‘ତାରକ ମେହତା କା ଉଲଟା ଚଷମା’ ର ଲୋକପ୍ରିୟ ଚରିତ୍ର ଡକ୍ଟର ହାଥୀଙ୍କ ପରଲୋକ : ପ୍ରଶଂସକଙ୍କୁ ଲାଗିଲା ଝଟକା
‘ତାରକ ମେହତା କା ଉଲଟା ଚଷମା’ ର ସୁପରହିଟ ଚରିତ୍ର ଡାକ୍ତର ହଂସରାଜ ହାଥି ଅର୍ଥାତ କବି କୁମାର ଆଜାଦ ଆଉ ଏ ଦୁନିଆରେ ନାହାଁନ୍ତି । କମେଡି ଶୋ’ ‘ତାରକ ମେହତା କା ଉଲଟା ଚଷମା’ ଚଷମାର ଏହି ଅଭିନେତା ଗୋକୁଲଧାମ ସୋସାଇଟିର ଜଣେ ସଦସ୍ୟ । ଯାହାଙ୍କୁ ସମସ୍ତେ ଭଲ ପାଉଥିଲେ । ତାଙ୍କୁ ଦର୍ଶକଙ୍କ ସହିତ ପୂରା ସୋସାଇଟି ଭଲ ପାଉଥିଲେ । ସେ ଡାକ୍ତର ହାଥି ଚରିତ୍ରରେ ନଜର ଆସୁଥିଲେ ଓ ସେ ସବୁବେଳେ ଖାଇବାକୁ ପସନ୍ଦ କରୁଥିଲେ । ଏହା ସହିତ ସେ ଶୋ’ରେ ଓଭରୱେଟ ଡାକ୍ତର ଥିଲେ । ତେବେ ହାର୍ଟ ଆଟାକରୁ ତାଙ୍କର ମୃତ୍ୟୁ ହୋଇଛି ଏବଂ ସେହି ସମୟରେ ସେ ଘରେ ଥିଲେ ବୋଲି ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଖବର ଅନୁସାରେ, ଆଜି ସକାଳ ସମୟରେ କବି କୁମାର ପ୍ରଡ୍ୟୁସରଙ୍କୁ ଫୋନ କରି କହିଥିଲେ ଯେ ତାଙ୍କ ଶରୀର ଅସୁସ୍ଥ ଅଛି ଏବଂ ସେ ସେଟ୍ କୁ ଯାଇପାରିବେ ନାହିଁ । କିନ୍ତୁ ମାତ୍ର କିଛି ସମୟ ପରେ ଖବର ଆସିଲା ଯେ ସେ ଆଉ ନାହାଁନ୍ତି । ଶୋ’ରେ ଜଡ଼ିତ କିଛି ବ୍ୟକ୍ତିଙ୍କ କହିବା ଅନୁସାରେ ଶରୀର ଅସୁସ୍ଥ ଥିବା ସତ୍ୱେ ସେ ସୁଟିଂ ପାଇଁ ଆସୁଥିଲେ, କାରଣ ସେ ଶୋ’କୁ ଖୁବ ଭଲ ପାଉଥିଲେ । ଏହି ଶୋ’ ତାହାର ୧୦ ବର୍ଷ ପୂରଣ କରିବାକୁ ଯାଉଛି ତେଣୁ ଏହାକୁ ନେଇ ଆଜି ଏକ ମିଟିଂ ମଧ୍ୟ ଥିଲା । କିନ୍ତୁ ତାହା ପୂର୍ବରୁ ସମସ୍ତଙ୍କ ପାଇଁ ଏହି ଖରାପ ଖବର ଆସିଲା ।
କବି କୁମାର ବଲିଉଡରେ ମଧ୍ୟ ନଜର ଆସିଥିଲେ । ସେ ୨୦୦୦ରେ ରିଲିଜ ହୋଇଥିବା ଫିଲ୍ମ ମେଲାରେ ଅମୀର ଖାନଙ୍କ ସହିତ ନଜର ଆସିଥିଲେ । ନିଶ୍ଚିତ ଭାବରେ ତାଙ୍କ ନାମରୁ ଜଣାପଡ଼ୁଛି ଯେ କବି ବାସ୍ତବ ଜୀବନରେ ଜଣେ କବି ଥିଲେ । ଅଭିନୟରେ ପ୍ରବେଶ ପୂର୍ବରୁ ସେ କବିତା ଲେଖୁଥିଲେ । କେବଳ ସେତିକି ନୁହେଁ ଦର୍ଶକଙ୍କ ମଧ୍ୟରେ ଛୋଟ ପିଲାଙ୍କର ସେ ଖୁବ ପ୍ରିୟ ଥିଲେ ।