ ଦେଇଛନ୍ତି। ମନ୍ଦିର ପ୍ରବେଶ ପଥରେ ଡ୍ରେସ୍ କୋଡ୍ ପାଇଁ ଏକ ବିଜ୍ଞପ୍ତି ବୋର୍ଡ ଲାଗିଛି। ସେଥିରେ ଲେଖା ଅଛି: ବରମୁଡ଼ା, ସାର୍ଟ, ମିନି-ସ୍କର୍ଟ, ମିଡ୍ଡି, ସ୍ଲିଭଲେସ୍ ଟପ୍, ଅଣ୍ଟାଖସା ଜିନ୍ସ୍ ଏବଂ ଲମ୍ବଛୋଟ ଟି-ସାର୍ଟ ପିନ୍ଧିଥିବା ଦର୍ଶକଙ୍କୁ ମନ୍ଦିର ପ୍ରବେଶ ନିଷେଧ। ଦର୍ଶନ ପାଇଁ ଆସିଥିବା ଲୋକେ ବେଢ଼ାକୁ ପ୍ରବେଶ କରିବା ସମୟରେ ପାରମ୍ପରିକ ବସ୍ତ୍ର ପରିଧାନ କରିଥିବା ଆବଶ୍ୟକ।
Kanak News is now on WhatsApp
Join and get latest news updates delivered to you via WhatsApp
ମନ୍ଦିର କର୍ମଚାରୀମାନେ କୁହନ୍ତି ଦୁଇ ମାସ ତଳେ ଲାଗିଥିବା ବିଜ୍ଞପ୍ତିରେ କୁହାଯାଇଛି ଯେ ପୁରୁଷମାନେ ଧୋତି କିମ୍ବା ପ୍ୟାଣ୍ଟ୍ ଓ ସାର୍ଟ ପିନ୍ଧିବା ସହ ଅଣ୍ଟାରେ ଗାମୁଛା ବାନ୍ଧିଥିବେ। ପ୍ରାପ୍ତବୟସ୍କା ନାରୀ ଓ ତରୁଣୀମାନେ ଶାଢ଼ି କିମ୍ବା ଚୁଡ଼ିଦାର ପିନ୍ଧିବା ବାଧ୍ୟତାମୂଳକ। ୧୮ ବର୍ଷରୁ କମ୍ ଝିଅମାନେ ପାଦଯାଏଁ ପଡୁଥିବା ଗାଉନ୍ ପିନ୍ଧିବା ଉଚିତ।
କେବଳ ସେତିକି ନୁହେଁ। ମହିଳାମାନେ ବାଳ ମୁକୁଳା କରି ଆସିବା ମନା। ସେମାନେ କ୍ଲିପ୍ ବା ରବର ବ୍ୟାଣ୍ଡରେ କେଶ ବାନ୍ଧିବା ଆବଶ୍ୟକ। କେତେକ ଏହାକୁ ସମର୍ଥନ କରୁଥିବା ବେଳେ ଅନ୍ୟ କେତେକ ଏହାକୁ ବିରୋଧ କରୁଛନ୍ତି। ଏ ପର୍ୟ୍ୟନ୍ତ ମନ୍ଦିର ପରିସରରେ ଏଥିପାଇଁ କୌଣସି ବିବାଦ ଉପୁଜି ନାହିଁ।