ସମ୍ବଲପୁରରେ ଡବଲ ମର୍ଡର : ବୃଦ୍ଧକୁ ହତ୍ୟା କଲା ଯୁବକ ଏବଂ ହତ୍ୟାକାରୀକୁ ମାରିଦେଲେ ଉତ୍ୟକ୍ତ ଲୋକେ
କନକ ବ୍ୟୁରୋ : ସମ୍ବଲପୁରରେ ଡବଲ ମର୍ଡର । ବୃଦ୍ଧକୁ ହତ୍ୟା କଲା ଯୁବକ । ହତ୍ୟାକାରୀକୁ ମାରିଦେଲେ ଉତ୍ୟକ୍ତ ଲୋକେ । ସମ୍ବଲପୁର ସଦର ଥାନା ଗେଙ୍ଗୁଟିପାଲି ଛକରେ ଗତକାଲି ଘଟିଯାଇଛି ଏଭଳି ଅଭାବନୀୟ ଘଟଣା । ସ୍ଥାନୀୟ ଅଂଚଳର ଯୁବକର ଆକ୍ରମଣରେ ଜଣେ ବୃଦ୍ଧଙ୍କ ମୃତ୍ୟୁ ହୋଇ ଯାଇଛି । ତେବେ ହତ୍ୟାକାରୀ ଯୁବକ ଟିଂଚୁ ମୁଣ୍ଡାକୁ ପିଟି ପିଟି ମାରିଦେଇଛନ୍ତି ଉତ୍ୟକ୍ତ ଲୋକେ ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ସଂଧ୍ୟାରେ ମୁଙ୍କୁ ଓରାମ ନାମକ ଜଣେ ୭୫ ବର୍ଷୀୟ ବୃଦ୍ଧଙ୍କୁ ମଦ ପିଇବାକୁ ଟଙ୍କା ମାଗିଥିଲା ଟିଂଚୁ । ଏହାକୁ ନେଇ ଉଭୟଙ୍କ ମଧ୍ୟରେ ବଚସା ହେବା ପରେ ବୃଦ୍ଧଙ୍କୁ ଗଡାଇ ଗଡାଇ ମାରିଥିଲା ଟିଂଚୁ । ଖବର ପାଇ ପୋଲିସ ପହଂଚି ବୃଦ୍ଧଙ୍କୁ ଉଦ୍ଧାର କରି ହସ୍ପିଟାଲ ପଠାଇଥିଲା । ହେଲେ ବାଟରେ ତାଙ୍କର ମୃତ୍ୟୁ ହୋଇଯାଇଥିଲା । ଏପଟେ ଆକ୍ରମଣକାରୀ ଟିଂଚୁ ମୁଣ୍ଡାଙ୍କୁ ପିଟି ପିଟି ମାରି ଦେଇଥିଲେ ଉତ୍ୟକ୍ତ ଲୋକେ । ଦୁଇଟି ପୃଥକ ପୃଥକ ମାମଲା ରୁଜୁ କରି ତଦନ୍ତ ଜାରି ରଖିଛି ପୋଲିସ ।
ଦେଖନ୍ତୁ ଏହି ଭିଡିଓ :